1 CORINTIOS 13:1 - Chatino Tataltepec

¹ Ná ndu'ni cha' masi nchca tsa chcui' na lcaa lo cha'cña ji'i̱ ñati̱ chalyuu, masi cha'cña ji'i̱ xca̱ nu ntucua ca slo ycui' Ndyosi nde cua̱ chcui' na; si ná ntsu'u tyiquee na ña'a̱ na ji'i̱ xa' la ñati̱, ná sca cha' tso'o ntsu'u tyiquee na li'. Laca na ñi'ya̱ nti' sca sniquiji̱ nu ntyiji'i̱ na ji'i̱ jua'a̱ ti, jua'a̱ laca na ñi'ya̱ laca sca cui'chcua̱ nu lye tsa nclyatu'u na ji'i̱; ná ntsu'u cha' taquiya' ngu' ji'na li'.

1 CORINTIOS 13:1 ပူးပေါင်းရင်းမြစ်များ

SAN MATEO 25:45

Lo'o na' cha' laca na' loo, li' chcui' na' chaca quiya' lo'o ngu' cuxi bi': “Cha' liñi nchcui' na' lo'o ma̱ juani, cha' ná nguxtyucua ma̱ ji'i̱ ni sca ngu' ti'i nu ntsu'u cha' ji'i̱ lo'o na', bi' cha' nacui̱ na' cha' ná nguxtyucua ma̱ 'na tsiya' ti”.

SAN MARCOS 16:17

Ñati̱ nu xñi cha' 'na ni, cua'ni ngu' bi' cha' tonu chacuayá' jna', cha' cube tsa ti' xa' ñati̱: culo ngu' bi' ji'i̱ cui'i̱ cuxi nu ngusñi ji'i̱ ñati̱; caja ñi'ya̱ nu chcui' ngu' bi' cha'cña ji'i̱ xa' ñati̱ chacuayá' jna';

ROMANOS 14:15

Lo'o ngu' tya'a ntsu'u cha' ji'i̱ ma̱ lo'o Jesús ni, si ña'a̱ ngu' cha' ndyacu ma̱ sca na nu ná ntsu'u chacuayá' cacu ycui' ngu', nti' ngu', chiya'a̱ culacua ti' ngu' bi' li'; ñi'ya̱ laca si ná tso'o ntsu'u tyiquee ma̱ ña'a̱ ma̱ ji'i̱ ngu', bi' cha' ndyacu ma̱ na bi' culacua ti' ngu'. Ná tso'o jua'a̱. Ná ntsu'u chacuayá' ji'i̱ ma̱ cacu ma̱ na laca nu nti' ti ma̱, si jua'a̱ cua'ni ma̱ cha' xtyanu ngu' tya'a ma̱ cha' ji'i̱ Cristo xqui'ya cha' ndyacu ma̱ na bi'. Lo'o ngu' bi', laca ngu' cuentya ji'i̱ ycui' Ndyosi; xqui'ya ngu' bi', bi' cha' ngujuii Cristo.

1 CORINTIOS 12:10

lo'o jua'a̱ ntsu'u ngu' nu nchca ji'i̱ ndu'ni xa' la cha' tlyu chacuayá' ji'i̱ ycui' Ndyosi, cña nu ná nchca cua'ni ñati̱ nquicha'; cuati ntsu'u xa' la ngu' nu nchca ji'i̱ ndacha' ji'i̱ ñati̱ sca cha' nu nda ycui' Ndyosi lo'o ngu' bi'; cuati jua'a̱ ntsu'u ngu' nu nchca tii ni cña ndu'ni sa scaa ngu', si cuentya ji'i̱ Xtyi'i ycui' Ndyosi ndu'ni ngu' cña, si si'i cuentya ji'i̱ ycui' Ndyosi ndu'ni ngu' cña; lo'o jua'a̱ ntsu'u ngu' nu nchca ji'i̱ nchcui' cha'cña ji'i̱ xa' la ñati̱; jua'a̱ tya ntsu'u xa' la ngu' nu nchca ji'i̱ xtyacui cha' bi', cha' caca cuayá' ti' lcaa ñati̱ ni cha' nda ngu' bi' li'.

1 CORINTIOS 12:16

Lo'o li' si ndi'ya̱ ñacui̱ jyaca̱ na ji'na: “Si'i cloo nu'u̱ laca na', bi' cha' ná ntsu'u cha' jna' lo'o nu'u̱”, ñacui̱ bi'. ¿Ñi'ya̱ ñacui̱ ta na? Pana ná nchca xuu bi', na ca ña'a̱ ngalya bi' ji'i̱ tyucui ña'a̱ na.

1 CORINTIOS 12:8

Ndi'ya̱ laca cña nu taca cua'ni na xqui'ya Xtyi'i ycui' Ndyosi: ntsu'u ngu' nu ndacha' liñi ñi'ya̱ nu ngua ji'i̱ Jesús; lo'o jua'a̱ ntsu'u ngu' nu tso'o tsa nclyu'u tyucui̱i̱ cha' xñi na cha' ji'i̱ ycui' Ndyosi;

1 CORINTIOS 13:8

Nde loo la ná ntsu'u cha' tye cha' ntsu'u tyiquee na ña'a̱ na ji'i̱ ñati̱. Nde loo la tyalaa tyempo nu lo'o nga'aa ndu'ni cha' tya chcui' la ycui' Ndyosi lo'o na nde chalyuu, nga'aa ndu'ni cha' chcui' la na cha'cña ji'i̱ xa' ñati̱, ni nga'aa ndu'ni cha' caca cuayá' ti' na lcaa cha' ji'i̱ ycui' Ndyosi ca lo'o caca tyempo bi'; pana ná tye chca cha' ntsu'u tyiquee na ña'a̱ na ji'i̱ ñati̱.

1 CORINTIOS 14:2

Sca ñati̱ nu nchcui' cha'cña ji'i̱ xa' ñati̱ laja lo'o ndyu'u ti'i̱ ti ma̱ ni, si'i lo'o cu'ma̱ nchcui' yu, cha' ná nchca cuayá' ti' ma̱ ni cha' nda yu; sca ti lo'o ycui' Ndyosi nchcui' yu bi', cha' Xtyi'i ycui' Ndyosi ndu'ni cha' ta yu sca cha' nu ná nga'a̱ cha' cuna ngu' tya'a ma̱.

1 CORINTIOS 14:4

Tso'o tsa cuentya ji'i̱ ycui' ca ngu' nu nchca nchcui' cha'cña ji'i̱ xa' ñati̱, cha' ndyatí̱ la ti' tyiquee ycui' ca ngu' ji'i̱ ycui' Ndyosi; pana tso'o la ndu'ni ñati̱ nu ndacha' liñi sca cha' nu cua nda ycui' Ndyosi lo'o ñati̱ bi' ji'i̱ tya'a ngu', cha' ndu'ni ngu' cha' tyatí̱ la ti' tyiquee lcaa ngu' tya'a ndu'ni tlyu ma̱ ji'i̱ ycui' Ndyosi.

1 CORINTIOS 14:5

Jua'a̱ na', tso'o nti' na' si lcaa cu'ma̱ caca chcui' ma̱ cha'cña ji'i̱ xa' ñati̱; pana cña nu ndulo la cha' ji'i̱ ma̱ laca si ta ma̱ cha' lo'o tya'a ma̱, la cui' cha' nu cua nti' ycui' Ndyosi chcui' Ni lo'o ma̱. Tso'o la si jua'a̱ taca ta ma̱ cha' lo'o tya'a ma̱; ná ntsu'u cha' chcui' ma̱ cha'cña ji'i̱ xa' ñati̱ li', sca ti ca si ntsu'u chaca ngu' nu taca ji'i̱ xtyacui cha' bi' cha' caca cuayá' ti' tya'a ndyu'u ti'i̱ ma̱. Li' tso'o la tyatí̱ ti' tyiquee ngu' tya'a ma̱.

1 CORINTIOS 8:1

Nde scua na' chaca cha' nu tsaa slo ma̱, cha' ca cuayá' ti' ma̱ ni cha' ndyu'ni ma̱ lo'o ndacu ma̱ msta̱ nu cua ngusta ngu' slo jo'ó tya clyo. Ntsu'u cu'ma̱ nu ñacui̱ ma̱: “Cua jlo ti' ya, cua nda ya cuentya cha' ná ntsu'u cha' tacati ji'i̱ jo'ó jua; taca cacu ya msta̱ bi'”, ñacui̱ ma̱. Chañi tsa cha' bi'. Pana tyixi cua'ni na lo'o tya'a ñati̱ na nu lo'o chcui' na jua'a̱. Sca ti si ntsu'u tyiquee na ña'a̱ na ji'i̱ tya'a ñati̱ na, si cube ti' na ji'i̱ ngu' bi', ca li' taca xtyucua na ji'i̱ ngu'.

2 CORINTIOS 12:4

Ca bi' cua ndyuna na' quiña'a̱ tsa cha'; cua ntsu'u tsa cha' nu ná nchca chcui' na' ji'i̱, jua'a̱ ná caja ñi'ya̱ chcui' ñati̱ chalyuu ji'i̱ cha' bi' tsiya' ti.

GÁLATAS 5:22

Xa' ña'a̱ cña ndu'ni Xtyi'i ycui' Ndyosi ne' cresiya ji'na: ndu'ni Ni cha' tyu'u tyiquee na ña'a̱ na ji'i̱ tya'a ñati̱ na; jua'a̱ ndu'ni Ni cha' chaa ti' na cuentya ji'i̱ Ni, cha' ti̱ ti tyi'i̱ tyiquee na, cha' talo tyiquee na ji'i̱ tya'a ñati̱ na; jua'a̱ ndu'ni Ni cha' ca tya'na ti' na ña'a̱ na ji'i̱ ñati̱, cha' xcui' tso'o ti cua'ni na lo'o ñati̱, cha' liñi ti cua'ni na lo'o ñati̱;

GÁLATAS 5:6

Lo'o jua'a̱ si chañi cha' stu'ba ntsu'u cha' ji'na lo'o Jesucristo, li' ná ndu'ni cha' masi ngulacua̱ na, masi ná ngulacua̱ na. Sca ti cha' ndulo tsa ji'na cha' cua'ni na, cha' xñi tso'o la na cha' ji'i̱ ycui' Ni; lo'o li' caca cua'ni na cha' tso'o ti tyu'u tyiquee na ña'a̱ na ji'i̱ tya'a ñati̱ na.

1 TIMOTEO 1:5

Culo nu'u̱ cña ji'i̱ ngu' cha' tso'o tsa tyu'u tyiquee ngu' ña'a̱ ngu' ji'i̱ tya'a ngu', cha' bi' laca cña nu ndu'ni ñati̱ nu ngua lubii cresiya ji'i̱ cuentya ji'i̱ ycui' Ndyosi; jlo ti' ñati̱ bi' ñi'ya̱ laca cña tso'o, lo'o jua'a̱ ndyu'ni ngu' bi' cña tso'o bi' li'. Chañi cha' ngusñi ngu' bi' cha' ji'i̱ ycui' Ndyosi si ntsu'u tyiquee ngu' ña'a̱ ngu' ji'i̱ tya'a ngu'.

1 PEDRO 4:8

Nu cha' nu ndulo tsa cha' cua'ni ma̱ ni, bi' laca cha' xcui' tso'o caca tyiquee ma̱ ña'a̱ ma̱ ji'i̱ tya'a ñati̱ ma̱. Lo'o si jua'a̱ nti' na ña'a̱ na ji'i̱ tya'a na, ndyu'ni clyu ti' na ji'i̱ qui'ya nu ntsu'u ji'i̱ tya'a na li'.

2 PEDRO 2:18

Jlo tsa ti' nu ngu' cuiñi bi' ñi'ya̱ chcui' ngu' sca cha' tso'o, pana tucua lo cha' ntsu'u tyiquee ngu' bi'; na cñilo'o ngu' bi' ji'i̱ ngu' nu ngusñi ca ti cha' tso'o ji'i̱ Jesucristo, cha' lo'o ngu' cua'ni suba' ngu' chaca quiya' nti' nu ngu' cuiñi bi'. Ñi'ya̱ ngua'ni ngu' cha' cuxi tya tsubi' la, nu lo'o bilya cuna ngu' cha' tso'o ji'i̱ ycui' Ndyosi, jua'a̱ nti' ngu' cuiñi bi' cha' cua'ni ngu' chaca quiya'.

APOCALIPSIS 14:2

Cui̱i̱ nguañi nde su ntucua ycui' Ndyosi li'; ñi'ya̱ ndañi ndyalú hitya sca sta'a̱ clyaa to' quee jaa' su cua̱ tsa ndyalú hitya, ñi'ya̱ ndañi lo'o lye tsa nchcui' tyi'yu, jua'a̱ nguañi bi', ngua ti' na'. Ndacua ndu̱ tyu̱u̱ tya'a ñati̱ nu tso'o tsa ntyiji'i̱ ya' ngu' lo sañi, ngua ti' na';