1 CORINTIOS 14:5 - Chatino Tataltepec

⁵ Jua'a̱ na', tso'o nti' na' si lcaa cu'ma̱ caca chcui' ma̱ cha'cña ji'i̱ xa' ñati̱; pana cña nu ndulo la cha' ji'i̱ ma̱ laca si ta ma̱ cha' lo'o tya'a ma̱, la cui' cha' nu cua nti' ycui' Ndyosi chcui' Ni lo'o ma̱. Tso'o la si jua'a̱ taca ta ma̱ cha' lo'o tya'a ma̱; ná ntsu'u cha' chcui' ma̱ cha'cña ji'i̱ xa' ñati̱ li', sca ti ca si ntsu'u chaca ngu' nu taca ji'i̱ xtyacui cha' bi' cha' caca cuayá' ti' tya'a ndyu'u ti'i̱ ma̱. Li' tso'o la tyatí̱ ti' tyiquee ngu' tya'a ma̱.

1 CORINTIOS 14:5 ပူးပေါင်းရင်းမြစ်များ

SAN MARCOS 16:17

Ñati̱ nu xñi cha' 'na ni, cua'ni ngu' bi' cha' tonu chacuayá' jna', cha' cube tsa ti' xa' ñati̱: culo ngu' bi' ji'i̱ cui'i̱ cuxi nu ngusñi ji'i̱ ñati̱; caja ñi'ya̱ nu chcui' ngu' bi' cha'cña ji'i̱ xa' ñati̱ chacuayá' jna';

ROMANOS 14:19

Tso'o lacua. Lcaa tya'a na nga'a̱ cha' clyana na cua ña'a̱ ca cha' nu cua'ni cha' caca tyi'i̱ tso'o na lo'o tya'a ñati̱ na, ña'a̱ cha' nu cua'ni cha' xtyucua na ji'i̱ tya'a ñati̱ na, cha' tso'o ti tyi'i̱ na cuentya ji'i̱ Cristo;

1 CORINTIOS 12:10

lo'o jua'a̱ ntsu'u ngu' nu nchca ji'i̱ ndu'ni xa' la cha' tlyu chacuayá' ji'i̱ ycui' Ndyosi, cña nu ná nchca cua'ni ñati̱ nquicha'; cuati ntsu'u xa' la ngu' nu nchca ji'i̱ ndacha' ji'i̱ ñati̱ sca cha' nu nda ycui' Ndyosi lo'o ngu' bi'; cuati jua'a̱ ntsu'u ngu' nu nchca tii ni cña ndu'ni sa scaa ngu', si cuentya ji'i̱ Xtyi'i ycui' Ndyosi ndu'ni ngu' cña, si si'i cuentya ji'i̱ ycui' Ndyosi ndu'ni ngu' cña; lo'o jua'a̱ ntsu'u ngu' nu nchca ji'i̱ nchcui' cha'cña ji'i̱ xa' la ñati̱; jua'a̱ tya ntsu'u xa' la ngu' nu nchca ji'i̱ xtyacui cha' bi', cha' caca cuayá' ti' lcaa ñati̱ ni cha' nda ngu' bi' li'.

1 CORINTIOS 13:1

Ná ndu'ni cha' masi nchca tsa chcui' na lcaa lo cha'cña ji'i̱ ñati̱ chalyuu, masi cha'cña ji'i̱ xca̱ nu ntucua ca slo ycui' Ndyosi nde cua̱ chcui' na; si ná ntsu'u tyiquee na ña'a̱ na ji'i̱ xa' la ñati̱, ná sca cha' tso'o ntsu'u tyiquee na li'. Laca na ñi'ya̱ nti' sca sniquiji̱ nu ntyiji'i̱ na ji'i̱ jua'a̱ ti, jua'a̱ laca na ñi'ya̱ laca sca cui'chcua̱ nu lye tsa nclyatu'u na ji'i̱; ná ntsu'u cha' taquiya' ngu' ji'na li'.

1 CORINTIOS 13:4

Si chañi cha' ntsu'u tyiquee na ña'a̱ na ji'i̱ ñati̱, talo tyiquee na ji'i̱ ngu' li', cua'ni tya'na ti' na ji'i̱ ngu' li'; si'i na tyiji̱ ti' na cha' ji'i̱ ngu' li', si'i na chcui' tyucuaa ti' na lo'o ngu', ni si'i na cua'ni tyixi na lo'o ngu' li'.

1 CORINTIOS 14:1

Cua'ni ma̱ cha' xcui' tso'o tyu'u tyiquee ma̱ ña'a̱ ma̱ ji'i̱ tya'a ñati̱ ma̱ lacua. Lo'o jua'a̱ jña ma̱ chacuayá' ji'i̱ ycui' Ndyosi cha' taca cua'ni ma̱ la cui' cña nu nda Xtyi'i ycui' Ni ji'na. Pana lo'o chaca cña ntsu'u nu ndulo tsa ji'i̱ ma̱, cha' ca tsa'a̱ ma̱ ta ma̱ cha' lo'o ñati̱, lcaa ña'a̱ cha' nu cua nti' ycui' Ndyosi cha' ta Ni lo'o ngu' bi'.

1 CORINTIOS 14:17

Ná tyiquee' tso'o tsa nchcui' na lo'o Ni, pana cha' nu nchcui' na bi' ná xtyucua ji'i̱ xa' la ngu' tya'a na tsiya' ti.