1 CORINTIOS 11:23 - Chatino Tataltepec

²³ Ndi'ya̱ cha' nclyu'u na' ji'i̱ ma̱, la cui' cha' nu ndyuna na' lo'o nchcui' ñati̱ nu ngua tsa'a̱ ji'i̱ ycui' nu Xu'na na tya clyo: La cui' talya nu lo'o ndyujui' ngu' cresiya ji'i̱ Jesús, laja lo'o tya ndi'i̱ ñati̱ bi' lo'o Jesús, li' ndaya' Jesús ji'i̱ xlyá,

1 CORINTIOS 11:23 ပူးပေါင်းရင်းမြစ်များ

SAN MATEO 26:17

Lo'o ngua tsa̱ clyo ji'i̱ ta'a nu lo'o ndacu ngu' xlyá nu ná lo'o scua̱ tiye' ndya', li' ñaa nu ngu' nu ndyaca tsa'a̱ ji'i̱ slo Jesús. Ndi'ya̱ nchcuane ngu' ji'i̱ li': ―¿Macala nti' nu'u̱ cha' cua'ni cho'o ya cha' cacu na si̱i̱ nu cuentya ji'i̱ ta'a pascua? ―nacui̱ ngu'.

SAN MATEO 26:2

―Jlo ti' ma̱ cha' tucua ti tsa̱ lyiji cha' caca ta'a si̱i̱ ji'i̱ ta'a pascua, lo'o li' tejeya' ngu' xña'a̱ jna' nu cua nda Ni 'na lijya̱a̱ cha' caca na' ñati̱. Tyaa lo'o ngu' 'na cha' cujuii ngu' 'na lo crusi li'.

SAN MATEO 26:34

Li' nguxacui̱ Jesús cha' ji'i̱ Pedro bi': ―Cha' liñi cacha' na' jinu'u̱ juani ―nacui̱―, cha' nu lo'o bilya xi'ya ndye'e talya ndyi, sna quiya' chcui' nu'u̱ cha' ná nslo nu'u̱ 'na; jua'a̱ ñacui̱ nu'u̱ ji'i̱ ngu'.

SAN MATEO 28:20

Culu'u ma̱ ji'i̱ ngu' bi', cha' taquiya' ngu' lcaa cña nu cua ngulu'u na' ji'i̱ ma̱. Lo'o jua'a̱ tyi'u ti' ma̱ cha' nu nchcui' na' lo'o ma̱, cha' tyi'i̱ na' lo'o ma̱ lcaa tsa̱ hasta ña'a̱ cuayá' tye chalyuu. Tsa lo cua ti cha' nacui̱ Jesús.

SAN LUCAS 22:17

Li' ngusñi Jesús sca vaso vino, ndya xlya'be ji'i̱ ycui' Ndyosi li'. Ndi'ya̱ nacui̱ yu ji'i̱ nu ngu' nu ndyaca tsa'a̱ ji'i̱ bi' li': ―Co'o ma̱ vino nu ntsu'u ne' vaso re, lo'o jua'a̱ ta ma̱ vino re co'o ca ta'a tya'a ma̱ ―nacui̱ Jesús li'―.

LOS HECHOS 20:7

Lo'o ngua tsa̱ domingo, li' ndyu'u ti'i̱ ngu' nu ntsu'u cha' ji'i̱ lo'o Jesús cha' stu'ba ti cacu ngu' si̱i̱. Nclyu'u Pablo cha' ji'i̱ ycui' Ndyosi ji'i̱ ngu' li'; hasta ca cla'be talya nclyu'u yu ji'i̱ ngu', xqui'ya cha' chaca tsa̱ cua tyaa ti ya li'.

1 CORINTIOS 10:16

Lo'o ndyu'u ti'i̱ na stu'ba ti lo'o ngu' tya'a ngusñi na cha' ji'i̱ Jesús ndyi'yu na, lo'o jua'a̱ ndacu na li'; jua'a̱ ndu'ni na xqui'ya cha' ngulacua̱ Jesús ji'i̱ cha' bi' tya clyo. Bi' cha' clyo nda na tsa xlya'be ji'i̱ ycui' Ndyosi xqui'ya cña nu ngua'ni Jesús bi'. Lo'o ndyi'yu na vino bi', li' stu'ba ntsu'u cha' ji'na lo'o ycui' Jesús lo'o lcaa ngu' tya'a na, nu lo'o ntsu'u ti' na cha' cua ndyalu tañi ycui' Jesús lo'o ngujuii Ni lo crusi xqui'ya na. Lo'o ndacu na xlyá bi', la cui' jua'a̱ li', stu'ba ntsu'u cha' ji'na lo'o Jesús lo'o lcaa ngu' tya'a na, nu lo'o ntsu'u ti' na cha' nda Jesús ji'i̱ tyucui ña'a̱ ycui' ca cha' ngujuii Ni lo crusi xqui'ya na.

1 CORINTIOS 15:3

Tya clyo cua ndacha' na' ji'i̱ ma̱ lcaa cha' ji'i̱ Jesucristo nu cua ngulu'u ngu' 'na. Ndi'ya̱ ngulu'u na' ji'i̱ ma̱, cha' ngujuii Cristo lo crusi cha' cuityi̱ Ni qui'ya nu ntsu'u ji'na; la cui' ñi'ya̱ nu cua nscua lo quityi cusu' cha' caca ji'i̱ Cristo, jua'a̱ ngua.

GÁLATAS 1:1

Pablo laca na' nu nscua̱ quityi re. Cña 'na laca cha' tsa'a na' chcui' na' cha' ji'i̱ Jesucristo lo'o lcaa ñati̱. Si'i ñati̱ chalyuu ti laca nu cua nda cña bi' 'na, si'i ñati̱ laca nu nguane 'na cha' cua'ni na' cña bi'; Jesucristo lo'o ycui' Ndyosi Sti Jesús, bi' laca nu cua nda cña bi' 'na. Ycui' Ndyosi ni, bi' laca nu ngua'ni cha' ndyu'ú Jesús chaca quiya' lo'o ngujuii yu.

COLOSENSES 3:24

Cua jlo ti' ma̱ cha' ycui' nu Xu'na na laca nu nguxco'o cha' tso'o nu tyacua ji'i̱ scaa ma̱ lo'o cua tye ti cha'. Cristo laca nu Xu'na ma̱ nu chañi ca; cuentya ji'i̱ ycui' Cristo bi', bi' cha' ndyu'ni ma̱ cña.

1 TESALONICENSES 4:2

Tyi'u ti' ma̱ ji'i̱ cña nu ngulo ya ji'i̱ ma̱ cuentya ji'i̱ Jesús nu Xu'na na,