Li' nguxacui̱ Jesús cha' ji'i̱ ngu' bi': ―Cua nda ycui' Ndyosi chacuayá' cha' ca cuayá' ti' ma̱ sca cha' nu ntsu'u cuaana ti ji'i̱ jyo'o cusu', ñi'ya̱ caca lo'o caca ycui' Ni loo ne' cresiya ji'i̱ ñati̱. Xa' ñati̱ nu ná ngusñi cha' ji'i̱ ycui' Ndyosi ni, ná ta ngu' cuentya lo'o cuna ngu' sca cui̱i̱ nu nchcui' na'; tucui tsa cha' bi' nti' ngu'.
1 CORINTIOS 12:8 - Chatino Tataltepec8 Ndi'ya̱ laca cña nu taca cua'ni na xqui'ya Xtyi'i ycui' Ndyosi: ntsu'u ngu' nu ndacha' liñi ñi'ya̱ nu ngua ji'i̱ Jesús; lo'o jua'a̱ ntsu'u ngu' nu tso'o tsa nclyu'u tyucui̱i̱ cha' xñi na cha' ji'i̱ ycui' Ndyosi; အခန်းကိုကြည့်ပါ။ |
1 CORINTIOS 12:8
30 ပူးပေါင်းရင်းမြစ်များ
Cu'ma̱ ngu' tya'a na, tso'o la si subi ma̱ tya chcati tya'a ngu' tya'a ma̱ nu caca cña bi', cha' stu'ba ti xtyucua ngu' ji'i̱ lcaa ngu' ti'i tya'a na. Nga'a̱ cha' caca ngu' bi' ñati̱ nu tso'o tsaa nchcui' ngu' ji'i̱, ñati̱ nu nclyacua tso'o ti', ñati̱ nu ntsu'u Xtyi'i ycui' Ndyosi ne' cresiya ji'i̱ cha' ta la juersa ji'i̱, cha' taca cña'a̱si̱i̱ tso'o ngu' lcaa na nu ntsu'u ji'na. Tso'o si jua'a̱ laca ñati̱ nu cua'a̱ lo ma̱ cña ji'i̱ cha' caca ngu' cña bi'.
Ndi'ya̱ laca cha': cua nacui̱ ycui' Ndyosi cha' caca stu'ba cha' ji'na lo'o Jesucristo, lo'o jua'a̱ cua nda Ni ji'i̱ Jesucristo ji'na. Masi ná nchca ji'na, pana nu Jesucristo ni, lcaa cha' nchca ji'i̱ ycui'. Xqui'ya nu Jesús bi' nchca tso'o cresiya ji'na ñati̱ cuxi na cuentya ji'i̱ ycui' Ndyosi; xqui'ya Jesús taca caca na ñati̱ ji'i̱ ycui' Ndyosi, cha' Jesús laca nu ngua'ni lyaá ji'na ji'i̱ nu cuxi.
Ná ndu'ni cha' masi cacha' na lcaa cha' nu nda ycui' Ndyosi lo'o ñati̱, si ná ntsu'u tyiquee na ña'a̱ na ji'i̱ ngu'. Ná ndu'ni cha' masi jlo ti' na lcaa cha' ji'i̱ ycui' Ndyosi, masi tso'o tsa nchca cuayá' ti' na sca cha' nu ná ngujui ñi'ya̱ nu caca cuayá' ti' ñati̱ nu ngua sa'ni la; ná sca na laca na cuentya ji'i̱ ycui' Ndyosi si ná ntsu'u tyiquee na ña'a̱ na ji'i̱ ñati̱. La cui' ti masi jlya tsa ti' na ji'i̱ ycui' Ndyosi ñi'ya̱ nti' si caca cuityi̱ na ji'i̱ sca ca'ya cua̱, pana si ná ntsu'u tyiquee na ña'a̱ na ji'i̱ ñati̱, ná sca na laca na li'.
Nde loo la ná ntsu'u cha' tye cha' ntsu'u tyiquee na ña'a̱ na ji'i̱ ñati̱. Nde loo la tyalaa tyempo nu lo'o nga'aa ndu'ni cha' tya chcui' la ycui' Ndyosi lo'o na nde chalyuu, nga'aa ndu'ni cha' chcui' la na cha'cña ji'i̱ xa' ñati̱, ni nga'aa ndu'ni cha' caca cuayá' ti' na lcaa cha' ji'i̱ ycui' Ndyosi ca lo'o caca tyempo bi'; pana ná tye chca cha' ntsu'u tyiquee na ña'a̱ na ji'i̱ ñati̱.
Cu'ma̱ tya'a ngusñi na cha' ji'i̱ Jesús, ndi'ya̱ cua'ni ma̱ nu lo'o tyu'u ti'i̱ ma̱ lo'o tya'a ma̱: Tyatu̱ tsaca ma̱ cha' cacha' ni ji̱i̱ caca nu cula tu'ba ma̱ cuentya ji'i̱ ycui' Ndyosi; cuati tyatu̱ chaca nu culu'u cha' ji'i̱ ycui' Ni ji'i̱ tya'a ma̱; lo'o li' chcui' tsaca ngu' sca cha' nu nti' Ni ta Ni lo'o ma̱; lo'o jua'a̱ taca ta ma̱ xi cha' lo'o cha'cña ji'i̱ xa' ñati̱, si lo'o nchca ji'i̱ ma̱ xtyacui ma̱ cha' bi', cha' caca cuayá' ti' lcaa ñati̱ nu nga'a̱ ca ndacua. Lcaa ña'a̱ nu cua'ni ma̱ ntsu'u cha' tyatí̱ la ti' tyiquee lcaa ñati̱ tya'a ndyu'u ti'i̱ ma̱.
Lo'o tyalaa na' su ndi'i̱ ma̱, si'i na xtyucua na' ji'i̱ ma̱ si xcui' cha'cña ji'i̱ xa' ñati̱ chcui' na' lo'o ma̱; taca xtyucua na' ji'i̱ ma̱ sca ti si caja sca cha' 'na, sca cha' nu cua nti' ycui' Ndyosi ta Ni lo'o ma̱. Sca ti si culu'u liñi na' ji'i̱ ma̱ cha' ca tsa'a̱ tso'o la ma̱ cha' ji'i̱ Ni, jua'a̱ taca xtyucua na' ji'i̱ ma̱ li'.
Tso'o tsa nti' ya cha' xcui' ngua'ni tyucui tyiquee ya lo'o ma̱, xcui' nda ya cha' liñi lo'o ma̱, ñi'ya̱ nu ngua'ni ya lo'o xa' ñati̱; jua'a̱ nti' ya. Ngua ji'i̱ ya cua'ni ya jua'a̱ lo'o ma̱ xqui'ya cha' lye tsa ngua'ni tya'na ti' ycui' Ndyosi ji'na laja ti; si'i cha' nda'ya cha' hique ti ya, bi' cha' ndu'ni ya jua'a̱.
Ndya tsa na' xlya'be ji'i̱ ycui' Ndyosi cha' stu'ba cha' ji'na lo'o Cristo. Laca cha' ñi'ya̱ si ndya'a̱ lo'o ycui' Ndyosi ji'na ndya'a̱ qui'i ti na calle, cha' ndyu'ni chi̱ Ni loo Jesucristo cha' cua ntiji̱loo yu ji'i̱ nu cuxi. Jua'a̱ ji'na ta Ni su tya'a̱ na laja ñati̱ bi', cha' lo'o na nsañi na cha' ji'i̱ ycui' Cristo ca slo lcaa ñati̱; ndacha' na cha' ji'i̱ ycui' Ndyosi ca slo ñati̱, masi nchcui' na lo'o ñati̱ nu nti' clyaá ji'i̱ nu cuxi, masi nchcui' na lo'o xa' ñati̱ nu ná nti' cuna cha' tso'o bi'. Pana ñi'ya̱ laca sca na tyixi xtyi'i nu nda xtyi'i ntyucua lcaa se'i̱, jua'a̱ laca cña nu ndu'ni na cuentya ji'i̱ ycui' Ndyosi. Ndiya tsa ti' ycui' Ndyosi ji'i̱, la cui' jua'a̱ ndiya ti' Ni cña nu ndyu'ni Cristo nde chalyuu xqui'ya na.
La cui' ycui' Ndyosi laca nu nda xee lubii ji'i̱ Ni cha' tyanu ne' cresiya ji'na; bi' cha' caca cuayá' ti' na lcaa cha' tlyu nu tso'o tsa nu ntsu'u ji'i̱ ycui' Ndyosi, la cui' ti cha' nu nchca tii na cha' ndyu'ni Ni cña ne' cresiya ji'na nu lo'o xñi na cha' ji'i̱ Cristo. Ycui' Ni ngulo Ni cña cha' tyucua xee ca su ngua chalyuu talya nu ngua tya sa'ni la.
Pana ndi'ya̱ ca cuayá' ti' ngu' cha' cña ji'i̱ ycui' Ndyosi laca nu ndya'a̱ ya lo'o: na cua ngua lubii cresiya ji'i̱ ya cuentya ji'i̱ ycui' Ni; liñi tsa nchca cuayá' ti' ya cha' ji'i̱ Ni; ndalo tsa tyiquee ya ña'a̱ ya ji'i̱ ngu', cha' ndyanu Xtyi'i ycui' Ndyosi ne' cresiya ji'i̱ ya, lo'o jua'a̱ chañi cha' ntsu'u tsa tyiquee ya ña'a̱ ya ji'i̱ tya'a ñati̱ ya;
Nu cu'ma̱ ni, tso'o tsa jlya ti' ma̱ ji'i̱ ycui' Ndyosi, tso'o tsa nchca ji'i̱ ma̱ culu'u ma̱ cha' ji'i̱ ycui' Ndyosi ji'i̱ xa' ñati̱, tso'o tsa nchca cuayá' ti' ma̱ ñi'ya̱ ndyu'u sca cha'; na cua nti' tsa ma̱ xtyucua ma̱ ji'i̱ ngu', la cui' jua'a̱ ntsu'u tsa tyiquee ma̱ ña'a̱ ma̱ ji'i̱ ya. Nchca tsa ji'i̱ ma̱ cuentya ji'i̱ lcaa cña, nti' ya; bi' cha' nclyacua ti' ya cha' ná tyiquee' yala tsa cua'ni ma̱ cha' xti'i̱ ma̱ cñi bi'.
ကြော်ငြာတွေ