1 CORINTIOS 8:4 - Chatino Tataltepec

⁴ Tso'o lacua. Ta na cha' lo'o tya'a na si tso'o cuentya ji'i̱ ycui' Ndyosi cha' cacu na msta̱ nu cua ngusta ngu' slo jo'ó tya clyo. Cua jlo ti' na ñi'ya̱ nu laca sca lcui̱ jo'ó, lcui̱ ti laca bi'. Ná tyaca̱' ña'a̱ na sca na nu lu'ú, ñi'ya̱ nu ña'a̱ lcui̱ jo'ó bi'. Sca ti ycui' Ndyosi Sti na ntsu'u chalyuu.

1 CORINTIOS 8:4 ပူးပေါင်းရင်းမြစ်များ

SAN MARCOS 12:29

Li' nguxacui̱ Jesús cha' ji'i̱ mstru bi': ―Ndi'ya̱ nchcui' cha' nu nscua clyo la bi': “Cu'ma̱ ngu' Israel, cua'a̱ jyaca̱ ma̱ cha' sca ti ycui' Ndyosi laca nu Xu'na na” ―nacui̱ Jesús ji'i̱―.

LOS HECHOS 14:15

―Ngu' cusu' cu'ma̱ ―nacui̱ Pablo lo'o Bernabé ji'i̱ ngu' quichi̱―. ¿Ni cha' laca ndyu'ni ma̱ jua'a̱? ―nacui̱ ngu'―. Laca ya ñati̱ chalyuu ti, ñi'ya̱ nu laca cu'ma̱; si'i ndyosi laca ya. Cua ndyalaa ya ca nde cha' ta ya cha' lo'o ma̱, cha' ji'i̱ ycui' Ndyosi nu lu'ú ca. Ná tso'o cua'ni tlyu ma̱ ji'i̱ xa' la jo'ó, sca ti ji'i̱ ycui' Ndyosi nu lu'ú nga'a̱ cha' tyu'u tyiquee ma̱ ji'i̱; bi' laca nu ngüiñá lcaa na nu ntsu'u lo yuu, lo'o lcaa na nu ntsu'u nde cua̱, lo'o lcaa tyujo'o, lo'o lcaa na nu ntsu'u ca bi'.

LOS HECHOS 15:20

Tsa bi' ti cha' cua'ni na, nti' na'; scua na xi cha' tso'o cha' tsaa slo ngu' bi' nu nacui̱ ndi'ya̱: Ná tso'o si cacu ngu' msta̱ ji'i̱ jo'ó, xqui'ya cha' cua'ni ñu'u̱ msta̱ bi' ji'i̱ cresiya ji'na si cacu na ji'i̱; lo'o jua'a̱ ná tso'o tsiya' ti tyu'u cha' ji'i̱ ngu' lo'o clyo'o xa' ñati̱; ná tso'o cacu ngu' na'ni nu ná ndye ndyalú tañi ji'i̱ ni', nu lo'o cua ndyujuii ngu' ji'i̱; ni ná tso'o cacu ngu' tañi.

LOS HECHOS 19:26

Lo'o juani cua na'a̱ ma̱ cha' ndya'a̱ nu Pablo bi' quichi̱ tyi na re, lo'o jua'a̱ ndya'a̱ yu nde lcaa quichi̱ loyuu su cuentya Asia re. Cua ndyuna ma̱ cha' nu nclyu'u yu bi' ji'i̱ ngu', cha' ná tso'o cua'ni tlyu ngu' ji'i̱ jo'ó nu ndiñá ñati̱ ti; si'i ycui' Ndyosi laca jo'ó bi', nacui̱ Pablo. Lo'o nu juani ntsu'u tsa ngu' quichi̱ re nu ngusñi cha' nu nchcui' yu bi'.

1 CORINTIOS 8:1

Nde scua na' chaca cha' nu tsaa slo ma̱, cha' ca cuayá' ti' ma̱ ni cha' ndyu'ni ma̱ lo'o ndacu ma̱ msta̱ nu cua ngusta ngu' slo jo'ó tya clyo. Ntsu'u cu'ma̱ nu ñacui̱ ma̱: “Cua jlo ti' ya, cua nda ya cuentya cha' ná ntsu'u cha' tacati ji'i̱ jo'ó jua; taca cacu ya msta̱ bi'”, ñacui̱ ma̱. Chañi tsa cha' bi'. Pana tyixi cua'ni na lo'o tya'a ñati̱ na nu lo'o chcui' na jua'a̱. Sca ti si ntsu'u tyiquee na ña'a̱ na ji'i̱ tya'a ñati̱ na, si cube ti' na ji'i̱ ngu' bi', ca li' taca xtyucua na ji'i̱ ngu'.

1 CORINTIOS 8:10

Ndi'ya̱ cha' caca lo'o ñati̱ nu tya quiña'a̱ tsa nclyacua ti' ji'i̱ na nu nscua slo jo'ó bi' li'. Nti' ngu' cha' cua jlo tso'o ti' ma̱ lcaa cha' ji'i̱ Jesús. Nu lo'o ña'a̱ ngu' ji'i̱ ma̱ cha' nga'a̱ ma̱ slo jo'ó, ndacu ma̱ na laca nu nscua slo jo'ó, lo'o ngu' cua'ni ngu' ñi'ya̱ nu ndyu'ni ma̱ nti' ngu' li', masi cha' cuxi laca bi' cuentya ji'i̱ ngu'.

1 CORINTIOS 8:11

Lo'o jua'a̱ caca cuxi ji'i̱ ngu' li', chcuna' tyucui̱i̱ ji'i̱ ngu' xqui'ya cu'ma̱ nu cua jlo ti' ma̱ cha' liñi ji'i̱ ycui' Ndyosi. Tso'o la tyi'u ti' ma̱ cha' lo'o xqui'ya ngu' bi' ngujuii Cristo.

GÁLATAS 4:8

Sa'ni la lo'o tya lyiji caca cuayá' tso'o ti' ma̱ cha' ji'i̱ ycui' Ndyosi, xa' la jo'ó ndatsaa ji'i̱ ma̱ cha' cua'ni ma̱ cña ji'i̱, jo'ó nu si'i jo'ó nu chañi ca.

EFESIOS 4:6

cha' sca ti ycui' Ndyosi ntsu'u; la cui' Sti lcaa na laca bi', lo'o jua'a̱ la cui' bi' laca loo ji'i̱ lcaa na. Ndu'ni Ni cña laja lcaa ñati̱ nu cua ngusñi cha' ji'i̱ Ni, lo'o jua'a̱ ndi'i̱ Ni lo'o lcaa ñati̱ ji'i̱ Ni.

1 TIMOTEO 1:17

Bi' cha' cua'ni tlyu na ji'i̱ ycui' Ndyosi juani, cua'ni chi̱ na loo Ni, cha' ná tye tsa̱ nu laca Ni loo tyucui ña'a̱ chalyuu; ná tye cha' ji'i̱ ycui' Ndyosi, cha' ná ntsu'u cha' cajaa Ni. Ná nchca ji'na ña'a̱ na ji'i̱ Ni cha' laca na ñati̱ chalyuu ti, pana sca ti ycui' Ni laca ycui' Ndyosi. Jua'a̱ laca cha' ji'i̱ Ni tu'ni.

1 TIMOTEO 2:5

Sca ti ycui' Ndyosi ntsu'u tsiya' ti, lo'o jua'a̱ ntsu'u sca ti ñati̱ nu ndi'i̱ slo ycui' Ni nu nchcui' lo'o Ni cuentya ji'i̱ ñati̱ chalyuu; la cui' Jesucristo laca nu ñati̱ bi'.