1 CORINTIOS 7:2 - Chatino Tataltepec

² Pana nde chalyuu su ndi'i̱ na, ntsu'u tsa cha' suba' nu ndu'ni ngu' lo'o ngu' cuna'a̱; bi' cha' ni na' ji'i̱ ma̱ cha' tso'o la si lcaa ñati̱ caja clyo'o ngu', caja sca nu cuna'a̱ ji'i̱ sca nu qui'yu, lo'o jua'a̱ nu cuna'a̱ caja qui'yu ji'i̱.

1 CORINTIOS 7:2 ပူးပေါင်းရင်းမြစ်များ

SAN MATEO 5:32

Pana, quiña'a̱ la cha' chcui' na' lo'o ma̱ juani: ndyu'ni cuxi sca nu qui'yu si culo yu quityi cha' xtyanu yu ji'i̱ clyo'o yu, si ná ndacui nu cuna'a̱ bi' qui'ya. Lo'o li' si xa' caja clyo'o nu cuna'a̱ bi' lo'o chaca ñati̱, li' ndacui nu cuna'a̱ qui'ya, lo'o jua'a̱ chaca yu bi' ndacui qui'ya, cha' clyo'o xa' ñati̱ bi' laca nu cuna'a̱ bi'; pana tlyu la qui'ya nu ndacui ji'i̱ nu qui'yu nu ngua clyo'o clyo.

1 CORINTIOS 6:18

Bi' cha' ná cua'ni suba' ma̱ lo'o xa' ñati̱. Cua ña'a̱ ca qui'ya nu ntsu'u ji'na, ná cua'ni ñu'u̱ bi' ji'i̱ ycui' na; pana lo'o cala' na ji'i̱ xa' ñati̱ nu si'i ñati̱ ji'na, ycui' ca na cua'ni ñu'u̱ na ji'na li'.

1 CORINTIOS 7:1

Juani scua na' xi cha', cha' xacui̱ na' cha' ji'i̱ ma̱ cuentya ji'i̱ quityi nu nguscua ma̱, nu ndyalaa slo na' tsubi' ti. Nu na ngu' qui'yu, tso'o la si ná caja clyo'o na; tyanu na jua'a̱ ti, nti' na'.

1 CORINTIOS 7:3

Nga'a̱ cha' tyi'i̱ tso'o nu qui'yu lo'o clyo'o yu, ñi'ya̱ nu nga'a̱ cha' caca; lo'o jua'a̱ nu cuna'a̱ ni, nga'a̱ cha' tyi'i̱ tso'o lo'o clyo'o ñi'ya̱ nu nga'a̱ cha' caca.

1 CORINTIOS 7:9

Sca ti si ná talo ma̱ tyi'i̱ ma̱ jua'a̱ ti, tso'o la si caja clyo'o ma̱ li', cha' ná tso'o si quiñu'u̱ ti' na cha' xcui' ndijña tyiquee na ji'i̱ ñati̱ nu caca clyo'o na.

EFESIOS 5:28

Cu'ma̱ ngu' qui'yu nu ntsu'u clyo'o ma̱ ni, nga'a̱ cha' cua'ni tyaca'a ma̱ ji'i̱ clyo'o ma̱, ñi'ya̱ ndu'ni tyaca'a ma̱ ji'i̱ ycui' ca ma̱. Si tyaca'a clyo'o na ji'na, laca cha' ndu'ni na sca cha' tso'o ji'i̱ ycui' ca na,

EFESIOS 5:33

Pana la cui' jua'a̱ nchcui' quityi bi' cuentya ji'i̱ lcaa cu'ma̱, cha' cua'ni tyaca'a cu'ma̱ ngu' qui'yu ma̱ ji'i̱ clyo'o ma̱ ñi'ya̱ nu ndu'ni tyaca'a ma̱ ji'i̱ ycui' ca ma̱. La cui' jua'a̱ nga'a̱ cha' cua'ni chi̱ ngu' cuna'a̱ ma̱ loo clyo'o ma̱.

1 TESALONICENSES 4:4

lcaa cu'ma̱, tso'o caja clyo'o ma̱, pana nga'aa ña'a̱ ma̱ ji'i̱ xa' nu cuna'a̱ li'. Lo'o jua'a̱ tso'o ti tyi'i̱ ma̱ lo'o clyo'o ma̱; tyu'u tyiquee ma̱ ña'a̱ ma̱ ji'i̱ clyo'o ma̱,

1 TIMOTEO 4:3

Nclu'u ngu' cuiñi bi' cha' ná tso'o caja clyo'o na; nclu'u ngu' cha' ntsu'u tsa na ndacu na nu ná tso'o cacu na, nacui̱ ngu' bi'. Tlyu tsa cha' cuiñi nu nda ngu' bi'. Pana ngüiñá ycui' Ndyosi lcaa na nu ndacu na cha' tso'o ti cacu na ji'i̱, lcaa tya'a na nu ntsu'u cha' ji'na lo'o Jesucristo; bi' cha' tya na xlya'be ji'i̱ ycui' Ndyosi lo'o cua cacu ti na, cha' jlo ti' na cha' tso'o ji'i̱ ycui' Ni.