1 CORINTIOS 5:4 - Chatino Tataltepec

⁴ Bi' cha' lacua tyu'u ti'i̱ ma̱ tsa tlyu ti ma̱ chacuayá' ji'i̱ Jesús nu Xu'na na, cha' cua'ni cuayá' ma̱ ji'i̱ yu bi' yala ti. Sca ti cha' ntsu'u tyiquee na' lo'o ma̱, lo'o jua'a̱ cua nda ycui' Jesucristo chacuayá' cha' cua'ni ma̱ jua'a̱.

1 CORINTIOS 5:4 ပူးပေါင်းရင်းမြစ်များ

SAN MATEO 16:19

Ta na' lcaa chacuayá' jna' jinu'u̱, cha' taca tyatí̱ ñati̱ 'na ca su laca ycui' Ndyosi loo. Nu lo'o ná cua'ni clyu ti' nu'u̱ ji'i̱ ñati̱ xqui'ya sca cha' cuxi nu ndyu'ni ñati̱ bi', la cui' jua'a̱ ná cua'ni clyu ti' ycui' Ndyosi Sti na' ji'i̱ ñati̱ bi' nde loo la; pana lo'o cua'ni clyu ti' nu'u̱ ji'i̱ ñati̱, la cui' jua'a̱ cua'ni clyu ti' Ni ji'i̱ ñati̱ bi'.

SAN MATEO 18:20

Lo'o na' nga'a̱ na' lo'o ma̱ macala su ndyu'u ti'i̱ tucua sna tya'a ti ma̱ chacuaya' 'na.

SAN MATEO 28:18

Li' ñaa Jesús cacua la, nchcui' lo'o ngu': ―Cua nda ycui' Ndyosi Sti na' lcaa chacuayá' 'na cha' laca na' loo ji'i̱ lcaa na, masi lcaa na nu ntsu'u ca slo ycui' Ni nde cua̱, masi lcaa na nu ntsu'u nde chalyuu ―nacui̱ Jesús ji'i̱ ngu'―.

SAN MATEO 28:20

Culu'u ma̱ ji'i̱ ngu' bi', cha' taquiya' ngu' lcaa cña nu cua ngulu'u na' ji'i̱ ma̱. Lo'o jua'a̱ tyi'u ti' ma̱ cha' nu nchcui' na' lo'o ma̱, cha' tyi'i̱ na' lo'o ma̱ lcaa tsa̱ hasta ña'a̱ cuayá' tye chalyuu. Tsa lo cua ti cha' nacui̱ Jesús.

SAN JUAN 20:23

Cua'ni clyu ti' ycui' Ndyosi ji'i̱ qui'ya nu ntsu'u ji'i̱ ñati̱ lo'o chcui' ma̱ lo'o ngu' cha' cua'ni clyu ti' Ni ji'i̱ ngu', lo'o jua'a̱ tyanu qui'ya nu ntsu'u ji'i̱ ñati̱ lo'o chcui' ma̱ lo'o ngu' cha' ná cua'ni clyu ti' Ni ji'i̱ ngu'.

LOS HECHOS 16:18

Tyu̱u̱ tsa̱ lca'a̱ nu cuna'a̱ bi' ji'i̱ ya, lo'o la cui' jua'a̱ nxi'ya tsa. Li' nga'aa ndiya ti' Pablo cha' nxi'ya cho'. Nguxtyacui yu nde chu̱' yu tyucui̱i̱ su ndyaa yu, nchcui' yu lo'o nu cuna'a̱ quicha bi' cha' ji'i̱ cui'i̱ nu ngusñi ji'i̱ cho', cha' tyu'u cui'i̱ bi' tyaa li': ―Chacuayá' ji'i̱ Jesucristo nchcui' na' ―nacui̱ Pablo ji'i̱. ―Tyu'u cui'i̱ nu ntsu'u laja cuaña' nu'u̱ juani, tyaa nde liya'. Hora ti ngutu'u cui'i̱ bi' ndyaa li'. Ngua tso'o nu cuna'a̱ bi' li'.

LOS HECHOS 3:6

―Ná ntsu'u cñi jna' ―nacui̱ Pedro ji'i̱―, chaca lo cña ntsu'u jna' cha' cua'ni na' lo'o nu'u̱ ―nacui̱―. ¡Chacuayá' ji'i̱ Jesucristo Nazaret ni!, tyatu̱ nu'u̱ cha' tya'a̱ nu'u̱ ycui' ti.

LOS HECHOS 4:30

Ta nu'u̱ chacuayá' cha' tyaca tso'o ngu' quicha; cua'ni Jesús Sñi' nu'u̱ nu xcui' lubii cresiya ji'i̱ quiña'a̱ tsa cña tonu, cha' jua'a̱ cube tsa ti' ngu' jinu'u̱. Tsa lo cua ti cha' chcui' ya juani.

2 CORINTIOS 13:10

Lo'o jua'a̱ nscua na' quityi re, masi tyijyu' tsa ndi'i̱ na' cuentya ji'i̱ cu'ma̱, cha' ná caca tyaala na' lo'o cu'ma̱ nu lo'o cua ndyalaa na' ca quichi̱ tyi ma̱. Chañi cha' cua nda ycui' nu Xu'na na chacuayá' 'na, pana ndi'ya̱ ndyu'u cha' bi': cua'ni na' cha' caja ñi'ya̱ tyanu tachaa la cha' bi' ne' cresiya ji'i̱ ma̱; ná ntsu'u chacuayá' 'na cha' cua'ni ñu'u̱ lyiji na' ji'i̱ cu'ma̱.

2 CORINTIOS 13:3

Ca li' caca cuayá' ti' ma̱ cha' ycui' Cristo laca nu nda cha' nu nchcui' na'; lo'o jua'a̱ si'i na xti ti cña nchca ji'i̱ Cristo lo'o xcube' Ni ji'i̱ ma̱, masi lye tsa cua'ni Ni cña cha' chcube' ma̱ li'.

2 CORINTIOS 2:6

Cuayá' tsa cha' nu ngua'ni cu'ma̱ lo'o yu bi', cha' cati̱ xqui'ya yu bi', nu lo'o ndyu'u ti'i̱ ma̱ tsa tlyu ti nu ngua li'.

EFESIOS 5:20

Lo'o jua'a̱ cua ña'a̱ ca hora tso'o tya ma̱ xlya'be ji'i̱ ycui' Ndyosi Sti na chacuayá' ji'i̱ Jesucristo nu Xu'na na; tya ma̱ xlya'be ji'i̱ Ni cuentya ji'i̱ lcaa cha' nu ndyaca ji'i̱ ma̱, masi tso'o cha' bi', masi ná tso'o cha' bi'.

COLOSENSES 3:17

Lcaa ña'a̱ cña nu nti' ma̱ cha' cua'ni ma̱, lcaa ña'a̱ cha' nu nti' ma̱ chcui' ma̱ lo'o ñati̱, chacuayá' ji'i̱ Jesús nu Xu'na na cua'ni ma̱ ji'i̱ lacua. Lo'o jua'a̱ la cui' hora bi' tya ma̱ xlya'be ji'i̱ ycui' Ndyosi Sti na xqui'ya Jesús.

2 TESALONICENSES 3:6

Cu'ma̱ tya'a ngusñi na cha' ji'i̱ Jesús, chaca quiya' culo ya cña ji'i̱ ma̱ chacuayá' ji'i̱ Jesucristo nu Xu'na na: ná tya'a̱ ma̱ stu'ba ti lo'o xa' la ngu' tya'a ngusñi ma̱ cha' bi' nu ná ntaja'a̱ cua'ni cña, la cui' ngu' tya'a ma̱ nu ná ntaja'a̱ taquiya' ji'i̱ cha' nu cua nda ya lo'o ma̱.