1 CORINTIOS 7:40 - Chatino Tataltepec

⁴⁰ Pana nti' na' cha' tso'o la tyu'u tyiquee ma̱ si ná caja clyo'o ma̱, si tyanu ma̱ ycui' ti ma̱. Jua'a̱ nclyacua ti' na', cha' Xtyi'i ycui' Ndyosi nacui̱ 'na cha' chcui' na' jua'a̱, nti' na'.

1 CORINTIOS 7:40 ပူးပေါင်းရင်းမြစ်များ

1 CORINTIOS 7:1

Juani scua na' xi cha', cha' xacui̱ na' cha' ji'i̱ ma̱ cuentya ji'i̱ quityi nu nguscua ma̱, nu ndyalaa slo na' tsubi' ti. Nu na ngu' qui'yu, tso'o la si ná caja clyo'o na; tyanu na jua'a̱ ti, nti' na'.

1 CORINTIOS 7:35

Nti' tsa na' cha' xtyucua na' ji'i̱ cu'ma̱, bi' cha' nda na' cha' bi' lo'o ma̱. Si'i na ndaca'a na' ji'i̱ ma̱ cha' ná caja clyo'o ma̱, cha' ntsu'u cha' cua'ni ma̱ ñi'ya̱ nu tso'o la cuentya ji'i̱ sa scaa ma̱. Na cua nti' na' cha' tyucui tyiquee ma̱ cua'ni ma̱ cña ji'i̱ ycui' Ndyosi, lo'o li' ná caja nu cua'ni ñu'u̱ tyucui̱i̱ nu cua ngulu'u Jesús ji'i̱ ma̱.

1 CORINTIOS 7:6

Ná ñacui̱ ma̱ cha' nclyo na' cña ji'i̱ ma̱ cha' caja clyo'o ma̱; nde laca sca cha' nu nda ti na' lo'o ma̱,

1 CORINTIOS 7:8

Nde laca cha' nu ta na' lo'o cu'ma̱ nu bilya caja clyo'o ma̱, cuati jua'a̱ lo'o ngu' tya'a na nu ndyanu ti'i ti: tso'o la caca ji'i̱ ma̱ si tyi'i̱ ma̱ ñi'ya̱ nu ndi'i̱ ti na', nti' na'.

2 CORINTIOS 12:11

Cu'ma̱ ngua'ni ma̱ lo'o na' cha' nchcui' na' cha' tonto re, pana cu'ma̱ laca nu nga'a̱ cha' chcui' tso'o ma̱ 'na nquicha'. Masi ná sca cha' ndyaca 'na tsiya' ti, si'i na xti la cña nchca 'na lo'o quiña'a̱ la cña nchca ji'i̱ nu ngu' cuiñi bi', masi tyaca'a tsa ndyu'ni ma̱ ji'i̱ ngu'; si'i jua'a̱ ndyu'u cha'.

2 CORINTIOS 13:3

Ca li' caca cuayá' ti' ma̱ cha' ycui' Cristo laca nu nda cha' nu nchcui' na'; lo'o jua'a̱ si'i na xti ti cña nchca ji'i̱ Cristo lo'o xcube' Ni ji'i̱ ma̱, masi lye tsa cua'ni Ni cña cha' chcube' ma̱ li'.

2 CORINTIOS 8:10

Ndi'ya̱ nti' na', tso'o la si cua'ni ma̱ cha' xcua se'i̱ cña bi' lacua, cha' tya yija̱ na ndyu'ni ma̱ ji'i̱. Si'i la xña cua'ni ti ma̱ ji'i̱; pana xqui'ya cha' ndiya ti' ma̱ ndu'ni ma̱ jua'a̱, bi' cha' ta ma̱ msta̱ bi'.

1 TESALONICENSES 4:8

Si'i sca cha' nu nchcui' ñati̱ chalyuu ti laca cha' nu nchcui' na' lo'o ma̱ juani, cha' liñi nu cua nda ycui' Ndyosi lo'o na laca cha' bi'; bi' cha' si ná taquiya' ma̱ ji'i̱ cha' bi', na cua nguxtyanu ma̱ ji'i̱ ycui' Ndyosi nu nda Xtyi'i ycui' Ni cha' tyanu Ni ne' cresiya ji'na.