1 CORINTIOS 15:54 - Chatino Tataltepec

⁵⁴ Lo'o cua ngua nguxcutsa'a̱ Ni ji'i̱ tyucui ña'a̱ na cha' nga'aa quiñu'u̱ na tsiya' ti li', nga'aa caca na ñi'ya̱ nu ngua na tyempo nu nteje tacui; xcutsa'a̱ Ni lcaa cha' ji'na. Li' tyu'u scua sca cha' nu nscua lo quityi cusu' nu nchcui' ndi'ya̱: “Cua ngua'ni tye Ni cha' ndyijii ñati̱ chalyuu, cua ntiji̱loo ycui' Ndyosi ji'i̱ lcaa tya'a ngusu̱u̱ Ni;

1 CORINTIOS 15:54 ပူးပေါင်းရင်းမြစ်များ

SAN LUCAS 20:36

cha' ca bi' nga'aa ntsu'u cha' cajaa ngu' tsiya' ti. Caca ngu' bi' ñi'ya̱ laca xca̱ nu ndi'i̱ slo ycui' Ndyosi; caca ngu' sñi' ycui' Ndyosi tsiya' ti, cha' cua ndyu'ú ngu' chaca quiya'.

ROMANOS 1:23

Ná nti' ngu' cua'ni tlyu ngu' ji'i̱ ycui' Ndyosi nu laca loo la, la cui' Ni laca nu ná tye chalyuu ji'i̱ tsiya' ti; ndiya la ti' ngu' cua'ni tlyu ngu' ji'i̱ lcui̱ ñati̱ nu ndyijii ti. Lo'o jua'a̱ ndu'ni tlyu ngu' ji'i̱ lcui̱ quiñi nu ndacui nde cua̱, lo'o ji'i̱ lcui̱ na'ni nu ntucua quiya', lo'o ji'i̱ lcui̱ na'ni nu nsube' ne' ni' lo yuu; bi' laca cha' nu ndu'ni tlyu ngu' ji'i̱.

ROMANOS 2:7

sca chalyuu tso'o nu ná nga'a̱ cha' tye, bi' laca nu ta Ni ji'i̱ ngu' tso'o, nu ná nchca taja ti' ndu'ni ngu' cña tso'o lo'o tya'a ngu'. Xcui' ndya'a̱ cha' tyiquee ngu' bi' ji'i̱ cha' tso'o nu ntsu'u ca slo ycui' Ndyosi, xcui' nti' ngu' cha' tyi'i̱ tso'o ti ngu' cuentya ji'i̱ Ni, xcui' ndube ti' ngu' ji'i̱ chalyuu nu lijya̱ nde loo la.

ROMANOS 6:12

Bi' cha' juani nga'aa ta ma̱ chacuayá' cha' caca loo cha' cuxi bi' ji'i̱ ma̱ lo'o ndi'i̱ ma̱ nde chalyuu. Ná tso'o cha' taquiya' na ji'i̱ lcaa lo cha' cuxi nu jña ti' na cha' cua'ni na ji'i̱, cha' laca na ñati̱ chalyuu ti.

ROMANOS 8:11

La cui' Xtyi'i ycui' Ndyosi laca bi', la cui' laca nu ngulo ji'i̱ jyo'o Jesús ca su ntsiya nguatsi', ndyu'ú yu chaca quiya' li'. Lo'o jua'a̱ cua nda ycui' Ndyosi Xtyi'i ycui' Ni cha' tyanu ne' cresiya ji'i̱ ma̱, cha' nu lo'o cajaa ma̱, li' cua'ni Ni cha' tyu'ú ma̱ chaca quiya' xqui'ya Xtyi'i ycui' Ni.

2 CORINTIOS 4:11

Cua ña'a̱ ca hora lo'o ndi'i̱ ya chalyuu ntsu'u tsa cha' cuxi nu taca cujuii ji'i̱ ya, cha' quiña'a̱ tsa cha' cuxi ndyacua ji'i̱ ya lcaa se'i̱ su ndya'a̱ ya xqui'ya Jesús. Pana jua'a̱ taca ña'a̱ ngu' cha' tya ndi'i̱ Jesús lo'o ya; bi' cha' laca tya ntsu'u chalyuu ji'i̱ ya, masi quicha ti ti' ya ndya'a̱ ya.

2 CORINTIOS 5:4

Nchca taja ti' na su ndi'i̱ na nde chalyuu, cha' ndyacua tsa cha' ti'í ji'na. Si'i na nti' na cha' cajaa na yala ti, pana nti' tsa na cha' caca cucui tyucui ña'a̱ na; bi' laca nu cua'ni ycui' Ndyosi lo'o tyalaa na ca su ntucua Ni. Lo'o li' tye cha' cuxi ji'na, tye tyucui ña'a̱ cuaña' na nu nscua cha' cajaa, cha' li' taca quije chaca chalyuu nu tso'o la ji'na, nu ná nga'a̱ cha' tye tsiya' ti.

2 TESALONICENSES 1:10

Jua'a̱ xcube' Ni ji'i̱ ngu' bi' tsa̱ lo'o tya̱a̱ Jesús chaca quiya'. Pana si ntsu'u cha' ji'na lo'o Ni, li' cua'ni tlyu na ji'i̱ Ni tsa̱ bi'; la cui' jua'a̱ cua'ni chi̱ na loo ycui' Ndyosi lo'o tya'a na lo'o tyalaa tsa̱ bi', si cua ngusñi na cha' ji'i̱ Ni. Lo'o cu'ma̱, stu'ba ti tyu'u ti'i̱ ma̱ lo'o ya slo Jesús tsa̱ bi', cha' ngusñi ma̱ cha' ji'i̱ Jesús lo'o ngulu'u ya cha' bi' ji'i̱ ma̱ nu ngua tya clyo la.

APOCALIPSIS 20:14

Li' nguxcua̱a̱ Ni ji'i̱ La Muerte, lo'o jua'a̱ nguxcua̱a̱ Ni chalyuu su nguti'i̱ jyo'o bi', ndyaa bi' nde lo tayu' su ntsu'u quii' tlyu ndyaqui̱. Lcaa nu ndyaa ca lo tayu' bi' ni, cua ndyaa ngu' chalyuu talya, cua ndye cha' ngujuii ngu' bi'; nga'aa tyu'ú ngu' bi' tsiya' ti.

APOCALIPSIS 21:4

Lo'o li' cua'ni ycui' Ndyosi cha' nga'aa xi'ya ngu' nu ndyunaa tsa tya tsubi' la ―nacui̱ nu nchcui' bi'―. Nga'aa ntsu'u cha' cajaa ñati̱ li', nga'aa ntsu'u cha' ca xñi'i̱ ti' ngu', nga'aa xi'ya ngu', ni nga'aa tyacua cha' ti'í ji'i̱ ngu' li'; cua ndye lcaa cha' nu ngua ji'i̱ ngu' lo'o nguti'i̱ ngu' chalyuu cusu' ―nacui̱ nu nchcui' bi'.