1 CORINTIOS 6:6 - Chatino Tataltepec

⁶ Pana xa' tsa ña'a̱ ndu'ni ma̱ ca jua. Masi ñati̱ tya'a ngusñi ma̱ cha' ji'i̱ Jesús, ndya'a̱ lo'o ma̱ ji'i̱ ca slo ngu' nu ná ndaquiya' ji'i̱ ycui' Ndyosi tsiya' ti, cha' cua'ni cuayá' ngu' bi' ji'i̱ ngu' tya'a ma̱.

1 CORINTIOS 6:6 ပူးပေါင်းရင်းမြစ်များ

LOS HECHOS 7:26

Nguxee chaca tsa̱ ndyalaa yu ca su ngusu̱u̱ tya'a tucua tya'a ngu' Israel. Ná ndiya ti' Moisés cha' nxu̱u̱ tya'a ngu' bi': “¿Ni cha' laca nxu̱u̱ tya'a ma̱?” nacui̱ yu ji'i̱ ngu' li'. “La cui' ca ngu' tya'a na laca ma̱. Ná tso'o cha' nxu̱u̱ tya'a ma̱.”

1 CORINTIOS 6:1

Cu'ma̱ tya'a ngusñi na cha' ji'i̱ Jesús, nu lo'o ndyaca sca cha' cusu̱u̱ ji'i̱ ma̱ lo'o tya'a ñati̱ ma̱, ¿ha tso'o la cha' ndya'a̱ ma̱ slo bese, nti' ma̱? ¿Ha tso'o nti' ma̱ cha' ndya'a̱ ma̱ slo ñati̱ nu ná ndaquiya' ji'i̱ ycui' Ndyosi tsiya' ti? ¿Ha ná tso'o la si tsaa ma̱ slo ngu' tya'a ngusñi ma̱ cha' ji'i̱ Jesús? Jua'a̱ taca ca ti̱ cha' ji'i̱ ma̱ lo'o tya'a ma̱ li'.

1 CORINTIOS 6:7

Nu lo'o ntsu'u cha' cusu̱u̱ ji'i̱ ma̱ lo'o tya'a ma̱, li' hora ti caca cuayá' ti' na cha' tya lyiji xñi tso'o ma̱ cha' ji'i̱ Jesús. ¿Ha ná tso'o la, masi ta ma̱ chacuayá' cha' caca cha' cuxi bi' ji'i̱ ma̱ jua'a̱ ti? ¿Ha ná tso'o la, masi cuaana ngu' cha' tso'o nu ntsu'u ji'i̱ ma̱ jua'a̱ ti?

2 CORINTIOS 6:14

Ná clyana ma̱ ñi'ya̱ caca quiñi cha' ji'i̱ ma̱ lo'o ñati̱ nu ná ntsu'u cha' ji'i̱ lo'o ycui' Ndyosi, ná cua'ni tya'a ma̱ lo'o ñati̱ bi' tsiya' ti. Ná taca ca stu'ba cha' ji'i̱ ma̱ lo'o ngu' bi', cha' nu ñati̱ nu cua ngua lubii cresiya ji'i̱ cuentya ji'i̱ ycui' Ndyosi ni, ná taca cua'ni tya'a ngu' lo'o ñati̱ nu ná ndaquiya' ji'i̱ Ni tsiya' ti; lo'o jua'a̱ ñati̱ nu ntsu'u xee ji'i̱ ycui' Ndyosi ne' cresiya ji'i̱, ná taca ca stu'ba cha' ji'i̱ ngu' bi' lo'o ñati̱ nu ndiya la ti' chalyuu talya.

2 CORINTIOS 6:15

Ná taca tsiya' ti ca stu'ba cha' ji'i̱ Cristo lo'o Satanás; lo'o jua'a̱ ñati̱ nu cua ngusñi cha' ji'i̱ Cristo ni, ná taca cua'ni tya'a ngu' lo'o ñati̱ nu ná ntaja'a̱ xñi cha' bi' tsiya' ti.

1 TIMOTEO 5:8

Ná tso'o ndu'ni ñati̱ nu ná ndube ti' ji'i̱ tya'a, masi ji'i̱ sti ngu', masi ji'i̱ xtya'a̱ ngu', masi ji'i̱ sñi' ngu'; cha' cuiñi nchcui' ngu' lo'o nacui̱ ngu' cha' ngusñi ngu' cha' ji'i̱ Jesucristo si ná ña'a̱si̱i̱ ngu' ji'i̱ tya'a ngu', cha' tso'o la ndyu'ni xa' ñati̱ nu ná ndaquiya' cha' ji'i̱ Jesucristo tsiya' ti.