1 CORINTIOS 16:12 - Chatino Tataltepec

¹² Cua nchcui' tsa na' lo'o Apolos tya'a tso'o ma̱, cha' ca̱a̱ na'a̱ yu xi ji'i̱ ma̱; ca̱a̱ yu lo'o xa' la ngu' tya'a na re. Pana ná ntaja'a̱ yu ca̱a̱ yu yala ti; ca lo'o laja ji'i̱ yu, ca li' ca̱a̱ yu su ndi'i̱ ma̱.

1 CORINTIOS 16:12 ပူးပေါင်းရင်းမြစ်များ

SAN MARCOS 6:21

Tso'o tsa nti' Herodías lo'o ngua tsa̱ ngula ycui' rey Herodes li'. Tsa̱ bi' ngua'ni rey ta'a, lo'o ndyacu tyu̱u̱ tya'a ngu' tlyu slo rey. Lo'o ngu' nu laca loo cuentya ji'i̱ rey bi', lo'o xu'na sendaru ji'i̱ rey, lo'o ngu' culiya' nde Galilea bi', lcaa ngu' tlyu bi' ndyaa ngu' ndyacu ngu' slo rey.

LOS HECHOS 15:34

Li' nacui̱ Silas cha' nga'aa tyaa ycui' yu, tyanu yu lo'o ngu'.

LOS HECHOS 18:24

La cui' tyempo ndyalaa sca nu qui'yu ngu' judío nde quichi̱ Efeso. Apolos naa yu bi', lo'o Alejandría naa quichi̱ tyi yu. Jlo tsa ti' yu lcaa cha' ji'i̱ ycui' Ndyosi nu nscua lo quityi tya sa'ni la, lo'o jua'a̱ tso'o tsa nchcui' yu cha' ji'i̱ ycui' Ndyosi lo'o ñati̱.

LOS HECHOS 19:1

Laja lo'o ndi'i̱ Apolos quichi̱ Corinto, la cui' tyempo bi' ndyaa Pablo nde ca'ya, ña'a̱ cuayá' nu ndyalaa yu nde quichi̱ Efeso. Ca bi' ndyacua tya'a yu lo'o xi ñati̱ nu ndyu'ni tlyu ji'i̱ ycui' Ndyosi.

LOS HECHOS 24:25

Li' ngulu'u Pablo ji'i̱ ngu' cha' nti' ycui' Ndyosi cha' xcui' cha' liñi ti cua'ni ñati̱ chalyuu, cha' cua'a ngu' ji'i̱ ycui' ca ngu' cha' nga'aa cua'ni ngu' cha' cuxi, bi' laca cña nu nti' ycui' Ndyosi; jua'a̱ ngulu'u yu cha' ntsu'u cha' cua'ni cuayá' Ni ji'i̱ lcaa ñati̱ nu lo'o cua ndye chalyuu. Ndyutsi̱i̱ xi Félix li'. ―Tyaa nu'u̱ juani ―nacui̱ nu cusu' bi' ji'i̱ Pablo―. Xi'ya na' jinu'u̱ chaca quiya' si ntsu'u sca hora nu laja xi jna'.

1 CORINTIOS 1:12

xa' ña'a̱ nchcui' sa scaa ma̱. Ntsu'u sca taju ji'i̱ ma̱ nu nacui̱: “Ji'i̱ Pablo ngusñi ya cha'”; chaca taju ji'i̱ ma̱ nacui̱: “Ñati̱ ji'i̱ Apolos laca ya”; jua'a̱ tya xa' la ngu' taju ji'i̱ ma̱ nacui̱ ngu': “Ñati̱ ji'i̱ Pedro laca ya”; jua'a̱ tya xa' la ngu' nacui̱: “Ñati̱ ji'i̱ Cristo laca ya”.

1 CORINTIOS 3:22

masi na', masi Apolos, masi Pedro; lo'o jua'a̱ cuentya ji'i̱ cu'ma̱ laca cua ña'a̱ ca cha' nu ndyaca nde chalyuu, masi lu'ú na, masi cua ngujuii na, masi sca cha' nu ndyaca juani, masi sca cha' nu caca tyempo nde loo la; cuentya ji'i̱ cu'ma̱ laca lcaa cha' nu ndyaca nde chalyuu lacua.

1 CORINTIOS 3:5

¿Tilaca laca nu Apolos bi' lacua? ¿Tilaca laca na' lacua? ¿Ha si'i cña ji'i̱ ycui' Ndyosi ndyu'ni ca ta'a ya? ¿Ha si'i xqui'ya cha' nda ya cha' lo'o ma̱, bi' cha' ngusñi ma̱ cha' ji'i̱ Cristo li'? Cua laca cña ndyu'ni scaa ya, la cui' cña ñi'ya̱ nu cua nda ycui' nu Xu'na na cha' cua'ni ya.

TITO 3:13

Xtyucua nu'u̱ ji'i̱ Zenas, nu yu nu laca tu'ba bi', lo'o ji'i̱ Apolos. Li' cui'ya nu'u̱ cuentya cha' nga'aa ntsu'u na nu lyiji ji'i̱ ngu' lo'o tya tsaa la ngu' tyucui̱i̱.

TITO 3:4

Lo'o li' ngua tsa'a̱ na cha' nti' tsa ycui' Ndyosi cua'ni lyaá Ni ji'na, cha' ntsu'u tsa tyiquee Ni ña'a̱ Ni ji'na, ñati̱ chalyuu na.