1 CORINTIOS 13:7 - Chatino Tataltepec7 Si ntsu'u tyiquee na ña'a̱ na ji'i̱ ñati̱, talo tyiquee na ji'i̱ ngu', masi cua ña'a̱ ca cha' cuxi cua'ni ñati̱ bi'; jlya ti' na cua ña'a̱ ca cha' tso'o, ndu̱ ti' na cha' tso'o la caca cha' nde loo la, masi ná jlo ti' na; jua'a̱ tyiquee' talo na lo'o cua ña'a̱ ca cha' nu ndyaca ji'na. အခန်းကိုကြည့်ပါ။ |
1 CORINTIOS 13:7
29 ပူးပေါင်းရင်းမြစ်များ
Jlya ti' na cha' ngua'ni lyaá Ni ji'na, masi nga'a̱ cha' jatya na ji'i̱ tsa̱ tlyu bi', cha' cua'ni tye Ni cña nu ndyu'ni Ni. Sca na nu ntajatya na ji'i̱ ni, lo'o cua na'a̱ na ji'i̱, cha' ndu'u tucua cha' bi', nga'aa nti' cha' jatya la na ji'i̱ li'; si'i na tya ntajatya na ji'i̱, na cua na'a̱ na ji'i̱ li'.
Xa' la tya'a ndyu'ni ya cña ndyiji na laca nu lyiji ji'i̱ ngu' nu lo'o nda ma̱ xi xcaya' ngu' bi'. ¿Ha ná tso'o si la cui' ti cha' caja ji'i̱ ya, ñi'ya̱ nu ndyiji ji'i̱ ngu' bi'? Tsa bi' ti cha', ná ndijña ya cha' tso'o bi' ji'i̱ ma̱ tsiya' ti. Ndalo tsa ya ji'i̱ cua ña'a̱ ca cha' ti'í nu ndyacua ji'i̱ ya, cha' ná nti' ya tsiya' ti tacu̱' ya ji'i̱ cha' tso'o ji'i̱ Cristo nu nchcui' ya lo'o ma̱, cha' ná cuna ñati̱ ji'i̱ cha' bi'.
Tso'o tsa li'. Tso'o tsa ntsu'u tyiquee ya xqui'ya cu'ma̱, bi' cha' nda ya cha' ji'i̱ ma̱ lo'o lcaa taju ngu' tya'a ntsu'u cha' ji'na lo'o ycui' Ndyosi. Nacui̱ ya ji'i̱ ngu' cha' tso'o tsa ndyu'ni ma̱, cha' tlyu tsa tyiquee ma̱ xqui'ya ycui' Ndyosi, masi ndyiji tsa cha' ti'í ji'i̱ ma̱, masi lye tsa ndyu'ni lya' ti' ngu' ji'i̱ ma̱. Tso'o tsa cha' ndalo tyiquee ma̱ ji'i̱ ngu', masi cuxi tsa ndyu'ni ngu' bi' lo'o ma̱ jua'a̱.
Nu ñati̱ nu ndyu'ni cña ji'i̱ ycui' nu Xu'na na ni, ná tso'o si xcui' nxu̱u̱ ti ngu' ndi'i̱ ngu' lo'o tya'a ngu'; ntsu'u cha' chcui' tso'o ti ngu' bi' lo'o lcaa ñati̱. Tso'o si nchca ji'i̱ ngu' bi' culu'u ngu' cha' ji'i̱ ycui' Ndyosi ji'i̱ xa' ñati̱; jua'a̱ ntsu'u cha' talo tyiquee ngu' bi' ji'i̱ ñati̱ nu cua'ni lya' ti' ji'i̱ ngu',
Tso'o caca tyiquee ñati̱ nu ña'a̱ ti nxñi cha' ji'i̱ Jesús, masi tyacua cua ña'a̱ ca cha' ti'í ji'i̱ ngu'. Tso'o si talo ngu' tyiquee', ña'a̱ cuayá' tye cha' ti'í bi' ji'i̱ ngu', cha' caja chalyuu nu ná nga'a̱ cha' tye ji'i̱ ngu' bi' li'; bi' laca cha' tso'o nu cua nacui̱ Ni cha' ta Ni ji'i̱ ñati̱ nu ntsu'u tsa tyiquee ña'a̱ ji'i̱ ycui' Ni.
Ycui' Cristo laca nu sca ti quiya' ngujui'i̱ ca'a̱ ngu' ji'i̱ lo crusi cha' taca cuityi̱ Ni qui'ya nu ntsu'u ji'i̱ lcaa na, cha' clyaá na ji'i̱ qui'ya nu ntsu'u ji'na; bi' cha' cuentya ji'i̱ Cristo taca tyi'i̱ na chalyuu juani, cha' jua'a̱ tyaja'a̱ na cua'ni na xcui' cha' tso'o nu nti' ycui' nu Xu'na na cha' cua'ni na. Xqui'ya cha' nchcube' ycui' Cristo, bi' cha' ngua ti̱ cha' cuxi nu ntsu'u tyiquee na, ñi'ya̱ nti' lo'o ngua ti̱ cha' quicha na lo'o ndyaca tso'o na.
ကြော်ငြာတွေ