1 CORINTIOS 15:34 - Chatino Tataltepec

³⁴ Nga'a̱ cha' xtyanu ma̱ ji'i̱ cha' cuxi nu ndyu'ni ma̱, xana culacua tso'o ti' ma̱ li'; tso'o ti cua'ni ma̱ lo'o tya'a ma̱. Nti' na' cha' ntsu'u xi cu'ma̱ nu bilya ca cuayá' tso'o ti' ma̱ cha' ji'i̱ ycui' Ndyosi, bi' cha' nchcui' na' lo'o ma̱ jua'a̱ cha' caca tyuju'u ti' ma̱.

1 CORINTIOS 15:34 ပူးပေါင်းရင်းမြစ်များ

SAN MATEO 22:29

Li' nguxacui̱ Jesús cha' ji'i̱ ngu' bi': ―Ná jlo ti' ma̱ tsiya' ti, cha' ná nchca cuayá' ti' ma̱ ji'i̱ quityi ji'i̱ ycui' Ndyosi; ná nchca cuayá' ti' ma̱ cha' nchca tsa ji'i̱ ycui' Ni cua'ni Ni cña tonu.

SAN JUAN 5:14

Ca ngusi̱i̱ la xa' ndyacua tya'a Jesús lo'o nu ngua quicha bi' lo'o ndya'a̱ yu ne' laa. Li' nacui̱ Jesús ji'i̱: ―Cua ndyaca tso'o nu'u̱ juani ―nacui̱ yu―, bi' cha' xtyanu nu'u̱ tyucui̱i̱ cuxi cua hi̱ cha' nga'aa tyacua xa' quicha tlyu la hi̱.

SAN JUAN 8:11

―Ná tucui ndu̱ nu ngusta qui'ya 'na, cusu' ―nacui̱ nu cuna'a̱ bi'. ―Tso'o lacua ―nacui̱ Jesús ji'i̱―. Jua'a̱ na', ná ntsu'u qui'ya nu sta na' jinu'u̱. Tyaa clya nu'u̱ juani ―nacui̱―, nga'aa cua'ni la nu'u̱ cha' cuxi.

LOS HECHOS 26:8

¿Ni cha' laca ntsu'u ñati̱ cu'ma̱ nu ná jlya ti' cha' nchca ji'i̱ ycui' Ndyosi cua'ni Ni cha' tyu'ú jyo'o chaca quiya'?

ROMANOS 1:28

Jua'a̱ laca ji'i̱ ngu', cha' ná nti' ngu' tyuloo ngu' ji'i̱ ycui' Ndyosi; bi' cha' nguxtyanu Ni ji'i̱ ngu' cha' cua'ni ngu' cha' cuxi bi', nda Ni xi tyempo cua'ni ngu' ñi'ya̱ nu nti' ti ngu' cua'ni ngu'.

ROMANOS 13:11

Cua'ni ma̱ cha' tyi'u ti' ma̱ lcaa cha' bi'. Cua jlo ti' ma̱ cha' cua ndyalaa hora cha' clyana na ji'i̱ ycui' Ndyosi; bi' cha' juani que ti' ma̱ lacua, cha' tii ti ti' ma̱ tyi'i̱ ma̱ chalyuu. Cua tya̱a̱ ti ycui' Jesús cha' cua'ni lyaá Ni ji'na, cha' ca̱qui'ya Ni ji'na. Nu lo'o ngusñi na cha' ji'i̱ Jesús tya clyo, li' ngua ti' na cha' tya lyiji tsa tyalaa tsa̱ bi' cha' tya̱a̱ ycui' Jesús; pana juani cua ngulala ti tyalaa tsa̱ bi'.

1 CORINTIOS 4:14

Lo'o nscua na' quityi re, ná nti' na' cha' ca tyuju'u ti' ma̱; tsa bi' ti cha' nti' na' cha' cua'a na' ji'i̱ ma̱ cha' ná cua'ni tyixi ma̱ lo'o ya. Na tyaca'a cu'ma̱ jna' ñi'ya̱ si laca ma̱ sñi' na'.

1 CORINTIOS 6:5

Nscua na' cha' re cha' caca tyuju'u ti' ma̱ slo ycui' Ndyosi. ¿Ha ná ntsu'u ni tsaca ngu' tya'a ma̱ nu nchca cuayá' ti' ñi'ya̱ caca xquiñi cha' ji'i̱ ma̱ lo'o tya'a ma̱?

1 CORINTIOS 8:7

Pana ná lcaa ñati̱ nchca cuayá' ti' cha' bi'. Ntsu'u ngu' tya'a ngusñi na cha' ji'i̱ Jesús nu ná nchca cacu sca na nu cua nscua slo jo'ó tya clyo. Nu ngua tya sa'ni la, cua ngui'i̱ tsa ngu' bi' ji'i̱ jo'ó bi'; lo'o juani ña'a̱ ti tya ntsu'u ti' ngu' bi' cha' na cacu jo'ó laca na nu cacu ngu' bi'. Bi' cha' ná ndalo ngu' bi' tsiya' ti cha' cacu ngu' cuaña' nu ngua msta̱ bi'; cha' cuxi laca cha' bi' cuentya ji'i̱ ngu' bi'.

EFESIOS 5:14

Bi' cha' ndi'ya̱ nchcui' quityi cusu': Quee ti' cu'ma̱, cha' ñi'ya̱ laca si na laja' ma̱, si na ngujuii ma̱, jua'a̱ laca ma̱ xqui'ya qui'ya nu ntsu'u ji'i̱ ma̱. Nga'aa tyu'u cha' ji'i̱ ma̱ lo'o cha' cuxi, cha' li' taca ta Cristo xee nu tyu'ú ne' cresiya ji'i̱ ma̱. Jua'a̱ nscua lo quityi.

1 TESALONICENSES 4:5

cha' ná nti' ycui' Ndyosi cha' cua'ni suba' ma̱ lo'o clyo'o ma̱, ñi'ya̱ nu ndu'ni ngu' nu ná ndaquiya' ji'i̱ ycui' Ni tsiya' ti.