1 CORINTIOS 16:2 - Chatino Tataltepec

² Tsa̱ clyo nu nxana sca semana, li' tso'o si lcaa ma̱ xñi ma̱ xi xcaya' ma̱, caya' nu cua ngujui ji'i̱ ma̱ semana nu ndye. Tyuco'o bi' li', lo'o li' ná ntsu'u cha' xti'i̱ ma̱ msta̱ bi' yala ntchaa ti nu lo'o tyalaa na'.

1 CORINTIOS 16:2 ပူးပေါင်းရင်းမြစ်များ

SAN MARCOS 14:8

Cua ngua'ni nu cuna'a̱ re lcaa ña'a̱ cha' nu nchca ji'i̱. Na cua ngua'ni ma' cha' caca tyixi xtyi'i loo na' juani; masi tya lyiji cajaa na', yala la ngua'ni cho'o ma' ji'i̱ tyucui ña'a̱ na' cha' xatsi' ngu' 'na.

SAN LUCAS 16:10

’Ñati̱ nu tso'o tsa ngua'ni lyiji sca cña piti ti, jua'a̱ tso'o tsa cua'ni ngu' bi', masi sca cña nu cua tlyu la; pana ñati̱ nu ñilo'o ji'i̱ xu'na ngu' lo'o cua'ni ngu' sca cña piti ti, ná tyiquee' ná caca cua'ni ngu' bi' sca cña nu cua tlyu la.

SAN LUCAS 24:1

Nu lo'o cua quixee ti tsa̱ clyo ji'i̱ semana bi', tlya tsa ndyaa nu ngu' cuna'a̱ bi' to' cuaá su nguatsi' jyo'o Jesús. Ndyi'ya ngu' hitya tyixi xtyi'i nu cua ngua'ni cho'o ngu'. Lo'o xa' nu cuna'a̱ ndyaa ngu' lo'o.

SAN JUAN 20:19

La cui' talya tsa̱ clyo ji'i̱ semana bi', cua nga'a̱ ya' ni'i̱ su ndyu'u ti'i̱ ngu' nu ngua tsa'a̱ ji'i̱ Jesús, cha' ntsi̱i̱ ngu' ji'i̱ ngu' judío. Li' ya̱a̱ Jesús, ndatu̱ slo ngu' bi'. ―Ti̱ ti tyi'i̱ tyiquee ma̱, ná culacua tsa ti' ma̱ ―nacui̱ yu ji'i̱ ngu' bi'.

SAN JUAN 20:26

Li' cua ndu'u scua snu' tsa̱, ndyalaa ngu' nu ngua tsa'a̱ ji'i̱ Jesús toni'i̱ chaca quiya'; lo'o Tomás ndi'i̱ lo'o ngu' li'. Cua ndyacu̱' toni'i̱, li' ndyatí̱ Jesús ni'i̱ jua'a̱ ti, ndyatu̱ yu slo ngu' bi'. Li' nchcui' yu lo'o ngu': ―Ti̱ ti tyi'i̱ tyiquee ma̱.

LOS HECHOS 20:7

Lo'o ngua tsa̱ domingo, li' ndyu'u ti'i̱ ngu' nu ntsu'u cha' ji'i̱ lo'o Jesús cha' stu'ba ti cacu ngu' si̱i̱. Nclyu'u Pablo cha' ji'i̱ ycui' Ndyosi ji'i̱ ngu' li'; hasta ca cla'be talya nclyu'u yu ji'i̱ ngu', xqui'ya cha' chaca tsa̱ cua tyaa ti ya li'.

2 CORINTIOS 8:10

Ndi'ya̱ nti' na', tso'o la si cua'ni ma̱ cha' xcua se'i̱ cña bi' lacua, cha' tya yija̱ na ndyu'ni ma̱ ji'i̱. Si'i la xña cua'ni ti ma̱ ji'i̱; pana xqui'ya cha' ndiya ti' ma̱ ndu'ni ma̱ jua'a̱, bi' cha' ta ma̱ msta̱ bi'.

APOCALIPSIS 1:10

Tsa̱ clyo ji'i̱ semana ngua, tsa̱ ji'i̱ ycui' nu Xu'na na, li' tyucui ña'a̱ na' ngua tii na' cha' ngua'ya Xtyi'i ycui' Ndyosi lo na' tsiya' ti; nga'aa ngua cua'ni na' xa' la cha'. Li' ndyuna na' cha' nchcui' tsaca ñati̱ nde chu̱' su ndu̱ na'; cui̱i̱ ngusi'ya bi' lo'o nchcui', ñi'ya̱ ndañi nclya'á ngu' sca cui'chcua̱.