1 CORINTIOS 15:6 - Chatino Tataltepec

⁶ Tiya' la li' ngulu'u loo Jesús ji'i̱ tyu̱u̱ tsa tya'a ñati̱, nteje tacui ca'yu siyento tya'a ñati̱ nu ndi'i̱ se'i̱ ti li'. Lo'o ña'a̱ ti tya tyu̱u̱ tya'a ngu' bi' tya lu'ú ngu', masi ntsu'u xi ngu' bi' nu cua ngujuii.

1 CORINTIOS 15:6 ပူးပေါင်းရင်းမြစ်များ

SAN MATEO 28:10

―Ná cutsi̱i̱ ma̱ ―nacui̱ Jesús ji'i̱ ngu' bi' li'―. Yaa clya ma̱ cacha' ma̱ ji'i̱ ngu' tya'a na' cha' ntsu'u cha' tsa'a na' nde Galilea; ca bi' tyacua tya'a ngu' lo'o na', ñacui̱ ma̱ ji'i̱ ngu'.

SAN MARCOS 16:7

Li' yaa clya ma̱ cacha' ma̱ ji'i̱ Pedro lo'o ji'i̱ xa' la ngu' nu ndyaca tsa'a̱ ji'i̱ yu, cha' cua tsaa ti ycui' yu nde loo ji'i̱ ma̱ nde Galilea; tyacua tya'a ma̱ lo'o yu ca bi', ñi'ya̱ nu cua nacui̱ yu ji'i̱ ma̱ tya tsubi'.

LOS HECHOS 13:36

Ngua'ni jyo'o David cña ji'i̱ ycui' Ndyosi lcaa tyempo lo'o nguti'i̱ nu cusu' bi' chalyuu. Lo'o ngujuii yu, li' nguxatsi' ngu' ji'i̱ se'i̱ ti lo'o xa' la jyo'o cusu' ji'na; ndye cuaña' yu ngutsu' li'.

LOS HECHOS 7:60

Li' ngucha sti̱' yu lo'o lye tsa nchcui' yu chaca quiya': ―Xu'na na' ―nacui̱ yu―, ná sta nu'u̱ qui'ya ji'i̱ ñati̱ re cha' ngu̱ ngu' quee jna' ―nacui̱ Esteban ji'i̱ Jesús. Lo'o jua'a̱ tsa tsiya' ca ngujuii yu li'.

1 CORINTIOS 15:18

Lo'o jua'a̱ lcaa jyo'o cusu' nu ngusñi cha' ji'i̱ Cristo tya tsubi' la, cua nguna' cha' ji'i̱ ngu' bi' si jua'a̱.

1 CORINTIOS 15:20

Chañi tsa cha' cua ndyu'ú Cristo chaca quiya' lacua. Lo'o ca tiya' la, li' tyu'ú quiña'a̱ la ñati̱ chaca quiya', lcaa ñati̱ nu ntsu'u cha' ji'i̱ ngu' lo'o Cristo; tyu'ú jyo'o su ntsiya nguatsi' nquicha', xa' tyu'ú ngu' chaca quiya', li' tsaa ngu' tyi'i̱ ngu' lo'o Cristo. Pana juani cua yala la ndyu'ú Cristo chaca quiya' cha' ta na cuentya ñi'ya̱ caca cha' bi'.

1 TESALONICENSES 4:13

Cu'ma̱ tya'a ngusñi na cha' ji'i̱ Jesús, juani ta ya xi cha' lo'o ma̱ cuentya ji'i̱ ngu' tya'a na nu cua ngujuii, cha' ca cuayá' ti' ma̱ cha' ñi'ya̱ laca si na laja' ti ngu', jua'a̱ laca jyo'o bi'. Ná ca xñi'i̱ ti' ma̱ cuentya ji'i̱ jyo'o tya'a ma̱ lacua, cha' ná stu'ba laca na lo'o ñati̱ nu bilya xñi cha' ji'i̱ Jesucristo.

1 TESALONICENSES 4:15

Cua nchcui' ycui' nu Xu'na na ñi'ya̱ caca ji'i̱ lcaa na tsa̱ bi', nu lo'o ca̱a̱ ycui' nu Xu'na na chaca quiya': Lcaa na nu tya lu'ú na ni, ná tyiji̱loo na ji'i̱ ngu' tya'a na nu cua ngujuii.

2 PEDRO 3:4

Li' ndi'ya̱ ñacui̱ ngu' bi' ji'i̱ ma̱: “¿Ni hora ca̱a̱ Cristo lacua? ¿Ni cha' laca tya ndu̱ ti' ma̱ ji'i̱ yu cha' ca̱a̱ yu? Cua nteje tacui tsa tyempo bi', cha' cua ngujuii lcaa ngu' cusu' ji'na, lo'o jua'a̱ cua ngusu' na juani. Ña'a̱ ti ndyaca chalyuu re, ñi'ya̱ nu ndyaca tya lo'o nguxana chalyuu clyo.”