1 CORINTIOS 3:1 - Chatino Tataltepec

¹ Cu'ma tya'a ngusñi na cha' ji'i̱ ycui' Ndyosi, tyucui tyempo lo'o nguti'i̱ na' ca slo ma̱ nu ngua tya li', ná ngua 'na chcui' na' lcaa cha' nu ngua ti' na' chcui̱' lo'o ma̱, cha' bilya xñi tso'o ma̱ cha' ji'i̱ Xtyi'i ycui' Ndyosi nu nda Ni ji'na. Xti ti cha' nchcui' na' lo'o ma̱ li', cha' ña'a̱ ti cuxi ti ngulacua ti' ma̱. Ñi'ya̱ laca nu sube cuañi', jua'a̱ ngua cu'ma̱, cha' bilya xñi tso'o ma̱ cha' ji'i̱ ycui' Ndyosi;

1 CORINTIOS 3:1 ပူးပေါင်းရင်းမြစ်များ

SAN MATEO 16:23

Hora ti nguxtyacui Jesús, na'a̱ ji'i̱ nu Pedro bi'. ―Tyu'utsu' nu'u̱ Satanás, cha' nga'aa cua'a nu'u̱ 'na ―nacui̱ Jesús ji'i̱ Pedro―. Si'i ñi'ya̱ nu nclacua ti' ycui' Ndyosi nclyacua ti' nu'u̱ juani; ñi'ya̱ nu nclacua ti' ñati̱ chalyuu ti, jua'a̱ nclyacua ti' nu'u̱ juani.

ROMANOS 7:14

Jlo ti' na cha' cña nu ngulo ycui' Ndyosi laca nu cha' cusu' bi'; sca ti si lo'o Xtyi'i ycui' Ndyosi cua'ni cña ne' cresiya ji'na, li' taca ji'na taquiya' na ji'i̱ cña bi'. Pana nu na' ni, ñati̱ chalyuu ti laca na', loo la laca nu cha' cuxi bi' ne' cresiya jna'.

1 CORINTIOS 14:20

Cu'ma̱ tya'a ngusñi na cha' ji'i̱ Cristo, tso'o la si ná jlo ti' ma̱ tsiya' ti na ca laca sca cha' cuxi; ñi'ya̱ laca nu sube, jua'a̱ caca ma̱ cha' ná jlo ti' ngu' sube cha' bi'. Pana nga'aa culacua ti' ma̱ ñi'ya̱ nu nclacua ti' nu sube; juani culacua tso'o ti' ma̱, ñi'ya̱ nclacua ti' ngu' cusu'.

1 CORINTIOS 14:37

¿Ha ntsu'u chacuayá' ji'i̱ ma̱ cha' chcui' ma̱ cha' nu cua nda ycui' Ndyosi lo'o ngu' nti' ma̱? ¿Ha ji'i̱ cu'ma̱ ti cua nda Ni Xtyi'i ycui' Ni cha' cua'ni ma̱ cña ji'i̱ Ni? Cua'a̱ jyaca̱ ma̱ lacua; cña nu nclyo na' ji'i̱ ma̱ lo'o nscua na' quityi re, chacuayá' ji'i̱ ycui' Ndyosi laca cña bi',

1 CORINTIOS 2:6

Masi jua'a̱, cua ntsu'u cha' tso'o nu nchcui' na lo'o ñati̱ nu nduna tso'o cha' ji'i̱ ycui' Ndyosi; cha' nu ngua'ya hique ycui' Ndyosi laca cha' bi', si'i sca cha' nu jlo ti' ñati̱ chalyuu. La cui' ti ná jlo ti' nu laca loo chalyuu cha' bi', masi cua lijya̱ tye cha' culo ngu' bi' cña.

GÁLATAS 6:1

Cu'ma̱ ngu' tya'a na, ndi'ya̱ nga'a̱ cha' cua'ni ma̱ lo'o ña'a̱ ma̱ cha' ngua cuxi cresiya ji'i̱ sca ngu' tya'a ngusñi ma̱ cha' ji'i̱ ycui' Ndyosi, xqui'ya cha' ngua'ni yu sca cha' cuxi: nga'a̱ cha' xtyucua ma̱ xi ji'i̱ yu bi', cha' cati̱ qui'ya nu ntsu'u ji'i̱ yu, cha' tucuá yu cña ji'i̱ Cristo chaca quiya', cha' tya'a ntsu'u cha' ji'i̱ ma̱ lo'o Xtyi'i ycui' Ndyosi laca yu. Tsa tso'o ti chcui' ma̱ lo'o yu bi'. Lo'o jua'a̱ tii ti ti' ma̱ tyi'i̱ ycui' ca ma̱ cha' ná cua'ni ma̱ la cui' cha' cuxi ñi'ya̱ nu ngua'ni yu bi'.

HEBREOS 5:13

Tya cuañi' tsa ngu' nu tya ntyi'; la cui' jua'a̱ laca cu'ma̱, cha' ná jlo ti' ma̱ tsiya' ti ñi'ya̱ nga'a̱ cha' cua'ni ma̱ lo'o ngua tso'o cresiya ji'i̱ ma̱ cuentya ji'i̱ Jesús, masi ntsu'u cha' tso'o nu nga'a̱ cha' cua'ni ma̱ juani.

1 JUAN 2:12

Cu'ma̱ sñi' na', nscua na' quityi re cha' ca̱a̱ slo ma̱, xqui'ya cha' ngua'ni clyu ti' ycui' Ndyosi ji'i̱ ma̱; xqui'ya Jesucristo cua ngüityi̱ Ni qui'ya nu ntsu'u ji'i̱ ma̱.