1 CORINTIOS 7:9 - Chatino Tataltepec

⁹ Sca ti si ná talo ma̱ tyi'i̱ ma̱ jua'a̱ ti, tso'o la si caja clyo'o ma̱ li', cha' ná tso'o si quiñu'u̱ ti' na cha' xcui' ndijña tyiquee na ji'i̱ ñati̱ nu caca clyo'o na.

1 CORINTIOS 7:9 ပူးပေါင်းရင်းမြစ်များ

LOS HECHOS 19:36

Ná tucui taca ñacui̱ cha' si'i jua'a̱ laca cha' bi'; bi' cha' cuaana ti ma̱ lacua, culacua xi ti' ma̱ na laca ndyu'ni ti ma̱ juani.

1 CORINTIOS 7:2

Pana nde chalyuu su ndi'i̱ na, ntsu'u tsa cha' suba' nu ndu'ni ngu' lo'o ngu' cuna'a̱; bi' cha' ni na' ji'i̱ ma̱ cha' tso'o la si lcaa ñati̱ caja clyo'o ngu', caja sca nu cuna'a̱ ji'i̱ sca nu qui'yu, lo'o jua'a̱ nu cuna'a̱ caja qui'yu ji'i̱.

1 CORINTIOS 7:28

Pana la cui' ti cha', si'i qui'ya laca masi caja clyo'o ma̱; lo'o jua'a̱ sca nu cuna'a̱ nu bilya caja clyo'o, si'i qui'ya laca masi caja clyo'o bi'. Tsa bi' ti cha' ndube ti' na' ji'i̱ ma̱, lcaa ña'a̱ cha' ti'í nu caca ji'i̱ ma̱ nde loo la su ndi'i̱ ma̱ chalyuu. Ná nti' na' cha' quiña'a̱ tsa cha' ti'í tyacua ji'i̱ ma̱ xqui'ya cha' ntsu'u clyo'o ma̱, xqui'ya cha' ndi'i̱ sñi' ma̱ li'.

1 CORINTIOS 7:36

Tso'o si ta sti nu cuna'a̱ cuañi' chacuayá' caja clyo'o sñi', si'i qui'ya laca bi'. Cua ndyalaa ti' cho', cua la cui' tyempo caja clyo'o. Nga'a̱ cha' cua'ni sti nu cuna'a̱ ñi'ya̱ nu tso'o la nti' yu cuentya ji'i̱ sñi'; ná ntsu'u qui'ya ji'i̱, masi caja clyo'o sñi'.

1 CORINTIOS 7:39

Cu'ma̱ ngu' cuna'a̱ nu cua ngujui clyo'o ma̱, ná ntsu'u chacuayá' caja clyo'o lo'o chaca ñati̱ laja lo'o tya lu'ú clyo'o ma̱. Sca ti si cua ngujuii nu qui'yu ji'i̱ ma̱, ca li' ntsu'u chacuayá' caja clyo'o ma̱ chaca quiya'. Taca caja clyo'o ma̱ li' chaca quiya' lo'o cua ña'a̱ ca nu qui'yu nu nti' ma̱, sca ti si lo'o yu bi' laca ñati̱ tya'a ngusñi na cha' ji'i̱ Jesús.

1 TESALONICENSES 4:4

lcaa cu'ma̱, tso'o caja clyo'o ma̱, pana nga'aa ña'a̱ ma̱ ji'i̱ xa' nu cuna'a̱ li'. Lo'o jua'a̱ tso'o ti tyi'i̱ ma̱ lo'o clyo'o ma̱; tyu'u tyiquee ma̱ ña'a̱ ma̱ ji'i̱ clyo'o ma̱,

1 TIMOTEO 5:11

Ná scua ngu' xtañi nu cuna'a̱ cuañi' la nu ndyanu ti'i, cha' ntsu'u quiya' ná talo nu ngu' cuañi' bi'. Pana nu cuna'a̱ nu nscua xtañi lo quityi ni, sca ti cua'ni ngu' cña ji'i̱ Jesucristo nti' ngu', bi' cha' ngüiñi cha' ji'i̱ ngu' lo'o ycui' Ndyosi li'. Ñi'ya̱ caca si tiya' la xa' caja clyo'o nu cuna'a̱ cuañi' bi', lo'o li' nga'aa cua'ni ngu' ñi'ya̱ nu nacui̱ ngu' cha' cua'ni ngu' cuentya ji'i̱ Jesucristo li', jua'a̱ ntsu'u qui'ya ji'i̱ nu cuna'a̱ bi' li'.

1 TIMOTEO 5:14

Bi' cha' tso'o la si xa' caja clyo'o nu cuna'a̱ cuañi' nu ndyanu ti'i, nti' na'; caja sñi' ngu' li', ña'a̱si̱i̱ ngu' to' tyi ycui' ngu', cha' ná caja ñi'ya̱ nu sta ngu' qui'ya ji'na xqui'ya nu cuna'a̱ bi'.