1 CORINTIOS 13:6 - Chatino Tataltepec

⁶ La cui' jua'a̱ si'i na chaa ti' na lo'o ndyacua sca qui'ya ji'i̱ ngu', tso'o la nti' na si xñi ngu' bi' sca cha' liñi.

1 CORINTIOS 13:6 ပူးပေါင်းရင်းမြစ်များ

SAN MATEO 18:13

Lo'o quije bi' ji'i̱ yu, ca chaa tsa ti' yu li', cha' tso'o tsa ntsu'u tyiquee yu ña'a̱ yu ji'i̱ nu sca ca xlya' nu cua nguna' ji'i̱ yu; pana ná ntsu'u cha' culacua ti' yu ji'i̱ nu jacuayala tyii ntucua caa tya'a xlya' nu ndyanu tso'o ti.

SAN LUCAS 22:5

Tso'o tsa ngua ti' ngu' sti jo'ó bi'. Lo'o li' nacui̱ ngu' bi' ji'i̱ yu cha' ta ngu' cñi ji'i̱;

ROMANOS 1:32

Nda ngu' bi' cuentya cha' nu cua nchcui' ycui' Ndyosi ji'i̱ ngu', cha' ntsu'u cha' cajaa ngu' bi' xqui'ya cha' cuxi nu ndu'ni ngu'. Masi jlo ti' ngu' cha' bi', ná ndube ti' ngu' bi'; ña'a̱ ti ndu'ni ngu' cha' cuxi bi' ji'i̱ ngu'. Lo'o jua'a̱ tso'o tsa ntsu'u tyiquee ngu' lo'o ña'a̱ ngu' ji'i̱ xa' ñati̱ nu ndyu'ni la cui' tya'a cha' cuxi bi'.

ROMANOS 12:9

Cua'ni ma̱ cha' tso'o tsa caca tyiquee ma̱ ña'a̱ ma̱ ji'i̱ xa' la ñati̱, cha' si'i sca cha' nu nda ti ma̱ laca bi', nu lo'o chcui' tso'o ma̱ lo'o ngu', masi lo'o cua'ni ma̱ cha' tso'o lo'o ngu'. Nga'aa taquiya' ma̱ ji'i̱ cha' cuxi, tyucui tyiquee ma̱ clyana ma̱ ji'i̱ cha' tso'o.

FILIPENSES 1:18

Ná ndube ti' na' ñi'ya̱ ndyu'ni ngu' bi', masi tyucui tyiquee chcui' ngu' cha' ji'i̱ Cristo lo'o ñati̱, masi cha' cuiñi ti ntsu'u tyiquee ngu' nu lo'o nchcui' ngu' cha' bi'; pana tso'o tsa nti' na' si ña'a̱ ti tya cañi la cha' ji'i̱ Cristo bi'. Lo'o jua'a̱ tya caca chaa la ti' na' tyempo nde loo la.

FILIPENSES 1:4

Lo'o nchcui' na' lo'o Ni cuentya ji'i̱ ma̱, chaa ti ti' na' nchcui' na' lo'o Ni li'.

FILIPENSES 3:18

Cua tyu̱u̱ tsa quiya' cua nda ya la cui' cha' re lo'o cu'ma̱, lo'o juani chcui' na' chaca quiya' lo'o ma̱, masi xñi'i̱ tsa ti' na' chcui' na' ndi'ya̱: Ntsu'u tsa ngu' tya'a cusu̱u̱ Cristo, masi cua ngujuii yu lo crusi cuentya ji'i̱ ngu'; tya'a cusu̱u̱ Cristo laca ngu' bi', cha' ntsu'u tsa cha' cuxi nu ndu'ni ngu' lcaa se'i̱ su ndya'a̱ ngu'.

2 TESALONICENSES 2:12

Chañi cha' tsaa ngu' bi' ca su ná nga'a̱ cha' tye chcube' ngu', lcaa ngu' nu ná jlya ti' cha' tso'o ji'i̱ ycui' Ndyosi, ngu' nu ndiya la ti' cua'ni cua ña'a̱ ca lo cha' cuxi.

2 JUAN 1:4

Tso'o tsa ngua ti' na' lo'o ngujui cha' 'na cha' ña'a̱ ti tya ndaquiya' tso'o xi ngu' tya'a ma̱ lcaa cha' liñi nu cua nda ycui' Ndyosi Sti na lo'o na;