1 CORINTIOS 6:5 - Chatino Tataltepec

⁵ Nscua na' cha' re cha' caca tyuju'u ti' ma̱ slo ycui' Ndyosi. ¿Ha ná ntsu'u ni tsaca ngu' tya'a ma̱ nu nchca cuayá' ti' ñi'ya̱ caca xquiñi cha' ji'i̱ ma̱ lo'o tya'a ma̱?

1 CORINTIOS 6:5 ပူးပေါင်းရင်းမြစ်များ

LOS HECHOS 1:15

Ngua sca tsa̱ ndyu'u ti'i̱ lcaa ñati̱ nu cua ngusñi cha' ji'i̱ Jesucristo ca quichi̱ bi'; sca siyento ntucua calaa tya'a ñati̱ ntsu'u nu ngutu'u ti'i̱ tsa̱ bi'. Li' ndatu̱ Pedro cha' chcui' yu lo'o ngu' bi':

LOS HECHOS 9:13

―Xu'na ―nacui̱ Ananías―, tyu̱u̱ quiya' cua ndañi cha' nu nchcui' ngu' ji'i̱ nu Saulo bi', cha' tyaala tsa yu ji'i̱ ñati̱ jinu'u̱ nu ndi'i̱ nde quichi̱ Jerusalén.

1 CORINTIOS 11:14

Nu na ñati̱ chalyuu na, cua jlo ti' na ñi'ya̱ ña'a̱ quicha̱' hique na. Jua'a̱ laca cha' ji'na, ntyuju'u tsa ti' na si tonu tsa quicha̱' hique nu qui'yu.

1 CORINTIOS 15:34

Nga'a̱ cha' xtyanu ma̱ ji'i̱ cha' cuxi nu ndyu'ni ma̱, xana culacua tso'o ti' ma̱ li'; tso'o ti cua'ni ma̱ lo'o tya'a ma̱. Nti' na' cha' ntsu'u xi cu'ma̱ nu bilya ca cuayá' tso'o ti' ma̱ cha' ji'i̱ ycui' Ndyosi, bi' cha' nchcui' na' lo'o ma̱ jua'a̱ cha' caca tyuju'u ti' ma̱.

1 CORINTIOS 3:18

Cua ngusñi na cha' ji'i̱ Cristo, bi' cha' tso'o la si ná cñilo'o na ji'i̱ ycui' ca na cha' ngua tsa ji'na, ñi'ya̱ ndu'ni ñati̱ chalyuu nu ngua tsa ji'i̱ ngu'. Ná tso'o si jua'a̱ nclyacua ti' na; nga'a̱ cha' culacua ti' na cha' ná ngua ji'na tsiya' ti, lo'o li' taca cua'ni ycui' Ndyosi cha' ca'ya sca cha' liñi hique na.

1 CORINTIOS 4:10

¡Xqui'ya ycui' Cristo tonto tsa ya tu'ni! Lo'o cu'ma̱ ni, nti' ma̱ cha' tso'o tsa jlo ti' ma̱ cha' ji'i̱ Cristo. ¡Xti la cña nchca ji'i̱ cuare, nguula la cña nchca ji'i̱ cu'ma̱ nti' ma̱! ¡Chiya'a̱ la ndu'ni ngu' lo'o cuare tu'ni; chi̱ la ndu'ni ngu' loo cu'ma̱!

1 CORINTIOS 4:14

Lo'o nscua na' quityi re, ná nti' na' cha' ca tyuju'u ti' ma̱; tsa bi' ti cha' nti' na' cha' cua'a na' ji'i̱ ma̱ cha' ná cua'ni tyixi ma̱ lo'o ya. Na tyaca'a cu'ma̱ jna' ñi'ya̱ si laca ma̱ sñi' na'.

1 CORINTIOS 6:1

Cu'ma̱ tya'a ngusñi na cha' ji'i̱ Jesús, nu lo'o ndyaca sca cha' cusu̱u̱ ji'i̱ ma̱ lo'o tya'a ñati̱ ma̱, ¿ha tso'o la cha' ndya'a̱ ma̱ slo bese, nti' ma̱? ¿Ha tso'o nti' ma̱ cha' ndya'a̱ ma̱ slo ñati̱ nu ná ndaquiya' ji'i̱ ycui' Ndyosi tsiya' ti? ¿Ha ná tso'o la si tsaa ma̱ slo ngu' tya'a ngusñi ma̱ cha' ji'i̱ Jesús? Jua'a̱ taca ca ti̱ cha' ji'i̱ ma̱ lo'o tya'a ma̱ li'.

1 CORINTIOS 6:4

Lo'o ndyaca sca cha' cusu̱u̱ ji'i̱ ma̱ lo'o tya'a ma̱, ná tso'o tsaa lo'o ma̱ ji'i̱ tya'a ma̱ cha' caca cuayá' ji'i̱ ma̱ slo xa' ñati̱ nu ná stu'ba cha' ji'i̱ lo'o tya'a ngusñi ma̱ cha' ji'i̱ Jesús.

SANTIAGO 1:5

Si ntsu'u quiya' nu lo'o ná jlo ti' ma̱ tsiya' ti ñi'ya̱ nu cua'ni ma̱, li' tso'o chcui' ma̱ lo'o ycui' Ndyosi, cha' ta Ni sca cha' nu ca'ya hique ma̱ ñi'ya̱ nu cua'ni ma̱ li'. Tso'o tsa cha' xlya'be nda Ni ji'i̱ lcaa ñati̱, cuati ná ndu'ni tyaala Ni ji'na lo'o nda Ni sca cha' tso'o ji'na.