1 CORINTIOS 7:19 - Chatino Tataltepec

¹⁹ Ná ndu'ni cha' cuentya ji'i̱ ycui' Ndyosi, masi ngulacua̱ na jua'a̱, masi ná ngulacua̱ na jua'a̱; nu ndu'ni cha' cuentya ji'i̱ ycui' Ndyosi laca cha' cua'ni na cña nu nclyo Ni ji'na.

1 CORINTIOS 7:19 ပူးပေါင်းရင်းမြစ်များ

SAN MATEO 5:19

Bi' cha' juani, nga'aa ta Ni su tyi'i̱ ñati̱ slo ycui' Ni si ná taquiya' ngu' ji'i̱ cua ña'a̱ ca cña̱ nu nda ycui' Ni ji'i̱ ngu' cha' cua'ni ngu', si culu'u ngu' ji'i̱ tya'a ñati̱ ngu' cha' nga'aa ntsu'u cha' taquiya' ngu' ji'i̱ cña bi'. Lo'o jua'a̱ ta Ni su tyi'i̱ ñati̱ ca slo ycui' Ni si taquiya' ngu' ji'i̱ lcaa cña bi', si culu'u ngu' cña bi' ji'i̱ tya'a ñati̱ ngu'.

SAN JUAN 15:14

Tya'a tso'o na' laca cu'ma̱ si taquiya' ma̱ ji'i̱ cha' nu nda na' lo'o ma̱ ―nacui̱ Jesús―,

ROMANOS 3:30

Chañi tsa laca cha' bi', cha' sca ti ycui' Ndyosi laca loo tyucui ña'a̱ chalyuu; ná ntsu'u chaca nu laca loo la. Cua'ni Ni cha' caca tso'o cresiya ji'i̱ ngu' judío lo'o xñi ngu' cha' ji'i̱ Ni; la cui' jua'a̱ cua'ni Ni cha' caca tso'o cresiya ji'i̱ ngu' xa' tsu', nu lo'o xñi ngu' bi' cha' ji'i̱ Ni.

1 CORINTIOS 8:8

Masi jlo ti' na cha' sca na cacu na ni, si'i bi' laca nu ndu'ni cha' tso'o la na cuentya ji'i̱ ycui' Ndyosi. Si'i na caca tso'o la na, masi cacu na ji'i̱; lo'o jua'a̱ ná sca cha' caca ji'na, masi ná cacu na ji'i̱.

GÁLATAS 3:28

Nu lo'o cua ngua stu'ba cha' ji'na lo'o Jesucristo, la cui' tyempo bi' ngua stu'ba cha' ji'na lo'o tya'a ñati̱ na; bi' cha' nga'aa chcui' na cha' ngu' judío laca ya, cha' ngu' xa' tsu' laca ma̱; nga'aa chcui' na cha' msu nu ngüi'ya ñati̱ laca ma̱, cha' ñati̱ nu ndi'i̱ tso'o ti laca na; nga'aa chcui' na cha' qui'yu laca na, cha' cuna'a̱ laca ma̱. Lcaa na, stu'ba cha' ji'na lo'o tya'a na juani.

GÁLATAS 5:6

Lo'o jua'a̱ si chañi cha' stu'ba ntsu'u cha' ji'na lo'o Jesucristo, li' ná ndu'ni cha' masi ngulacua̱ na, masi ná ngulacua̱ na. Sca ti cha' ndulo tsa ji'na cha' cua'ni na, cha' xñi tso'o la na cha' ji'i̱ ycui' Ni; lo'o li' caca cua'ni na cha' tso'o ti tyu'u tyiquee na ña'a̱ na ji'i̱ tya'a ñati̱ na.

GÁLATAS 6:15

Nu lo'o stu'ba ntsu'u cha' ji'na lo'o Jesucristo, ná ndu'ni cha' masi ngulacua̱ na, masi ná ngulacua̱ na, sca ti cuayá' laca na. Sca ti cha' nu ndulo la ji'na juani, cha' xcutsa'a̱ Ni tsiya' ti lcaa cha' nu ndu'ni na lo'o ndi'i̱ na chalyuu, cha' xcui' cha' tso'o cua'ni na li'.

COLOSENSES 3:11

Bi' cha' juani nga'aa ndulo tsa cha' ji'na lo'o tya'a na, masi la cui' ngu' judío laca na, masi si'i ngu' judío laca ma̱; nga'aa ndu'ni cha' masi cua ngulacua̱ na, masi ná ngulacua̱ na; nga'aa ndu'ni cha' si ngu' xa' tsu' laca na, masi ngu' tyaala laca na, masi ngu' nu ndi'i̱ tso'o ti laca na, masi msu nu ngüi'ya ti ñati̱ laca ma̱ cha' cua'ni ma̱ cña ji'i̱ ñati̱ laja ti. Nga'aa ndulo tsa cha' bi' ji'na juani, cha' sca ti Cristo laca nu ndulo tsa cha' ji'i̱ cuentya ji'na. Ndi'i̱ Cristo lo'o lcaa ñati̱ ji'i̱ Ni, ñi'ya̱ nu laca ngu', macala su ndi'i̱ ngu'.

APOCALIPSIS 22:14

Tso'o tsa caca tyiquee ñati̱ nu cua ngua lubii cresiya ji'i̱, cha' bi' ñati̱ laca nu ntsu'u chacuayá' cacu si'yu yaca nu caja ji'na nde chalyuu cucui. Jua'a̱ li' taca tyatí̱ ngu' tolo'o ji'i̱ quichi̱ tlyu bi'.