1 CORINTIOS 7:7 - Chatino Tataltepec

⁷ cha' cuentya jna' tso'o la si tyanu ngu' ycui' ti ngu' ñi'ya̱ nu ndi'i̱ na', jua'a̱ nti' na'. Pana xi xa' ca ña'a̱ ndu'ni ycui' Ndyosi lo'o scaa ñati̱, cha' cua nda ycui' Ndyosi chacuayá' ñi'ya̱ tyi'i̱ scaa na; tsaca lo ña'a̱ ndi'i̱ tsaca ñati̱, chaca lo ña'a̱ ndi'i̱ chaca ñati̱, tsa ña'a̱ chacuayá' nu nda Ni ji'na.

1 CORINTIOS 7:7 ပူးပေါင်းရင်းမြစ်များ

LOS HECHOS 26:29

―Masi yala ti, masi ca tiya' la ―nacui̱ Pablo―, tso'o tsa si xñi lcaa tya'a ma̱ cha' bi', lo'o nu'u̱, rey Agripa, lo'o lcaa cu'ma̱ nu ndyuna ma̱ cha' nu' nchcui' na' lo'o ma̱ tsa̱ juani; tso'o tsa si caca stu'ba cha' ji'i̱ ma̱ lo'o na' lo'o xñi ma̱ cha' bi' li'. Sca ti cha' ná tso'o, si sca̱' ngu' ji'i̱ ma̱ lo'o carena chcua̱ ñi'ya̱ nu ngusca̱' ngu' jna'.

ROMANOS 12:6

Xi xa' la cña nchca cua'ni sa scaa na, ña'a̱ cña nu nda Ni chacuayá' cha' cua'ni scaa na, cha' tso'o tsa ntsu'u tyiquee Ni ña'a̱ Ni ji'na. Nu lo'o ntsu'u ngu' tya'a ma̱ nu nchca ji'i̱ ngu' chcui' ngu' sca cha' nu nti' ycui' Ndyosi ta Ni lo'o ma̱, bi' cña cua'ni ngu' lacua. La cui' ñi'ya̱ nduna ngu' bi' cha' nu nda ycui' Ndyosi, ñi'ya̱ ngusñi ngu' cha' bi', la cui' jua'a̱ ta ngu' cha' bi' lo'o ma̱.

1 CORINTIOS 12:11

Sca ti Xtyi'i ycui' Ndyosi ndu'ni cha' nchca ji'i̱ ñati̱ cua'ni lcaa cña bi'; bi' laca nu nda sca lo cña cua'ni sa scaa na, ñi'ya̱ nu ntsu'u tyiquee Ni cha' caca ji'na.

1 CORINTIOS 12:4

Tyu̱u̱ lo cha' nda ycui' Ndyosi ji'na cha' caca cua'ni na sca cña ji'i̱ Ni, pana sca ti Xtyi'i ycui' Ndyosi ndu'ni cha' taca cua'ni na cña bi'.

1 CORINTIOS 7:8

Nde laca cha' nu ta na' lo'o cu'ma̱ nu bilya caja clyo'o ma̱, cuati jua'a̱ lo'o ngu' tya'a na nu ndyanu ti'i ti: tso'o la caca ji'i̱ ma̱ si tyi'i̱ ma̱ ñi'ya̱ nu ndi'i̱ ti na', nti' na'.

1 CORINTIOS 9:15

Pana ná ngüijña na' na cacu na' ji'i̱ ngu' tsiya' ti lcaa se'i̱ su ndya'a̱ na'. La cui' jua'a̱ ná nscua na' quityi re cha' jña na' na cacu na' ji'i̱ cu'ma̱, cha' ná xñi na' na nu ta ngu' 'na masi cajaa ycui' na'; tso'o la nti' na' cha' ndu'ni na' cña re jua'a̱ ti, ná lo'o caya'.

1 CORINTIOS 9:5

Lo'o jua'a̱ taca caja clyo'o na' lo'o sca nu cuna'a̱ nu tya'a ngusñi na' cha' ji'i̱ Jesús, cha' tya'a̱ lo'o na' ji'i̱ tyucui̱i̱ lcaa su ndya'a̱ na' tyijyu', ni na' ji'i̱ ngu' bi'. Jua'a̱ ndu'ni tya'a ndya'a̱ na' cña, masi tya'a ycui' nu Xu'na na, masi Pedro, ntsu'u clyo'o ngu' bi'.