Cua ngua tyu̱u̱ tsa̱ nu nga'aa ndyacu ya tsiya' ti, bi' cha' ndatu̱ Pablo cha' chcui' yu lo'o ngu' bi' li': ―Cu'ma̱ ngu' tya'a ndya'a̱ na ―nacui̱ Pablo ji'i̱ ngu'―, tso'o la ngua si cua ngüi'ya ma̱ cuentya ji'i̱ cha' nu nchcui' na' lo'o ma̱ tya clyo, cha' tyanu na ca loyuu su cuentya Creta bi'. Juani nguna' yu'ba ji'i̱ ma̱, lo'o jua'a̱ cua ngunu'u̱ yaca ni'i̱ re.
1 CORINTIOS 3:15 - Chatino Tataltepec15 Cuati ñati̱ nu tyaqui̱ cña ji'i̱ lo quii' bi', nga'aa ña'a̱ ngu' ji'i̱ li'; chcuna' cña bi' tsiya' ti. Pana tya culaá Ni ji'i̱ ngu' bi', masi tya xi tya lyiji cha' tyaqui̱ ycui' ngu'. အခန်းကိုကြည့်ပါ။ |
1 CORINTIOS 3:15
12 ပူးပေါင်းရင်းမြစ်များ
Cua'ni lyaá ma̱ ji'i̱ ngu' nu cua tyumi̱' ti lo quii' ji'i̱ nu xña'a̱, culo ma̱ ji'i̱ ngu' bi' ya' nu xña'a̱. Ña'a̱ ti tya cua'ni tya'na ti' ma̱ ji'i̱ ngu' nu xcui' cha' cuxi ndu'ni; ña'a̱ ti xtyucua ma̱ ji'i̱ ngu' bi', cha' taca ca cuayá' tso'o la ti' ngu' cha' liñi ji'i̱ ycui' Ni, masi cutsi̱i̱ ma̱ xi ji'i̱ cha' cuxi nu ndu'ni ngu', ñi'ya̱ si cojolaqui nu cha' cuxi bi' ji'i̱ ma̱.
Ta na' sca cui̱i̱ lo'o ma̱ lacua, bi' cha' cua'a̱ jyaca̱ ma̱ ji'i̱ cha' nu chcui' na' lo'o ma̱, cha' chañi taca culu'u cha' bi' ji'i̱ ma̱ ñi'ya̱ caca xutacui cha' cuxi nu ntsu'u ji'i̱ ma̱: Nga'a̱ cha' cua'ni ma̱ cha' caja sca chalyuu cucui ji'i̱ ma̱ su nga'aa cua'ni ma̱ cha' cuxi, cha' nga'aa ntsu'u cha' ca tyuju'u la ti' ma̱ li'. Cua'ni ma̱ cha' culacua tso'o xi ti' ma̱ lacua, cha' ca cuayá' ti' ma̱ scaa cha'.
ကြော်ငြာတွေ