1 CORINTIOS 7:31 - Chatino Tataltepec

³¹ masi ntsu'u tsa cha' tso'o ji'i̱ ma̱ nde chalyuu, ná culiji tsa ma̱ tyempo ji'i̱ ma̱ xqui'ya cha' tso'o bi'. Cua lijya̱ ti tye tyucui ña'a̱ chalyuu, lo'o jua'a̱ lcaa na nu ntsu'u chalyuu nga'a̱ cha' tye cha' bi'.

1 CORINTIOS 7:31 ပူးပေါင်းရင်းမြစ်များ

SAN LUCAS 21:34

’Cui'ya ma̱ cuentya, cua'a ma̱ ji'i̱ ycui' ca ma̱ cha' tii ti ti' ma̱ tyi'i̱ ma̱ lo'o tyalaa tsa̱ bi'; si culiji yu'u ti ma̱ chalyuu ji'i̱ ma̱ jua'a̱ ti lo'o ndya'a̱ tsa ma̱ calle, lo'o cu'bi ti ma̱, la cui' jua'a̱ si ntsu'u tyu̱u̱ tya'a cha' nu ndube tsa ti' ma̱ ji'i̱, ná caca tyi'i̱ ma̱ tii ti ti' ma̱ li'. Ñi'ya̱ ndyacu̱' sca lco'o,

1 CORINTIOS 7:29

Cu'ma̱ tya'a ngusñi na cha' ji'i̱ Jesús, ndi'ya̱ laca cha' nu ta na' lo'o ma̱: Tya xti tya tyempo tya lijya̱ ji'na chalyuu. Bi' cha' cua'ni yala ma̱ su ndi'i̱ ma̱ chalyuu; masi ntsu'u clyo'o ma̱, si'i xcui' cha' ji'i̱ clyo'o ma̱ tyu'u tyiquee ma̱;

1 CORINTIOS 7:30

masi nxi'ya ma̱, ná ñacui̱ ma̱ cha' xñi'i̱ ti' ma̱; masi nxtyí ma̱, ná ñacui̱ ma̱ cha' chaa tsa ti' ma̱; masi cui'ya ma̱ sca yu'ba, ná culacua ti' ma̱ cha' tsa cu' ti na ji'i̱ ma̱ laca bi';

1 CORINTIOS 9:18

¿Ha ná caja xcaya' na' li'? Chañi cha' caja bi' 'na, pana xa' lo na laca bi' li'; laca cha' tso'o tsa ntsu'u tyiquee na' nu lo'o nchcui' na' cha' tso'o ji'i̱ Jesús lo'o ñati̱. Bi' cha' tso'o tsa nti' na', masi ná nda ngu' xcaya' na'. Ná nti' na' jña na' xcaya' na' ji'i̱ ma̱, masi ntsu'u chacuayá' cha' jña na' cha' bi' ji'i̱ ma̱, laja lo'o ndyu'ni na' cña ji'i̱ ycui' Ni.

HEBREOS 12:27

Lo'o nacui̱ Ni: “chaca tya quiya'”, jua'a̱ ca cuayá' ti' na cha' ntsu'u cha' xquiña Ni tyucui ña'a̱ lcaa chalyuu nu cua ngüiñá Ni, culotsu' Ni ji'i̱ cha' bi' li'. Tsa ña'a̱ ti na nu ntsu'u ji'i̱ ycui' Ndyosi, bi' ti na nu tyanu li', xqui'ya cha' ná nchca clyiji na bi' tsiya' ti.

SANTIAGO 4:14

Pana ná sca cha' jlo ti' ma̱ tsiya' ti ñi'ya̱ ña'a̱ chalyuu nu caja ji'i̱ ma̱ quee bcha la. Chalyuu su ndi'i̱ na juani, ñi'ya̱ laca sca cuichi coo, jua'a̱ laca bi'; tsiya' ca ndyu'u tucua cuichi coo, lo'o jua'a̱ yala ti ncliji yu'u bi'.

1 PEDRO 1:24

Ndi'ya̱ nscua cha' lo quityi ji'i̱ ycui' Ndyosi: Ñi'ya̱ laca quixi̱', jua'a̱ laca ñati̱ chalyuu. Lcaa na nu tso'o ña'a̱ nu ntsu'u ji'i̱ ñati̱ laca ñi'ya̱ nti' sca queé nu ndyu'ú ne' quixi̱' ti; ndyanaa quixi̱' bi', li' ndye queé bi', ngüityi tsiya' ti. Lo'o jua'a̱ laca lo'o ñati̱ lo'o lcaa cha' tso'o nu ntsu'u ji'i̱ ngu' nde chalyuu, tye cha' tso'o bi' ji'i̱ ngu' stu'ba ti lo'o ycui' ngu'.

1 PEDRO 4:7

Cua tye ti cha' ji'i̱ lcaa na nu ntsu'u chalyuu; bi' cha' tso'o la si cua'a ma̱ ji'i̱ ycui' ca ma̱, tii ti ti' ma̱ tyi'i̱ ma̱ chalyuu cha' taca cua'ni ma̱ cña tso'o, cha' lu'ba ti taca chcui' ma̱ lo'o ycui' Ndyosi.

1 JUAN 2:17

Yala ti tye chalyuu re, culiji jua'a̱ ti lcaa cha' cuxi nu ndiya ti' ñati̱ chalyuu; pana ñati̱ nu taquiya' ji'i̱ cha' nu nchcui' ycui' Ndyosi ni, ná nga'a̱ cha' tye chalyuu ji'i̱ ngu' bi'.