1 CORINTIOS 15:8 - Chatino Tataltepec

⁸ Su cua ndye li', lo'o 'na ngulu'u loo Ni 'na, masi ná ntsu'u cha' cua'ni Ni lo'o na' jua'a̱. Laca na' ñi'ya̱ si laca̱ sca cubi' nu ngula cuañi' ti, cha' ná lo'o na' nguta'a̱ na' lo'o ñati̱ nu ngua tsa'a̱ tya clyo.

1 CORINTIOS 15:8 ပူးပေါင်းရင်းမြစ်များ

LOS HECHOS 18:9

Lo'o li' cua na'a̱ Pablo ji'i̱ Jesús nu Xu'na na, ñi'ya̱ si na nchcui' xcalá yu ngua. ―Ná cutsi̱i̱ nu'u̱ ―nacui̱ Jesús ji'i̱ yu―. Ná ca taja ti' nu'u̱ cha' culu'u nu'u̱ cha' jna' ji'i̱ ñati̱ ―nacui̱ Ni―.

LOS HECHOS 22:14

“Ycui' Ndyosi nu ngua'ni tlyu sti na ji'i̱, bi' laca nu ngusubi jinu'u̱ cua sa'ni la”, nacui̱ Ananías jna'. “Ngusubi ycui' Ni jinu'u̱ cha' ca cuayá' ti' nu'u̱ ña'a̱ cha' nu nti' ycui' Ni, cha' ña'a̱ nu'u̱ ji'i̱ ycui' nu liñi ca, cha' cuna nu'u̱ cha' nu chcui' Ni lo'o nu'u̱”, nacui̱ jna'.

LOS HECHOS 22:18

jua'a̱ cua na'a̱ na' ji'i̱ ycui' nu Xu'na na. “Tyaa clya nu'u̱”, nacui̱ nu Xu'na na jna', “tyu'u nu'u̱ quichi̱ Jerusalén re; yaa clya nu'u̱”, nacui̱ Ni, “cha' ná jlya ti' ngu' nde lo'o chcui' nu'u̱ cha' jna' lo'o ngu'.”

LOS HECHOS 22:6

’Ndya'a̱ na' tyucui̱i̱, cua tyalaa ti na' ca quichi̱ Damasco bi'. Nde hora ngua, lo'o tsi tsiya' ca ndaca'a̱ sca xee tlyu ji'i̱ ycui' Ndyosi nde cua̱; tyucui ña'a̱ lo yuu su ndu̱ na' ngujui'i̱ xee bi'.

LOS HECHOS 26:12

’Lo'o li' ngua sca tsa̱ ndya'a̱ na' tyucui̱i̱ su tsaa quichi̱ Damasco. Ntsu'u quityi chacuayá' nu nda sti jo'ó nu laca loo la jna', cha' cua'ni na' la cui' cña cuxi bi' ca quichi̱ bi'.

LOS HECHOS 26:16

“Tyatu̱ nu'u̱ juani. Cua ngulu'u loo na' jinu'u̱ juani cha' cua'ni nu'u̱ cña jna', cha' cacha' nu'u̱ ji'i̱ xa' ñati̱ cha' cua na'a̱ nu'u̱ jna' tsa̱ juani. Lo'o jua'a̱ ntsu'u cha' ta nu'u̱ cha' lo'o ngu', lcaa ña'a̱ cha' nu culu'u na' jinu'u̱ nde loo la.

LOS HECHOS 9:17

Li' ndyaa Ananías slo Saulo ca to' tyi Judas bi'. Ndyatí̱ Ananías ni'i̱, ngusta ya' yu lo Saulo, nchcui' yu lo'o nu Saulo bi' li': ―Saulo, tya'a na' ―nacui̱ yu―. La cui' Jesucristo nu laca Xu'na na cua ngulu'uloo Ni jinu'u̱ tyucui̱i̱ su lijya̱ nu'u̱ ca quichi̱ re. Lo'o nu juani cua ngulo nu Xu'na na cña 'na cha' ca̱a̱ na' slo nu'u̱ cha' cua'ni na' jo'o ji'i̱ cloo nu'u̱, cha' caca ña'a̱ nu'u̱ chaca quiya'; bi' cha' lijya̱ na' slo nu'u̱ juani, xqui'ya cha' nti' Xtyi'i ycui' Ndyosi tyanu ne' cresiya jinu'u̱.

1 CORINTIOS 9:1

Cua ntsu'u chacuayá' 'na cha' cua'ni na' cua ña'a̱ ca lo cha'. Cua ngua'a̱ loo ycui' Ndyosi 'na cha' cua'ni na' cña ji'i̱ Ni, nu lo'o na'a̱ na' ji'i̱ ycui' Jesús nu Xu'na na. Ngusñi ma̱ cha' ji'i̱ Jesús juani xqui'ya cha' ndu'ni na' cña ji'i̱ Ni,