1 CORINTIOS 13:3 - Chatino Tataltepec

³ La cui' ti ná sca na laca na masi tacha na lcaa cha' tso'o nu ntsu'u ji'na ji'i̱ ñati̱, si ná ntsu'u tyiquee na ña'a̱ na ji'i̱ ngu' bi' li'. Ná ndu'ni cha' masi cua'ni lya' ti' ngu' ji'na, masi su'ba ngu' ji'na lo quii' cha' cajaa na xqui'ya cha' ngusñi na cha' ji'i̱ Jesús, si la cui' tyempo bi' ná ntsu'u tyiquee na ña'a̱ na ji'i̱ tya'a ñati̱ na, ná sca cha' laca na. Si'i na tso'o la na si ná ndu'ni na jua'a̱.

1 CORINTIOS 13:3 ပူးပေါင်းရင်းမြစ်များ

SAN MATEO 23:5

Lcaa cha' nu ndu'ni nu ngu' bi' ni, ndu'ni ngu' ji'i̱ cha' ña'a̱ ti ñati̱ ji'i̱ ngu'; bi' cha' ndyaaca̱' juata su nscua cha' ji'i̱ ycui' Ndyosi hique ngu', lo'o jua'a̱ scu̱ ngu', cha' nti' ngu' cha' chcui' ñati̱ ji'i̱ ngu' cha' tacati tsa ndu'ni ngu'. Lo'o jua'a̱ nchcu' ngu' bi' payu̱ nu tonu tsa lsu ndacui lo cha' ña'a̱ ñati̱ ji'i̱.

SAN LUCAS 18:22

Nu lo'o ndyuna Jesús cha' bi', li' nacui̱: ―Chaca tya cha' tya lyiji cua'ni nu'u̱: yaa cujui' lcaa cha' tso'o nu ntsu'u jinu'u̱, cha' tyu'u cñi nu ta ji'i̱ ngu' ti'i; tyacua xi cha' tso'o jinu'u̱ nde loo la ca su ntucua ycui' Ndyosi li'. Lo'o cua ngua'ni nu'u̱ cña bi', li' taca tya'a̱ nu'u̱ lo'o na'.

SAN LUCAS 18:28

―Cusu' ―nacui̱ Pedro ji'i̱―, cua nguxtyanu ya lcaa cha' nu ntsu'u ji'i̱ ya cha' tya'a̱ ya lo'o nu'u̱, ñi'ya̱ nu nacui̱ nu'u̱ cha' cua'ni ya ―nacui̱.

SAN LUCAS 19:8

Li' ndatu̱ Zaqueo cha' chcui' lo'o Jesús: ―Ña'a̱ xi ya'a̱, cusu' ―nacui̱ yu―. Ta na' sa cla'be cha' tso'o nu ntsu'u 'na ji'i̱ ngu' ti'i. Si tya ntsu'u na nu nguaana na' cha' cua ngüiñilo'o na' ji'i̱ ngu', tya na' na bi' ji'i̱ ngu', masi jacua tsa lo cua quije ji'i̱ ngu' ―nacui̱ Zaqueo li'.

SAN JUAN 12:43

Ndiya la ti' ngu' bi' cha' tso'o ti chcui' ñati̱ chalyuu cha' ji'i̱ ycui' ngu'. Ná nti' ngu' cha' caca tso'o tyiquee ycui' Ndyosi ña'a̱ Ni ji'i̱ ngu'.

SAN JUAN 13:37

Li' nchcuane Pedro ji'i̱ yu: ―¿Ni cha' laca ná nti' nu'u̱ cha' tya'a̱ na' lo'o nu'u̱ ca su tsaa nu'u̱ juani ti? ―nacui̱―. Cajaa na' si caca clyaá ycui' nu'u̱.

SAN JUAN 15:13

Si jua'a̱ ntsu'u tyiquee na ña'a̱ na ji'i̱ tya'a tso'o na, li' cua'ni lyaá na ji'i̱ ngu' bi', masi cajaa ycui' na; nga'aa ntsu'u xa' cña tlyu la nu caca cua'ni na cha' xtyucua na ji'i̱ tya'a tso'o na.

SAN JUAN 6:63

Nu xtyi'i nu ta Ni cha' tyanu ne' cresiya ji'na, bi' laca nu nda chalyuu tso'o ji'na; si'i xqui'ya juersa nu ntsu'u ji'i̱ cuaña' ti na lu'ú na ―nacui̱ Jesús―. Lo'o jua'a̱ lcaa cha' nu nda na' lo'o ma̱ juani, cuentya ji'i̱ sca na nu ta ycui' Ndyosi ji'i̱ ñati̱ laca cha' bi', sca cha' nu tyu'ú ne' cresiya ji'i̱ ñati̱ laca bi'; caja chalyuu ji'i̱ ngu' si taquiya' ngu' ji'i̱ cha' bi'.

LOS HECHOS 21:13

―¿Ni cha' laca nxi'ya ma̱? ―nacui̱ Pablo ji'i̱ ya li'―. ¿Ni cha' laca ndyu'ni ma̱ cha' ca xñi'i̱ ti' na'? ―nacui̱―. Cua laca cha' tsa'a̱ ca Jerusalén; tyaja'a̱ na' tsa'a̱, masi lo'o sca̱' ngu' jna', masi lo'o cujuii ngu' jna' cajua xqui'ya Jesucristo nu Xu'na na.

GÁLATAS 5:26

La cui' ti ná tso'o si chcui' tyucuaa ti' na lo'o ñati̱, cha' jua'a̱ caja quiña'a̱ tsa cha' cusu̱u̱ ji'na lo'o tya'a ñati̱ na li', cha' tyixi tyiquee na. Lo'o jua'a̱ ná tso'o si ña'a̱ ti'í na ji'i̱ tya'a na.

FILIPENSES 2:3

Cua'ni ma̱ cha' ná quiña'a̱ cha' tyu'u tyiquee ma̱ lo'o cua'ni ma̱ sca cña; si'i xcui' cha' ji'i̱ ycui' ca ma̱ culacua ti' ma̱, ni si'i na cua'ni tyucuaa ti' ma̱ lo'o tya'a ma̱. Tso'o la si culacua ti' ma̱ cha' tso'o la laca nu xa' la ngu' tya'a ma̱, pana ná tso'o ycui' ca ma̱;

1 TIMOTEO 4:8

Tso'o xi cha' ngui'i̱ quiya' na cha' tya'a̱ na, ngui'i̱ ya' na cha' cua'ni na cña; pana tso'o la si qui'i̱ tyiquee na cha' taquiya' na ji'i̱ ycui' Ndyosi lcaa tyempo. Tso'o ti tyi'i̱ na nde chalyuu, nu lo'o cua'ni na cua ña'a̱ ca cña nu nti' nu Xu'na na cha' cua'ni na; la cui' tso'o ti tyi'i̱ na ca slo ycui' Ndyosi, si cua'ni na ñi'ya̱ nu nti' Ni cha' cua'ni na.

HEBREOS 13:9

Ná ta ma̱ chacuayá' culu'u ñati̱ xi xa' la cha' ji'i̱ ma̱, sca cha' nu ná stu'ba nchcui' lo'o cha' bi', cha' ná xtyanu ma̱ jua'a̱ ji'i̱ tyucui̱i̱ liñi. Tso'o la si tyanu tso'o lcaa cha' ji'i̱ ycui' Ndyosi ne' cresiya ji'na, si cube ti' na ji'i̱ lcaa cha' tso'o nu ndu'ni Ni lo'o na lcaa hora; pana ná taca tyanu tso'o cha' ji'i̱ ycui' Ndyosi ne' cresiya ji'na lo'o taquiya' na ji'i̱ cua ña'a̱ ca cña nu tatsaa ngu' ji'na, ñi'ya̱ nti' si nacui̱ ngu' cha' ná tso'o cacu na sca lo na nu ndacu ngu'. Masi cua ndaquiya' tsa na ji'i̱ cña bi' tya tsubi' la, si'i na tso'o la ngua ti' na lo'o ngua'ni na jua'a̱.