1 CORINTIOS 12:11 - Chatino Tataltepec

¹¹ Sca ti Xtyi'i ycui' Ndyosi ndu'ni cha' nchca ji'i̱ ñati̱ cua'ni lcaa cña bi'; bi' laca nu nda sca lo cña cua'ni sa scaa na, ñi'ya̱ nu ntsu'u tyiquee Ni cha' caca ji'na.

1 CORINTIOS 12:11 ပူးပေါင်းရင်းမြစ်များ

SAN MATEO 11:26

Chañi cha' jua'a̱ nti' ycui' nu'u̱, cha' caca cuayá' ti' ngu' nu ná jlo ti' tsiya' ti.

SAN MATEO 20:15

Ntsu'u chacuayá' jna' cua'ni na' ñi'ya̱ nu nti' ti na' cua'ni na' lo'o cñi 'na. ¿Ha si'i jua'a̱? ¿Ni cha' laca liye' ti' ma̱ ña'a̱ ma̱ 'na, cha' tso'o ti xcaya' nda na' ji'i̱ lcaa msu 'na?”, nacui̱ xu'na msu bi'.

SAN JUAN 3:27

Li' nguxacui̱ Juan cha' ji'i̱ ngu' bi': ―Tsa lo cua ti cña nchca ji'i̱ scaa na cua'ni na, tsa ña'a̱ nu nda ycui' Ndyosi chacuayá' cua'ni scaa na ―nacui̱―.

SAN JUAN 3:8

Cui'i̱ ni, nchca cui'i̱ macala su nti'; masi nduna na cha' ndañi nchca cui'i̱ li', pana ná nchca cuayá' ti' na macala ngutu'u, ma nde tsaa cui'i̱ bi' li' ―nacui̱ yu―. La cui' jua'a̱ laca lo'o Xtyi'i ycui' Ndyosi, ná nchca cuayá' ti' ngu' ñi'ya̱ nu ndu'ni Ni cha' caca cui cresiya ji'i̱ ngu' ―nacui̱ Jesús ji'i̱.

SAN JUAN 5:21

Xa' ta ycui' Ndyosi chalyuu ji'i̱ ngu' chaca quiya', ji'i̱ cua ña'a̱ ca ñati̱ nu nti' Ni cha' ta Ni chalyuu ji'i̱; lo'o jua'a̱ la cui' cña ndu'ni na' nu laca̱ Sñi' ycui' Ni, ta na' chaca chalyuu ji'i̱ lcua ti ñati̱ nu nti' na' cha' ta̱ ji'i̱ ―nacui̱ Jesús ji'i̱ ngu'―.

ROMANOS 12:6

Xi xa' la cña nchca cua'ni sa scaa na, ña'a̱ cña nu nda Ni chacuayá' cha' cua'ni scaa na, cha' tso'o tsa ntsu'u tyiquee Ni ña'a̱ Ni ji'na. Nu lo'o ntsu'u ngu' tya'a ma̱ nu nchca ji'i̱ ngu' chcui' ngu' sca cha' nu nti' ycui' Ndyosi ta Ni lo'o ma̱, bi' cña cua'ni ngu' lacua. La cui' ñi'ya̱ nduna ngu' bi' cha' nu nda ycui' Ndyosi, ñi'ya̱ ngusñi ngu' cha' bi', la cui' jua'a̱ ta ngu' cha' bi' lo'o ma̱.

ROMANOS 9:18

Ca cuayá' ti' na li', cha' tya'na ti' Ni ña'a̱ Ni ji'i̱ cua ña'a̱ ca ñati̱ nu nti' Ni cua'ni tya'na ti' Ni ji'i̱; jua'a̱ ndacu̱' Ni cha' ji'i̱ cua ña'a̱ ca ñati̱ nu nti' ti Ni tacu̱' Ni cha' ji'i̱, cha' nga'aa cuna ngu' cha' ji'i̱ Ni.

1 CORINTIOS 12:18

Na cua ngusta se'i̱ ti ycui' Ndyosi scaa tyijya̱ laja cuaña' na, cha' ñi'ya̱ nu ndiya ti' Ni, jua'a̱ ngüiñá Ni ji'na.

1 CORINTIOS 12:4

Tyu̱u̱ lo cha' nda ycui' Ndyosi ji'na cha' caca cua'ni na sca cña ji'i̱ Ni, pana sca ti Xtyi'i ycui' Ndyosi ndu'ni cha' taca cua'ni na cña bi'.

1 CORINTIOS 12:6

Masi ná stu'ba ndyu'ni lcaa na, pana sca ti ycui' Ndyosi ndu'ni cha' taca cua'ni na cña bi', ca ta'a na.

1 CORINTIOS 7:17

Nu lo'o tya lyiji cusubi ycui' Ndyosi ji'na, tya li' cua laca nda Ni ji'na ñi'ya̱ nu tyi'i̱ scaa na chalyuu. Ycui' Ndyosi laca nu nda chalyuu ji'na tya clyo, lo'o jua'a̱ ycui' Ni laca nu ngusubi ji'na cha' xñi na cha' ji'i̱ Ni juani. Tya la cui' chalyuu bi' laca nu ntsu'u ji'na juani, la cui' ña'a̱ chalyuu nu ngujui ji'na tya clyo; pana juani tyucui tyiquee na ndi'i̱ na chalyuu. La cui' ti cha' nchcui' na' lo'o ngu' lcua ti quichi̱ su ndi'i̱ ngu' nu ngusñi cha' ji'i̱ Cristo.

1 CORINTIOS 7:7

cha' cuentya jna' tso'o la si tyanu ngu' ycui' ti ngu' ñi'ya̱ nu ndi'i̱ na', jua'a̱ nti' na'. Pana xi xa' ca ña'a̱ ndu'ni ycui' Ndyosi lo'o scaa ñati̱, cha' cua nda ycui' Ndyosi chacuayá' ñi'ya̱ tyi'i̱ scaa na; tsaca lo ña'a̱ ndi'i̱ tsaca ñati̱, chaca lo ña'a̱ ndi'i̱ chaca ñati̱, tsa ña'a̱ chacuayá' nu nda Ni ji'na.

2 CORINTIOS 10:13

Pana nu cuare ni, ná nti' ya cha' chcui' tso'o ti ngu' ji'i̱ ya cuentya ji'i̱ sca cña nu cua ngua'ni xa' ñati̱; tso'o masi chcui' ngu' ji'i̱ cña nu ndyu'ni ycui' ca ya, cha' ycui' Ndyosi laca nu nda chacuayá' macala su nga'a̱ cha' cua'ni scaa ya cña. Lo'o jua'a̱ nda Ni chacuayá' cha' ndyalaa ya ca slo cu'ma̱, ngu' Corinto.

EFESIOS 1:11

Lcaa cha' nu ndyaca nde chalyuu, ndyaca bi' xqui'ya cha' nti' Ni cha' caca jua'a̱. Lo'o jua'a̱ na ni, tya clyo cua ngusubi Ni ji'na cha' caca na ñati̱ ji'i̱ Ni, cha' caca stu'ba cha' ji'na lo'o Cristo, xqui'ya cha' jua'a̱ nti' ycui' Ndyosi cha' caca.

EFESIOS 4:7

Pana cua nda Ni sca cña cha' cua'ni scaa na cuentya ji'i̱ Ni; tsa ña'a̱ juersa nu nda Cristo ji'i̱ scaa na, jua'a̱ taca cua'ni na cña bi'.

HEBREOS 2:4

Lo'o jua'a̱ ngua'ni ycui' Ndyosi cña cha' ca cuayá' ti' na cha' chañi tsa laca cha' nu nchcui' ngu', ngua'ni Ni quiña'a̱ tsa cha' tlyu slo na cha' ña'a̱ na ji'i̱. Tyu̱u̱ tsa cha' nu ná nchca cua'ni ñati̱ chalyuu ngua'ni Ni, cha' cube tsa ti' na ji'i̱ ycui' Ni lo'o ña'a̱ na cha' tlyu bi'. Lo'o li' cua nda Ni Xtyi'i ycui' Ni cha' tyanu ne' cresiya ji'i̱ ñati̱ chalyuu, tsa ña'a̱ nu ntsu'u tyiquee ycui' Ni nda Ni ji'i̱ ngu'; bi' cha' nchca ji'na cua'ni na tyu̱u̱ lo cña cuentya ji'i̱ ycui' Ndyosi, nu ná nchca ji'i̱ ñati̱ cua'ni ycui' ca ngu'.

SANTIAGO 1:18

Lcaa cha' nu liñi ca cuentya ji'i̱ ycui' Ndyosi, cua ngulu'u Ni cha' bi' ji'na cha' caca na ñati̱ ji'i̱ ycui' Ni, cha' jua'a̱ nti' Ni cha' caca; cua nti' Ni cha' caca na loo ji'i̱ lcaa ca lo na nu cua ngüiñá ycui' Ni, jua'a̱ nti' Ni.