1 CORINTIOS 15:9 - Chatino Tataltepec

⁹ Ná tso'o na' tsiya' ti nti' na', masi ngusubi Ni 'na cha' sañi na' cha' ji'i̱ Jesús ca xa' quichi̱ tyijyu', cha' ntsu'u xa' la ngu' tya'a ya nu nchca la ji'i̱ ngu' cua'ni ngu' cña bi'. Ná stu'ba na' lo'o ngu' bi', cha' tya tsubi' la lya' tsa ti' na' ji'i̱ lcaa ñati̱ ji'i̱ Jesucristo.

1 CORINTIOS 15:9 ပူးပေါင်းရင်းမြစ်များ

LOS HECHOS 8:3

Lo'o nu Saulo bi' ni, ngua ti' yu cha' lye tsa xcube' yu ji'i̱ lcaa ñati̱ ji'i̱ Jesucristo li'. Ndyatí̱ yu ca ni'i̱ ji'i̱ ngu', ntejeya' yu ji'i̱ ngu' qui'yu bi', ntejeya' yu ji'i̱ ngu' cuna'a̱ bi', cha' tyaa lo'o yu ji'i̱ ngu' ne' chcua̱.

1 CORINTIOS 10:32

Ná ta ma̱ chacuayá' tyu'utsu' ni tsaca ngu' ji'i̱ tyucui̱i̱ liñi ji'i̱ Cristo; ni ngu' judío, ni ngu' xa' tsu' nu si'i ngu' judío laca, ni tsaca ñati̱ tya'a ngusñi ma̱ cha' ji'i̱ ycui' Ndyosi, ná tso'o tsiya' ti si tyú ngu' ya' nu xña'a̱.

2 CORINTIOS 11:5

Ni si'i na cuxi la laca cha' nu nchcui' na', si'i na tso'o la cha' nu nchcui' nu xa' ñati̱ bi'; nti' ma̱ jua'a̱, masi cua nguñilo'o ngu' ji'i̱ ma̱ lo'o nchcui' ngu' cha' laca ngu' cña ji'i̱ Cristo.

2 CORINTIOS 12:11

Cu'ma̱ ngua'ni ma̱ lo'o na' cha' nchcui' na' cha' tonto re, pana cu'ma̱ laca nu nga'a̱ cha' chcui' tso'o ma̱ 'na nquicha'. Masi ná sca cha' ndyaca 'na tsiya' ti, si'i na xti la cña nchca 'na lo'o quiña'a̱ la cña nchca ji'i̱ nu ngu' cuiñi bi', masi tyaca'a tsa ndyu'ni ma̱ ji'i̱ ngu'; si'i jua'a̱ ndyu'u cha'.

GÁLATAS 1:13

Cua jlo ti' ma̱ ñi'ya̱ nu ngua'ni na' nde chalyuu tya sa'ni la, ñi'ya̱ ndaquiya' tsa na' ji'i̱ lcaa cña tacati nu ndu'ni ngu' judío tya'a ya. Cua jlo ti' ma̱ cha' ti'í tsa nguxcube' na' ji'i̱ lcaa ñati̱ nu ntsu'u cha' ji'i̱ lo'o Jesucristo nu ngua li'; ngua ti' na' cua'ni tye na' ji'i̱ ñati̱ bi' tsiya' ti.

GÁLATAS 1:23

Pana cua ndyuna ngu' cha' 'na lo'o nchcui' ñati̱ 'na ndi'ya̱: “Nu ñati̱ nu ngua ti' cua'ni tye ji'na bi', juani cua nguxcutsa'a̱ Ni cresiya ji'i̱ yu, cha' cua ntsu'u cha' ji'i̱ yu lo'o Jesús”, nacui̱ ngu' ji'i̱ tya'a ngu'. “Juani ndya'a̱ yu nda yu cha' lo'o xa' la ñati̱, cha' lo'o ñati̱ bi' caca xñi ngu' cha' ji'i̱ Jesús”, nacui̱ ngu'.

FILIPENSES 3:6

cha' jlya tsa ti' na' ji'i̱ nu cha' cusu' bi', bi' cha' nguxcube' tsa na' ji'i̱ lcaa ñati̱ nu ngusñi cha' ji'i̱ Jesucristo, lya' tsa ti' na' ji'i̱ ngu' bi'. Lo'o jua'a̱ ná ntsu'u qui'ya 'na lo'o ngu' judío cuentya ji'i̱ cha' cusu' bi', cha' cua ndaquiya' tsa na' lcaa nu cha' cusu' bi'; tya sa'ni cua ngua lubii cresiya jna', si chañi cha' caca tso'o cresiya ji'na cuentya ji'i̱ ycui' Ndyosi jua'a̱ ti.