1 CORINTIOS 8:2 - Chatino Tataltepec

² Nu lo'o ndu'ni na lo'o ngu' cha' cua jlo ti' na sca cha', cha' cua laca ngua tsa'a̱ na sca cha', cha' tyixi nda na lo'o ngu' li'. Laca bi' ñi'ya̱ si ná jlo ti' na tsiya' ti, si bilya ca tsa'a̱ na tso'o ti sca cha' nu nga'a̱ tsa cha' ca tsa'a̱ na.

1 CORINTIOS 8:2 ပူးပေါင်းရင်းမြစ်များ

ROMANOS 11:25

Cu'ma̱ ngu' tya'a ntsu'u cha' ji'na lo'o Cristo, nti' na' cha' caca cuayá' ti' ma̱ cha' tucui re, sca cha' ji'i̱ ycui' Ndyosi nu ntsu'u cuatsi' ti nquicha'; lo'o caca cuayá' ti' ma̱ cha' re, nga'aa chcui' ma̱ cha' tyixi lo'o ngu' judío li'. Ndi'ya̱ laca cha': Quiña'a̱ tsa tya'a ngu' judío ntsu'u nu ndyacu̱' hique ngu' tsiya' ti, cha' ná caca cuna ngu' cha' ji'i̱ Jesús; ña'a̱ cuayá' nu tye cuna lcaa ngu' xa' tsu' nu nga'a̱ cha' xñi cha' ji'i̱ Jesús,

1 CORINTIOS 13:12

Jua'a̱ laca cha' ji'na su ndi'i̱ na chalyuu; juani nguxa' ti ndyiji sca cha' ji'i̱ ycui' Ndyosi ji'na, si'i tsa liñi ti nduna na cha' bi'. Ñi'ya̱ nti' si ña'a̱ na ji'i̱ ycui' ca na lo sca cuanaa, tsa lyiji ti ña'a̱ na ji'na; pana nde loo la, li' caca cuayá' tso'o ti' na lcaa cha' bi'. Cua laca ti cha' jlo ti' na juani, pana nde loo la ta na cuentya ji'i̱ lcaa lo cha'; li' tyuloo na ji'i̱ ycui' Ndyosi ñi'ya̱ ndyuloo Ni ji'na.

1 CORINTIOS 3:18

Cua ngusñi na cha' ji'i̱ Cristo, bi' cha' tso'o la si ná cñilo'o na ji'i̱ ycui' ca na cha' ngua tsa ji'na, ñi'ya̱ ndu'ni ñati̱ chalyuu nu ngua tsa ji'i̱ ngu'. Ná tso'o si jua'a̱ nclyacua ti' na; nga'a̱ cha' culacua ti' na cha' ná ngua ji'na tsiya' ti, lo'o li' taca cua'ni ycui' Ndyosi cha' ca'ya sca cha' liñi hique na.

GÁLATAS 6:3

Na ñilo'o ti na ji'i̱ ycui' ca na si culacua ti' na cha' tso'o tsa laca na cuentya ji'i̱ ycui' Ndyosi; tso'o la si ta na cuentya cha' ná sca na laca na cuentya ji'i̱ ycui' Ni.