1 CORINTIOS 13:12 - Chatino Tataltepec

¹² Jua'a̱ laca cha' ji'na su ndi'i̱ na chalyuu; juani nguxa' ti ndyiji sca cha' ji'i̱ ycui' Ndyosi ji'na, si'i tsa liñi ti nduna na cha' bi'. Ñi'ya̱ nti' si ña'a̱ na ji'i̱ ycui' ca na lo sca cuanaa, tsa lyiji ti ña'a̱ na ji'na; pana nde loo la, li' caca cuayá' tso'o ti' na lcaa cha' bi'. Cua laca ti cha' jlo ti' na juani, pana nde loo la ta na cuentya ji'i̱ lcaa lo cha'; li' tyuloo na ji'i̱ ycui' Ndyosi ñi'ya̱ ndyuloo Ni ji'na.

1 CORINTIOS 13:12 ပူးပေါင်းရင်းမြစ်များ

SAN MATEO 18:10

’Ná tso'o si ná taquiya' ma̱ ji'i̱ sca ñati̱ 'na, masi ji'i̱ sca nu piti. Cha' liñi nchcui' na' lo'o ma̱, cha' ntsu'u xca̱ ca su ntucua ycui' Ni cuentya ji'i̱ lcaa ngu' sube bi'; lcaa hora ntsu'u chacuayá' chcui' xca̱ bi' lo'o ycui' Ndyosi Sti na' cuentya ji'i̱ nu ngu' sube ji'i̱.

SAN MATEO 5:8

’Lo'o jua'a̱ tso'o ntsu'u tyiquee ñati̱ nu lubii cresiya ji'i̱, cha' ji'i̱ ñati̱ bi' cua nda ycui' Ni chacuayá' cha' ña'a̱ ji'i̱ ycui' ca Ni nde loo la.

SAN JUAN 10:15

Ñi'ya̱ nslo Sti na' jna', jua'a̱ nslo na' ji'i̱ Sti na'; ñi'ya̱ ntsu'u cha' ji'i̱ Sti na' lo'o na', jua'a̱ ntsu'u cha' jna' lo'o ñati̱ jna'. Ycui' ca na' tyaja'a̱ na' caja̱a̱ cha' ná tye cresiya ji'i̱ ñati̱ 'na ―nacui̱ Jesús ji'i̱ ngu'―.

ROMANOS 8:18

Ntsu'u quiya' ndyiji xi cha' ti'í ji'na laja lo'o ndi'i̱ ti na nde chalyuu; pana xca ti cha' laca cha' bi', ná stu'ba laca cha' ti'í bi' lo'o cha' tso'o nu caja ji'na ca nde loo la, nti' na'. Lo'o jua'a̱ tya lyiji culu'u Ni lcaa cha' ji'na, ñi'ya̱ caca cha' tso'o bi' nde loo la.

1 CORINTIOS 13:11

Lo'o tya sube na ni, xcui' cña nu ndu'ni nu sube ngua'ni na; ñi'ya̱ nu nclacua ti' sca nu sube, jua'a̱ nchcui' na li', jua'a̱ ngua'ya cha' hique na, jua'a̱ ngulacua ti' na. Pana lo'o nguluu na, li' nga'aa nclacua ti' na ñi'ya̱ nu nclacua ti' nu sube.

1 CORINTIOS 8:3

Pana si tso'o ntsu'u tyiquee na ña'a̱ na ji'i̱ ycui' Ndyosi, tyuloo Ni ji'na li', tyu'u cha' ji'i̱ Ni lo'o na li'.

2 CORINTIOS 3:18

Jua'a̱ laca cha' ji'na, lcaa na lo'o tya'a na nu ntsu'u cha' ji'na lo'o Jesús, tyaca̱' tyijyu' cha' cua nda nu Xu'na na xee nu tyu'u loo na. Pana ná nga'a̱ cha' tyacu̱' sca late' loo na, cha' la cui' cha' tlyu bi' laca nu ña'a̱ ti tya lye la ndyu'ni cña lo'o na cha' cha'a̱ tyucui ña'a̱ na, cha' caca na ñi'ya̱ laca ycui' Ndyosi nu Xu'na na tsiya' ti. Ca slo ycui' nu Xu'na na nu laca Xtyi'i bi', ca bi' ndyu'u nu cha' tlyu bi'.

2 CORINTIOS 5:7

Ndalo na ndi'i̱ na chalyuu xqui'ya cha' jlya ti' na cha' nu nda Ni lo'o na, si'i na cua na'a̱ na ñi'ya̱ caca cha' nde loo la.

FILIPENSES 3:12

Ná nacui̱ na' cha' cua ndye ngua tso'o cresiya jna' cuentya ji'i̱ ycui' Ndyosi sca ti quiya', lo'o juani nga'aa ntsu'u qui'ya 'na; ná ni na' jua'a̱. Na cua laca nacui̱ Jesucristo cha' laca na' ñati̱ ji'i̱ ycui' Ni, bi' cha' lye tsa ndyu'ni cña ti' na' cha' ca tso'o lyiji cresiya 'na.

SANTIAGO 1:23

Cua ña'a̱ ca ñati̱ nu nti' cuna ti cha' nu nda Ni lo'o na, lo'o li' ná ntaja'a̱ cua'ni cha' bi', laca ñati̱ bi' ñi'ya̱ laca ñati̱ nu ña'a̱ cui'ya xi ji'i̱ ycui' ca lo sca cuanaa;

1 JUAN 3:2

Cu'ma̱ ngu' tya'a na nu tyaca'a tsa ma̱ 'na, nu juani ti laca na sñi' ycui' Ndyosi; pana bilya caja cha' ji'na ñi'ya̱ nu tso'o la ña'a̱ na, nu lo'o tyi'i̱ na lo'o ycui' Ni nde loo la. Ñi'ya̱ laca ycui' Jesucristo, jua'a̱ caca na lo'o culu'u loo Jesucristo ji'na lo'o cua ndye chalyuu re; li' taca ña'a̱ na ji'i̱ Jesucristo ñi'ya̱ nu laca ycui'. Tsa bi' ti cha' nchca cuayá' ti' na juani.

APOCALIPSIS 22:4

Tyuloo tso'o ngu' ji'i̱ ycui' Ndyosi li', cha' ca bi' tyalaa lcaa ngu' nu nscua xtañi Ni nde tyaca̱a̱ ngu'.