1 CORINTIOS 16:3 - Chatino Tataltepec

³ Lo'o cua ngulaa na', li' ta na xi ñati̱ nu tsaa ca quichi̱ Jerusalén, cua ña'a̱ ca ngu' nu cuane ma̱ ji'i̱ cha' tsaa ngu', ñati̱ nu cua ndyuloo tso'o ma̱ ji'i̱. Ta na xi quityi cui'ya ngu' tsaa ngu', quityi bi' cacha' ñi'ya̱ laca cña nu ndya'a̱ ngu'. Li' tsaa lo'o ngu' bi' ji'i̱ msta̱ nu ta ma̱ ji'i̱ ngu' ti'i tya'a ngusñi na cha' ji'i̱ Jesús ca Jerusalén bi'.

1 CORINTIOS 16:3 ပူးပေါင်းရင်းမြစ်များ

1 CORINTIOS 11:34

Si ntsu'u ma̱ nu ntyute' ma̱, jacu ma̱ tyaja to' tyi ti ma̱ clyo. Lo'o li' nga'aa cua'ni cuxi ma̱ lo'o tyu'u ti'i̱ ma̱, li' ná ntsu'u cha' caca tyaala Ni ji'i̱ ma̱. Lo'o ca̱a̱ na', taca quiñi nu xa' la cha' bi' ji'na lo'o cu'ma̱ li'.

1 CORINTIOS 16:4

Ca li' ñacui̱ na' si tsa'a̱, si ná tsa'a̱ lo'o ngu' bi'. Ná jlo ti' na' ñi'ya̱ caca cña re 'na, si ta chacuayá' tsa'a̱.

2 CORINTIOS 3:1

Ná nchcui' tyucuaa ti' ya lo'o cu'ma̱. Ná nti' ya cha' chcui' ma̱ cha' tlyu tsa ñati̱ laca ya. Lo'o ndya'a̱ ya slo ma̱, ná ntsu'u cha' qui'ya ya sca quityi nu ñacui̱ cha' tso'o ti ndyu'ni ya cña; jua'a̱ lo'o ndyaa ya chaca se'i̱, ná ntsu'u cha' jña ya sca quityi jua'a̱ ji'i̱ ma̱.

2 CORINTIOS 8:4

Hasta ngüijña ngu' chacuayá' ji'i̱ ya cha' ta ngu' msta̱ bi', cha' xtyucua ngu' ji'i̱ xa' la tya'a ñati̱, ngu' nu cua ngusñi cha' ji'i̱ Jesús ca xa' quichi̱ su ntsu'u tsa na nu lyiji ji'i̱ ngu'.

2 CORINTIOS 8:6

Bi' cha' cua nchcui' ya lo'o yu Tito bi', cha' cua'ni lyiji yu cha' xti'i̱ yu msta̱ nu nda cu'ma̱ cha' tso'o ntsu'u tyiquee ma̱, cha' tya tsubi' la cua nguxana nxti'i̱ yu msta̱ bi'.