1 CORINTIOS 14:34 - Chatino Tataltepec

³⁴ Ná nda ngu' chacuayá' chcui' ngu' cuna'a̱ ca su ndyu'ni tlyu ngu' ji'i̱ ycui' Ndyosi; nga'a̱ cha' tucuá nu cuna'a̱ cha' nu nchcui' nu qui'yu, cha' jua'a̱ cña ngulo Ni ji'i̱ ngu' cha' cua'ni ngu'.

1 CORINTIOS 14:34 ပူးပေါင်းရင်းမြစ်များ

1 CORINTIOS 11:13

Ycui' ca ma̱ cacha' liñi ma̱ 'na si tso'o nti' ma̱ cha' chcui' sca nu cuna'a̱ lo'o ycui' Ndyosi lo'o ntucua yaala ti hique nu cuna'a̱ bi'.

1 CORINTIOS 11:3

Ndi'ya̱ nti' na' cha' caca cuayá' ti' ma̱: Ycui' Ndyosi laca loo ji'i̱ Cristo, lo'o jua'a̱ Cristo laca loo ji'i̱ lcaa ñati̱; la cui' jua'a̱ nu qui'yu laca loo ji'i̱ nu cuna'a̱.

1 CORINTIOS 11:5

Pana nu ngu' cuna'a̱ ni, tso'o si sta ngu' payu̱ hique ngu' lo'o ndyu'u ti'i̱ lcaa ngu' ne' laa; masi chcui' ngu' lo'o ycui' Ndyosi, masi cacha' ngu' sca cha' ji'i̱ ycui' Ndyosi ji'i̱ ñati̱, sta ngu' payu̱ hique ngu', cha' ná cua'ni tyucuaa ti' ngu' cuna'a̱ ji'i̱ clyo'o ngu' ca su ndyu'u ti'i̱ ngu' li', cha' loo la laca nu qui'yu ji'i̱ nu cuna'a̱. Nclyá cu'ma̱ quicha̱' hique nu cuna'a̱ nu ngua sa'a ji'i̱ ngu', cha' ca tyuju'u ti'; la cui' jua'a̱ stu'ba ti laca nu cuna'a̱ nu ná sta payu̱ hique ne' laa. Bi' cha' cu'ma̱ ngu' cuna'a̱, si ná nti' ma̱ cua'ni tyucuaa ti' ma̱ ji'i̱ nu ngu' qui'yu su ndyu'u ti'i̱ ma̱ lo'o ngu', tso'o la si tacu̱' ma̱ hique ma̱ li'; ná ntsu'u cha' ca tyuju'u ti' ma̱ li'.

1 CORINTIOS 14:21

Ndi'ya̱ cha' nda quityi cusu': “Chcui' na' lo'o ñati̱ re”, nacui̱ ycui' Ndyosi, “ta na' ji'i̱ xa' ñati̱ ca xa' nasiyu̱ tyijyu' la cha' ca̱a̱ ngu' chcui' lo'o ngu' re; pana masi cua'ni na' jua'a̱, ná xñi ngu' re cha' 'na”. Jua'a̱ nacui̱ ycui' Ndyosi nu Xu'na na.

1 CORINTIOS 14:35

Ca toni'i̱ taca xcuane nu cuna'a̱ ji'i̱ clyo'o si ntsu'u sca cha' nu nti' ngu' cha' caca cuayá' ti' ngu'. Si'i cha' tso'o laca si chcui' sca nu cuna'a̱ laja su ndyu'u ti'i̱ ngu'.

EFESIOS 5:33

Pana la cui' jua'a̱ nchcui' quityi bi' cuentya ji'i̱ lcaa cu'ma̱, cha' cua'ni tyaca'a cu'ma̱ ngu' qui'yu ma̱ ji'i̱ clyo'o ma̱ ñi'ya̱ nu ndu'ni tyaca'a ma̱ ji'i̱ ycui' ca ma̱. La cui' jua'a̱ nga'a̱ cha' cua'ni chi̱ ngu' cuna'a̱ ma̱ loo clyo'o ma̱.

COLOSENSES 3:18

Cu'ma̱ ngu' cuna'a̱ ni, taquiya' ma̱ ji'i̱ clyo'o ma̱. Ndulo tsa cha' ji'i̱ ma̱ cha' cua'ni ma̱ jua'a̱, cha' cua ntsu'u cha' ji'i̱ ma̱ lo'o Cristo nu Xu'na na.

TITO 2:5

ca tsa'a̱ nu cuna'a̱ cuañi' la cha' cua'a ngu' ji'i̱ ycui' ca ngu', cha' xcui' cha' tso'o cua'ni ngu', ñi'ya̱ nu nga'a̱ cha' cua'ni ngu' nu cua ngua lubii cresiya ji'i̱ cuentya ji'i̱ ycui' Ndyosi; ca tsa'a̱ ngu' ñi'ya nu tso'o ti cua'ni ngu' cña to' tyi ngu', ñi'ya̱ caca tya'na ti' ngu' ji'i̱ tya'a ñati̱ ngu', ñi'ya̱ nu taquiya' ngu' ji'i̱ clyo'o ngu'. Si xcui' tso'o ti ndu'ni nu cuna'a̱ cuañi' ni, li' ná ntsu'u cha' chcui' cuxi xa' ñati̱ ji'i̱ ycui' Ndyosi xqui'ya ngu' bi' li'.