1 CORINTIOS 15:18 - Chatino Tataltepec

¹⁸ Lo'o jua'a̱ lcaa jyo'o cusu' nu ngusñi cha' ji'i̱ Cristo tya tsubi' la, cua nguna' cha' ji'i̱ ngu' bi' si jua'a̱.

1 CORINTIOS 15:18 ပူးပေါင်းရင်းမြစ်များ

LOS HECHOS 7:60

Li' ngucha sti̱' yu lo'o lye tsa nchcui' yu chaca quiya': ―Xu'na na' ―nacui̱ yu―, ná sta nu'u̱ qui'ya ji'i̱ ñati̱ re cha' ngu̱ ngu' quee jna' ―nacui̱ Esteban ji'i̱ Jesús. Lo'o jua'a̱ tsa tsiya' ca ngujuii yu li'.

1 CORINTIOS 15:6

Tiya' la li' ngulu'u loo Jesús ji'i̱ tyu̱u̱ tsa tya'a ñati̱, nteje tacui ca'yu siyento tya'a ñati̱ nu ndi'i̱ se'i̱ ti li'. Lo'o ña'a̱ ti tya tyu̱u̱ tya'a ngu' bi' tya lu'ú ngu', masi ntsu'u xi ngu' bi' nu cua ngujuii.

1 TESALONICENSES 4:15

Cua nchcui' ycui' nu Xu'na na ñi'ya̱ caca ji'i̱ lcaa na tsa̱ bi', nu lo'o ca̱a̱ ycui' nu Xu'na na chaca quiya': Lcaa na nu tya lu'ú na ni, ná tyiji̱loo na ji'i̱ ngu' tya'a na nu cua ngujuii.

1 TESALONICENSES 4:16

Ndi'ya̱ caca cha' lo'o tyalaa tsa̱ bi': Nde cua̱ ca̱a̱ ycui' nu Xu'na na, ca'ya Ni lo yuu; li' stu'ba ti cañi Xtyi'i ycui' Ni lo'o xtyi'i xca̱ ji'i̱ Ni nu laca loo, jua'a̱ cañi cui'chcua̱ ji'i̱ ycui' Ndyosi li'. Clyo tyacuí̱ lcaa jyo'o ñati̱ ji'i̱ Jesucristo tyaa ngu' nde cua̱;

APOCALIPSIS 14:13

Li' ndañi xtyi'i ca su ntucua ycui' Ndyosi, nchcui' sca ñati̱ lo'o na': ―Scua clya nu'u̱ cha' re: “Tso'o tsa caca tyiquee ñati̱ nu ndyijii laja lo'o ndyu'ni ngu' cña ji'i̱ ycui' Ndyosi nu Xu'na na tyempo nde loo la”. La cui' jua'a̱ laca cha' nu nda Xtyi'i ycui' Ndyosi lo'o ma̱. Nacui̱ cha' ca bi' tyi'i̱ cña' ñati̱ bi' li', cha' tso'o tsa cña nu ngua'ni ngu' lo'o ya̱a̱ ngu' chalyuu; ndiya ti' Ni cña nu ngua'ni ngu', bi' cha' tyi'u ti' ycui' Ndyosi ji'i̱ cña nu cua ngua'ni ngu' bi' li' ―nacui̱ Ni jna'.