1 CORINTIOS 7:5 - Chatino Tataltepec

⁵ Ná tso'o si tyeje tacui tyu̱u̱ tsa̱ nu ná ndi'i̱ ma̱ lo'o clyo'o ma̱; sca ti si tyu'utsu' ma̱ xi ji'i̱ tya'a ma̱ cha' caja xi tyempo chcui' ma̱ lo'o ycui' Ndyosi Sti ma̱. Lo'o nteje tacui cha' bi', xa' tyi'i̱ ma̱ lo'o clyo'o ma̱ li', ñi'ya̱ nu ndi'i̱ ti ma̱. Si ná cua'ni ma̱ jua'a̱, ná tyiquee' quiñu'u̱ cha' ji'i̱ ma̱ lo'o clyo'o ma̱ cha' ná nchca talo ma̱ tyu̱u̱ tsa̱. Lo'o li' cua'ni nu xña'a̱ ngana ji'i̱ ma̱.

1 CORINTIOS 7:5 ပူးပေါင်းရင်းမြစ်များ

SAN MATEO 17:21

Lo'o jua'a̱ cha' culo ma̱ ji'i̱ cui'i̱ cuxi bi' ni, ná ca culo ma̱ ji'i̱ cui'i̱ bi' si ná cua'a ma̱ xi ji'i̱ ycui' ca ma̱; tso'o si ná cacu ma̱ tyaja laja lo'o chcui' ma̱ lo'o ycui' Ndyosi cuentya ji'i̱ nu quicha bi'. Jua'a̱ cua'ni ma̱ ña'a̱ cuayá' nu tyu'u cui'i̱ bi' tyaa.

SAN MATEO 19:11

―Ntsu'u tsa ngu' qui'yu nu ná talo ngu' cha' ntucua ngu' ycui' ti ngu' ―nacui̱ Jesús ji'i̱ ngu' nu ndyaca tsa'a̱ ji'i̱ li'―. Sca ti si culo ycui' Ndyosi cña ji'i̱ sca ñati̱ cha' ná caja clyo'o, li' talo yu cha' ná cala' ji'i̱ sca nu cuna'a̱ tsiya' ti, si xtyucua ycui' Ndyosi ji'i̱ yu bi'.

SAN MATEO 4:10

Li' nguxacui̱ Jesús cha' ji'i̱ nu xña'a̱ bi': ―Tyaatsu' nu'u̱ slo na', Satanás ―nacui̱ Jesús―. Yaa clya nu'u̱. Cua nscua sca cha' lo quityi ji'i̱ ycui' Ndyosi ndi'ya̱: “Sca ti ji'i̱ ycui' Ndyosi nu Xu'na ma̱ cua'ni tlyu ma̱ ji'i̱, sca ti cha' ji'i̱ ycui' Ni nga'a̱ cha' taquiya' ma̱ ji'i̱ nde chalyuu”, nacui̱ quityi.

1 CORINTIOS 7:4

Bi' cha' nga'aa culo sca nu cuna'a̱ cña ji'i̱ ycui' ca si cua ngujui clyo'o, cha' nu qui'yu laca loo ji'i̱; lo'o jua'a̱ nu qui'yu, nga'aa si'i ycui' ca yu nu culo cña ji'i̱ yu lo'o cua ngujui clyo'o yu, cha' nu cuna'a̱ laca loo ji'i̱ yu li'.

1 TESALONICENSES 3:5

Lo'o ngua cuayá' ti' na' cha' bi', nga'aa ndalo na' li'; xñi'i̱ tsa ti' na' cha' ná jlo ta̱' ñi'ya̱ ndyaca cha' ji'i̱ ma̱. Bi' cha' nda na' ji'i̱ yu tya'a na ñaa yu slo ma̱, cha' ca cuayá' ta̱' si ña'a̱ ti nxñi tso'o ma̱ cha' tso'o ji'i̱ ycui' Ndyosi, si tyiji̱loo ma̱ ji'i̱ nu xña'a̱ nu nti' cha' cua'ni ma̱ cha' cuxi. Cua nguna' cña ji'i̱ ya lo'o ma̱ si ná caca tyiji̱loo ma̱ ji'i̱ nu xña'a̱ bi'.