Li' nguxacui̱ Jesús cha' ji'i̱ ngu' bi': ―Cua nda ycui' Ndyosi chacuayá' cha' ca cuayá' ti' ma̱ sca cha' nu ntsu'u cuaana ti ji'i̱ jyo'o cusu', ñi'ya̱ caca lo'o caca ycui' Ni loo ne' cresiya ji'i̱ ñati̱. Xa' ñati̱ nu ná ngusñi cha' ji'i̱ ycui' Ndyosi ni, ná ta ngu' cuentya lo'o cuna ngu' sca cui̱i̱ nu nchcui' na'; tucui tsa cha' bi' nti' ngu'.
1 CORINTIOS 13:2 - Chatino Tataltepec2 Ná ndu'ni cha' masi cacha' na lcaa cha' nu nda ycui' Ndyosi lo'o ñati̱, si ná ntsu'u tyiquee na ña'a̱ na ji'i̱ ngu'. Ná ndu'ni cha' masi jlo ti' na lcaa cha' ji'i̱ ycui' Ndyosi, masi tso'o tsa nchca cuayá' ti' na sca cha' nu ná ngujui ñi'ya̱ nu caca cuayá' ti' ñati̱ nu ngua sa'ni la; ná sca na laca na cuentya ji'i̱ ycui' Ndyosi si ná ntsu'u tyiquee na ña'a̱ na ji'i̱ ñati̱. La cui' ti masi jlya tsa ti' na ji'i̱ ycui' Ndyosi ñi'ya̱ nti' si caca cuityi̱ na ji'i̱ sca ca'ya cua̱, pana si ná ntsu'u tyiquee na ña'a̱ na ji'i̱ ñati̱, ná sca na laca na li'. အခန်းကိုကြည့်ပါ။ |
1 CORINTIOS 13:2
38 ပူးပေါင်းရင်းမြစ်များ
Li' nguxacui̱ Jesús cha' ji'i̱ ngu' bi': ―Xti ti cha' jlya ti' ma̱ ji'i̱ ycui' Ni, bi' cha' ná ngua ji'i̱ ma̱ ―nacui̱ Jesús ji'i̱ ngu' bi'―. Cha' liñi nchcui' na' lo'o ma̱ juani, cha' si chañi ca cha' jlya ti' ma̱ cha' ji'i̱ ycui' Ndyosi, masi tsa lo cua sca si'yu cuxee ti nu piti tsa, si jua'a̱ ti jlya ti' ma̱ cha' ji'i̱ Ni, li' taca chcui' ma̱ lo'o ca'ya cua̱ nde: “Tyu'utsu' nu'u̱ tyaa nu'u̱ chaca se'i̱ cajua la”, ñacui̱ ma̱ ji'i̱. Lo'o li' taquiya' ca'ya bi' cha' nu nchcui' ma̱ lo'o, tyu'utsu' ca'ya bi' tsaa chaca se'i̱ li'. Ná ntsu'u cha' nu ná caca cua'ni ma̱ si chañi ca cha' jlya ti' ma̱ 'na.
Lo'o li' na'a̱ yu sca yaca quityi nu ndu̱ to' tyucui̱i̱. Ndyaa na'a̱ yu ji'i̱ yaca bi' si ntsu'u si'yu lo yaca bi' cha' cacu yu; pana ná ntsu'u si'yu lo, xcui' laca' ti ntsu'u lo. Li' nchcui' Jesús ji'i̱ yaca bi': ―Nga'aa tyu'u tsiya' ti si'yu lo yaca cua chaca yija̱ ―nacui̱. Hora ti ngüityi yaca bi'.
Li' nguxacui̱ Jesús cha' ji'i̱ ngu' bi': ―Cha' liñi nchcui' na' lo'o ma̱ juani ―nacui̱―. Si chañi cha' jlya ti' ma̱ ji'i̱ ycui' Ndyosi, si si'i cha' tucua ti cha' ntsu'u tyiquee ma̱ nchcui' ma̱ lo'o Ni, lo'o cu'ma̱ caca ji'i̱ ma̱ cua'ni ma̱ sca cha' tlyu jua'a̱. Si'i cha' quityi sca yaca ti chcui' ma̱ lo'o ycui' Ndyosi li', masi taca chcui' ma̱ lo'o ca'ya jua ndi'ya̱: “Tyu'utsu' nu'u̱, yaa xcua nu'u̱ nde lo hitya tyujo'o”, ñacui̱ ma̱ ji'i̱. Lo'o li' jua'a̱ caca ji'i̱, cha' tyu'utsu' ca'ya bi'.
Nu taju ñati̱ ji'i̱ Jesucristo ca quichi̱ Antioquía bi' ni, laja ngu' bi' ntsu'u xi ngu' nu laca tu'ba ji'i̱ ycui' Ndyosi. La cui' jua'a̱ laja ngu' bi' tya ntsu'u la xa' tya'a ngu' nu tso'o tsa nclyu'u cha' ji'i̱ ycui' Ndyosi ji'i̱ tya'a ngu'; ngu' nu nclyu'u ji'i̱ tya'a ngu' ngua Bernabé, lo'o Simón nu ngata, lo'o Lucio Cirene, lo'o Saulo, lo'o Manaén. (Nu Manaén bi' ngua tya'a miña'a̱ Herodes nu laca gobernador ji'i̱ loyuu su cuentya Galilea.)
Cu'ma̱ ngu' tya'a ntsu'u cha' ji'na lo'o Cristo, nti' na' cha' caca cuayá' ti' ma̱ cha' tucui re, sca cha' ji'i̱ ycui' Ndyosi nu ntsu'u cuatsi' ti nquicha'; lo'o caca cuayá' ti' ma̱ cha' re, nga'aa chcui' ma̱ cha' tyixi lo'o ngu' judío li'. Ndi'ya̱ laca cha': Quiña'a̱ tsa tya'a ngu' judío ntsu'u nu ndyacu̱' hique ngu' tsiya' ti, cha' ná caca cuna ngu' cha' ji'i̱ Jesús; ña'a̱ cuayá' nu tye cuna lcaa ngu' xa' tsu' nu nga'a̱ cha' xñi cha' ji'i̱ Jesús,
Cua'ni tlyu na ji'i̱ ycui' Ndyosi lacua. Taca ji'i̱ Ni ta Ni juersa ji'i̱ ma̱, cha' tyi'i̱ ma̱ ñi'ya̱ nu nga'a̱ cha' tyi'i̱ ti na chalyuu, si xñi tso'o na cha' ji'i̱ Jesús. Cha' tso'o ji'i̱ la cui' Jesucristo, bi' laca cha' nu nda na' lo'o ngu', masi tyu̱u̱ tsa siyento yija̱ ntsu'u cuatsi' ti cha' nu nchcui' ñi'ya̱ nu cua'ni ycui' Ndyosi nde loo la;
Tso'o tsa ngusubi ycui' Ndyosi ji'i̱ ñati̱ nu caca cña ji'i̱ laja lcaa tya'a ñati̱ nu cua ngusñi cha' ji'i̱ Cristo scaa quichi̱: clyo ngusubi Ni ji'i̱ ñati̱ nu ndya'a̱ xa' quichi̱ tyijyu' la cha' chcui' ngu' cha' ji'i̱ Jesús lo'o ngu' quichi̱ bi'; li' ngusubi Ni ji'i̱ ñati̱ nu ndacha' ji'i̱ tya'a ngu' sca cha' nu cua nda ycui' Ndyosi lo'o ngu'; lo'o jua'a̱ ntsu'u ñati̱ nu liñi tsa nclyu'u cha' ji'i̱ Jesús ji'i̱ tya'a ngu'; lo'o jua'a̱ ntsu'u ñati̱ nu ndu'ni cha' tlyu chacuayá' ji'i̱ ycui' Ndyosi, cña nu ná nchca cua'ni ñati̱ nquicha'; lo'o jua'a̱ ntsu'u ñati̱ nu nchca ji'i̱ cua'ni cha' tyaca tso'o nu quicha chacuayá' ji'i̱ Jesús; lo'o jua'a̱ ntsu'u ñati̱ nu nchca ji'i̱ xtyucua ji'i̱ tya'a ngu' lo'o cua ña'a̱ ca lo cña; lo'o jua'a̱ ntsu'u ñati̱ nu laca cña cuentya ji'i̱ tya'a ngu', ntsu'u ñati̱ nu nchca chcui' cha'cña ji'i̱ xa' la ñati̱. Laja ñati̱ ji'i̱ Ni, nsubi ycui' Ndyosi ji'i̱ ngu' nu caca lcaa lo cña bi'.
Ná ndu'ni cha' masi nchca tsa chcui' na lcaa lo cha'cña ji'i̱ ñati̱ chalyuu, masi cha'cña ji'i̱ xca̱ nu ntucua ca slo ycui' Ndyosi nde cua̱ chcui' na; si ná ntsu'u tyiquee na ña'a̱ na ji'i̱ xa' la ñati̱, ná sca cha' tso'o ntsu'u tyiquee na li'. Laca na ñi'ya̱ nti' sca sniquiji̱ nu ntyiji'i̱ na ji'i̱ jua'a̱ ti, jua'a̱ laca na ñi'ya̱ laca sca cui'chcua̱ nu lye tsa nclyatu'u na ji'i̱; ná ntsu'u cha' taquiya' ngu' ji'na li'.
La cui' ti ná sca na laca na masi tacha na lcaa cha' tso'o nu ntsu'u ji'na ji'i̱ ñati̱, si ná ntsu'u tyiquee na ña'a̱ na ji'i̱ ngu' bi' li'. Ná ndu'ni cha' masi cua'ni lya' ti' ngu' ji'na, masi su'ba ngu' ji'na lo quii' cha' cajaa na xqui'ya cha' ngusñi na cha' ji'i̱ Jesús, si la cui' tyempo bi' ná ntsu'u tyiquee na ña'a̱ na ji'i̱ tya'a ñati̱ na, ná sca cha' laca na. Si'i na tso'o la na si ná ndu'ni na jua'a̱.
Nde loo la ná ntsu'u cha' tye cha' ntsu'u tyiquee na ña'a̱ na ji'i̱ ñati̱. Nde loo la tyalaa tyempo nu lo'o nga'aa ndu'ni cha' tya chcui' la ycui' Ndyosi lo'o na nde chalyuu, nga'aa ndu'ni cha' chcui' la na cha'cña ji'i̱ xa' ñati̱, ni nga'aa ndu'ni cha' caca cuayá' ti' na lcaa cha' ji'i̱ ycui' Ndyosi ca lo'o caca tyempo bi'; pana ná tye chca cha' ntsu'u tyiquee na ña'a̱ na ji'i̱ ñati̱.
Tso'o tsa cuentya ji'i̱ ycui' ca ngu' nu nchca nchcui' cha'cña ji'i̱ xa' ñati̱, cha' ndyatí̱ la ti' tyiquee ycui' ca ngu' ji'i̱ ycui' Ndyosi; pana tso'o la ndu'ni ñati̱ nu ndacha' liñi sca cha' nu cua nda ycui' Ndyosi lo'o ñati̱ bi' ji'i̱ tya'a ngu', cha' ndu'ni ngu' cha' tyatí̱ la ti' tyiquee lcaa ngu' tya'a ndu'ni tlyu ma̱ ji'i̱ ycui' Ndyosi.
Tso'o lacua. Ta na cha' lo'o tya'a na si tso'o cuentya ji'i̱ ycui' Ndyosi cha' cacu na msta̱ nu cua ngusta ngu' slo jo'ó tya clyo. Cua jlo ti' na ñi'ya̱ nu laca sca lcui̱ jo'ó, lcui̱ ti laca bi'. Ná tyaca̱' ña'a̱ na sca na nu lu'ú, ñi'ya̱ nu ña'a̱ lcui̱ jo'ó bi'. Sca ti ycui' Ndyosi Sti na ntsu'u chalyuu.
Cu'ma̱ ngua'ni ma̱ lo'o na' cha' nchcui' na' cha' tonto re, pana cu'ma̱ laca nu nga'a̱ cha' chcui' tso'o ma̱ 'na nquicha'. Masi ná sca cha' ndyaca 'na tsiya' ti, si'i na xti la cña nchca 'na lo'o quiña'a̱ la cña nchca ji'i̱ nu ngu' cuiñi bi', masi tyaca'a tsa ndyu'ni ma̱ ji'i̱ ngu'; si'i jua'a̱ ndyu'u cha'.
Xa' ña'a̱ cña ndu'ni Xtyi'i ycui' Ndyosi ne' cresiya ji'na: ndu'ni Ni cha' tyu'u tyiquee na ña'a̱ na ji'i̱ tya'a ñati̱ na; jua'a̱ ndu'ni Ni cha' chaa ti' na cuentya ji'i̱ Ni, cha' ti̱ ti tyi'i̱ tyiquee na, cha' talo tyiquee na ji'i̱ tya'a ñati̱ na; jua'a̱ ndu'ni Ni cha' ca tya'na ti' na ña'a̱ na ji'i̱ ñati̱, cha' xcui' tso'o ti cua'ni na lo'o ñati̱, cha' liñi ti cua'ni na lo'o ñati̱;
La cui' jua'a̱ tso'o si chcui' ma̱ lo'o ycui' Ndyosi Sti na cuentya jna', cha' tya ta la Ni cha' nu chcui' na' lo'o ñati̱, cha' caca tlyu la tyiquee na' chcui' na' lo'o ñati̱ ña'a̱ cuayá' nu ca cuayá' ti' ngu' cha' taca cua'ni lyaá Cristo ji'i̱ ngu' ya' nu cuxi; sca cha' nu bilya cuna ngu' laca bi'.
Chañi cha' tlyu tsa cha' tso'o ji'i̱ Jesucristo nu ngusñi na. Ndi'ya̱ nchcui' cha' bi': Nu ngua sa'ni la ni, ni sca ñati̱ ná ngua cuayá' ti' ñi'ya̱ cua'ni lyaá ycui' Ndyosi ji'i̱ ngu'; pana nu juani jlo ti' na, xqui'ya cha' ngula Jesucristo chalyuu, cha' ngua ycui' Ni sca ñati̱. Lo'o jua'a̱ nchcui' Xtyi'i ycui' Ni cha' ji'i̱ yu, cha' sca ñati̱ nu lubii tsa laca yu; cua na'a̱ xca̱ ji'i̱ ycui' Ndyosi ji'i̱ Jesús, nu ñati̱ lubii bi'. Li' nclyu'u ngu' cha' ji'i̱ Jesucristo bi' ji'i̱ ñati̱ ca quiña'a̱ tsa quichi̱ tyucui ña'a̱ chalyuu; ngusñi ñati̱ lcaa quichi̱ cha' nu nchcui' ngu' ji'i̱ Ni li'. Cua ndyaa Jesús ca slo ycui' Ndyosi Sti na nde cua̱, lo'o juani tlyu tsa laca Jesús cajua.
ကြော်ငြာတွေ