1 CORINTIOS 16:16 - Chatino Tataltepec

¹⁶ Nti' na' cha' taquiya' ma̱ ji'i̱ ngu' bi'; la cui' jua'a̱ taquiya' ma̱ ji'i̱ lcaa ngu' nu cua'ni cña stu'ba ti lo'o ngu' bi', lo'o jua'a̱ ji'i̱ lcaa ñati̱ nu tso'o tsa cua'ni cña ñi'ya̱ nu ndyu'ni ngu' bi'.

1 CORINTIOS 16:16 ပူးပေါင်းရင်းမြစ်များ

ROMANOS 16:12

jua'a̱ ji'i̱ Trifena lo'o Trifosa, nu ndyu'ni tsa cña ji'i̱ ycui' nu Xu'na na; jua'a̱ ji'i̱ Pérsida tya'a tso'o na', cha' quiña'a̱ tsa cña tso'o ji'i̱ ycui' nu Xu'na na ngua'ni ma' bi';

ROMANOS 16:3

Chcuicha' ma̱ ji'i̱ Priscila lo'o Aquila, tya'a ndyu'ni na' cña ji'i̱ Jesucristo.

ROMANOS 16:6

Jua'a̱ chcuicha' ma̱ ji'i̱ María, cha' ngua'ni tsa ma' cña cuentya ji'i̱ ma̱.

ROMANOS 16:9

lo'o jua'a̱ ji'i̱ Urbano, tya'a ndyu'ni na' cña ji'i̱ Jesucristo; jua'a̱ ji'i̱ Estaquis, la cui' jua'a̱ tyaca'a tsa yu 'na;

1 CORINTIOS 12:28

Tso'o tsa ngusubi ycui' Ndyosi ji'i̱ ñati̱ nu caca cña ji'i̱ laja lcaa tya'a ñati̱ nu cua ngusñi cha' ji'i̱ Cristo scaa quichi̱: clyo ngusubi Ni ji'i̱ ñati̱ nu ndya'a̱ xa' quichi̱ tyijyu' la cha' chcui' ngu' cha' ji'i̱ Jesús lo'o ngu' quichi̱ bi'; li' ngusubi Ni ji'i̱ ñati̱ nu ndacha' ji'i̱ tya'a ngu' sca cha' nu cua nda ycui' Ndyosi lo'o ngu'; lo'o jua'a̱ ntsu'u ñati̱ nu liñi tsa nclyu'u cha' ji'i̱ Jesús ji'i̱ tya'a ngu'; lo'o jua'a̱ ntsu'u ñati̱ nu ndu'ni cha' tlyu chacuayá' ji'i̱ ycui' Ndyosi, cña nu ná nchca cua'ni ñati̱ nquicha'; lo'o jua'a̱ ntsu'u ñati̱ nu nchca ji'i̱ cua'ni cha' tyaca tso'o nu quicha chacuayá' ji'i̱ Jesús; lo'o jua'a̱ ntsu'u ñati̱ nu nchca ji'i̱ xtyucua ji'i̱ tya'a ngu' lo'o cua ña'a̱ ca lo cña; lo'o jua'a̱ ntsu'u ñati̱ nu laca cña cuentya ji'i̱ tya'a ngu', ntsu'u ñati̱ nu nchca chcui' cha'cña ji'i̱ xa' la ñati̱. Laja ñati̱ ji'i̱ Ni, nsubi ycui' Ndyosi ji'i̱ ngu' nu caca lcaa lo cña bi'.

1 CORINTIOS 3:9

Tya'a ndyu'ni ya cña ji'i̱ ycui' Ndyosi laca cuare; lo'o cu'ma̱ ni, ndu'ni Ni cña ne' cresiya ji'i̱ ma̱, cña ji'i̱ ycui' Ndyosi laca bi'. Lo'o jua'a̱ taca ta na' chaca cui̱i̱ lo'o ma̱ juani: ñi'ya̱ si laca ma̱ sca ni'i̱ tonu, jua'a̱ laca ma̱ cuentya ji'i̱ ycui' Ndyosi;

EFESIOS 5:21

Taquiya' tso'o ma̱ ji'i̱ clyo'o ma̱ xqui'ya ycui' Ndyosi.

FILIPENSES 4:3

Lo'o nu'u̱ nu tso'o tsa tya'a ndya'a̱ na cña, cua nti' na' cha' xtyucua nu'u̱ ji'i̱ tyucuaa ma' cusu' bi', cha' taca ca tso'o tyiquee ngu' bi' lo'o tya'a ngu'. Tyucuaa ma' cusu' bi' cua ngua'ni tsa ngu' cña cha' cañi la cha' tso'o ji'i̱ Jesús nquicha'; stu'ba ti ngua'ni ngu' bi' cña lo'o na', lo'o Clemente, lo'o xa' la ngu' tya'a ndya'a̱ ya cña. Cua nscua xtañi lcaa ngu' bi' lo quityi ji'i̱ ycui' Ndyosi, nu nscua xtañi ñati̱ nu caja chalyuu nu ná nga'a̱ cha' tye ji'i̱.

1 TESALONICENSES 1:3

Ntsu'u ti' ya cha' ntsu'u tsa cha' tso'o nu ndyu'ni ma̱, cha' ntsu'u tsa tyiquee ma̱ ña'a̱ ma̱ ji'i̱ tya'a ma̱, xqui'ya cha' ngusñi ma̱ cha' ji'i̱ Jesucristo. Ndalo tsa tyiquee ma̱ xqui'ya cha' jlo ti' ma̱ cha' ntucua Jesucristo nu Xu'na na ca slo ycui' Ndyosi Sti na; bi' cha' xcui' cha' tso'o ndyu'ni ma̱, masi tlyu tsa cña.

1 TESALONICENSES 2:9

Cu'ma̱ ngu' tya'a na, tyi'u ti' ma̱ cha' lye tsa ngua'ni ya cña cha' caja ñi'ya̱ tyiji̱ yu'u ya chalyuu; tsa̱ lo'o talya ngua'ni ya cña lo'o ya' ti ya, cha' ná culiji ma̱ cñi ji'i̱ ma̱ lo ya laja lo'o ngulu'u ya cha' tso'o bi' ji'i̱ ma̱.

1 TESALONICENSES 5:12

Cu'ma̱ tya'a ngusñi na cha' ji'i̱ Jesús, ndijña ya ji'i̱ ma̱ cha' cui'ya ma̱ cuentya ji'i̱ lcaa ña'a̱ cha' tso'o nu ndyu'ni ngu' nu laca cña ji'i̱ ma̱. Cua nda ycui' nu Xu'na na cña ji'i̱ ngu' bi' cha' caca ngu' loo, cha' culu'u ngu' bi' ji'i̱ ma̱ cua ña'a̱ ca cha' tso'o nu caca cua'ni ma̱ cuentya ji'i̱ ycui' Ndyosi.

1 TIMOTEO 5:17

Cua'ni chi̱ ma̱ loo ngu' cusu' nu laca loo ji'i̱ taju ji'i̱ ma̱ si tso'o ti ndu'ni ngu' lo'o ma̱. Lye la cua'ni chi̱ ma̱ loo ngu' cusu' nu nchcui' cha' ji'i̱ ycui' Ndyosi lo'o ma̱, ngu' cusu' nu nclu'u cha' bi' ji'i̱ ma̱. Ta ma̱ caya' ji'i̱ ngu' cusu' bi'.

HEBREOS 13:17

Taquiya' ma̱ ji'i̱ ñati̱ nu laca cña cuentya ji'i̱ ña'a̱ taju ngu' tya'a ma̱; cua'ni ma̱ lcaa cña nu ndijña ngu' bi' ji'i̱ ma̱ cha' cua'ni ma̱. Tlyu tsa cña nu ntsu'u ji'i̱ ngu' bi', cha' xcui' ndube ti' ngu' ñi'ya̱ nu ndyu'ni sa scaa ma̱; nga'a̱ cha' xacui̱ ngu' cha' ji'i̱ ycui' Ndyosi si chañi cha' ña'a̱ ti tya tso'o ndyu'ni ma̱, xqui'ya cha' ngusñi ma̱ cha' ji'i̱ Ni. Pana tso'o la nti' ngu' bi', si ña'a̱ ti tso'o ntsu'u tyiquee ma̱ cua'ni ma̱ ñi'ya̱ nu nacui̱ ngu' ji'i̱ ma̱ cha' cua'ni ma̱. Si ná cua'ni ma̱ jua'a̱, caca xñi'i̱ ti' ngu' bi' li', cha' nga'aa caca xtyucua ngu' ji'i̱ ma̱ li'.

HEBREOS 13:24

Chcuicha' na' ji'i̱ lcaa ngu' nu laca loo cuentya ji'i̱ ma̱, jua'a̱ chcuicha' na' ji'i̱ lcua ti tya'a ma̱ nu ngusñi ma̱ cha' ji'i̱ ycui' Ndyosi. Ca ta'a ngu' nu ntsu'u cha' ji'i̱ lo'o ycui' Ndyosi, nu ndi'i̱ nde Italia re, lo'o lcaa ngu' bi' nti' ngu' chcuicha' ngu' ji'i̱ ma̱.

HEBREOS 6:10

Lo'o jua'a̱ liñi tsa ndu'ni ycui' Ndyosi lo'o na. Ná cjlyaa ti' Ni lcaa cha' tso'o nu cua ndyu'ni ma̱, nu lo'o nxtyucua ma̱ ji'i̱ ngu' tya'a ngusñi na cha' ji'i̱ Jesús, cha' cua quiña'a̱ xi cña ndyu'ni ma̱ cuentya ji'i̱ ngu' bi'. Xqui'ya cha' ndyu'ni ma̱ jua'a̱, bi' cha' jlo ti' xa' ñati̱ cha' ntsu'u tsa tyiquee ma̱ ji'i̱ Jesús, cha' ña'a̱ ti tya ndyu'ni ma̱ cha' tso'o lo'o ngu' juani.

1 PEDRO 5:5

Lo'o jua'a̱ cu'ma̱ ngu' cuañi' ni, ta na' sca cui̱i̱ lo'o ma̱. Taquiya' ma̱ ji'i̱ cha' nu nchcui' ngu' cusu' nu laca loo ji'i̱ ma̱. Lo'o jua'a̱ ntsu'u cha' xtyucua ma̱ ji'i̱ tya'a ñati̱ ma̱, cha' ná tso'o cua'ni tyucuaa ti' ma̱ ji'i̱ ngu' bi'. Ndi'ya̱ nscua cha' lo quityi ji'i̱ ycui' Ndyosi: Xu̱u̱ tya'a ycui' Ndyosi lo'o ñati̱ nu ndu'ni tyucuaa ti' ji'i̱ tya'a ñati̱, pana xtyucua tsa Ni ji'i̱ ñati̱ nu xti ti cha' ntsu'u tyiquee ngu' cuentya ji'i̱ ycui' ca ngu'.

3 JUAN 1:8

bi' cha' nu na ni, tya'a ngusñi na cha' ji'i̱ Cristo, nga'a̱ cha' xtyucua na ji'i̱ ngu' bi'. Lo'o jua'a̱ taca ca stu'ba cha' ji'na lo'o ngu' bi' lo'o sañi na cha' liñi nu cua nda Cristo lo'o na ca tyijyu' la.

APOCALIPSIS 2:3

Lo'o jua'a̱ jlo ti' na' cha' ná nchca taja ti' ma̱; masi ndyiji tsa cha' ti'í ji'i̱ ma̱, ná ndya'a̱chu̱' ma̱ cha' jna'.