1 CORINTIOS 11:22 - Chatino Tataltepec

²² Taca cacu ma̱ co'o ma̱ to' tyi ma̱ si ntyute' tsa ma̱. Pana ñi'ya̱ nu ndu'ni ma̱ juani, na ndu'ni ñu'u̱ ma̱ ji'i̱ tya'a ndi'i̱ ma̱, tya'a ngusñi ma̱ cha' ji'i̱ ycui' Ndyosi, ña'a̱ cuayá' nda ma̱ cha' tyuju'u ti' ji'i̱ ngu' ti'i tya'a ngusñi ma̱ cha' ji'i̱ Jesús. Ná tyiquee' cua ngua cuayá' ti' ma̱ na laca nu nti' na' chcui̱' lo'o ma̱ juani, cha' nga'aa ntsu'u cha' tso'o nu caca chcui̱' lo'o ma̱ tsiya' ti cuentya ji'i̱ cha' bi'.

1 CORINTIOS 11:22 ပူးပေါင်းရင်းမြစ်များ

LOS HECHOS 20:28

Nu juani ntsu'u cha' ña'a̱si̱i̱ ma̱ ji'i̱ ycui' ca ma̱, lo'o jua'a̱ ña'a̱si̱i̱ ma̱ ji'i̱ ca ta'a ñati̱ ji'i̱ Jesucristo ca quichi̱ tyi ma̱, cha' cua nda Xtyi'i ycui' Ndyosi cña ji'i̱ ma̱ cha' caca ma̱ loo ji'i̱ taju ñati̱ bi'. Tlyu tsa cña nu ngua'ni ycui' nu Xu'na na cha' ca ti̱ qui'ya nu ntsu'u ji'na tya lo'o ngujuii yu lo crusi, nu lo'o ndyalú tañi ycui' ca yu.

1 CORINTIOS 10:32

Ná ta ma̱ chacuayá' tyu'utsu' ni tsaca ngu' ji'i̱ tyucui̱i̱ liñi ji'i̱ Cristo; ni ngu' judío, ni ngu' xa' tsu' nu si'i ngu' judío laca, ni tsaca ñati̱ tya'a ngusñi ma̱ cha' ji'i̱ ycui' Ndyosi, ná tso'o tsiya' ti si tyú ngu' ya' nu xña'a̱.

1 CORINTIOS 11:17

Chaca cha' nscua na' re, cha' caca cuayá' ti' ma̱ cha' ná ndiya ti' na' cña nu ndyu'ni ma̱ lo'o ndyu'u ti'i̱ ma̱ cha' cacu ma̱ si̱i̱ nu ngulu'u Jesús ji'na cha' cua'ni na. Cua nscua cha' caca tso'o cresiya ji'i̱ ma̱ li', nu lo'o cacu ma̱ si̱i̱ bi'; pana xa' ña'a̱ ndyu'ni bi' lo'o ma̱, ndyu'ni ñu'u̱ bi' ji'i̱ cresiya ji'i̱ ma̱ juani.

1 CORINTIOS 11:2

Cu'ma̱ tya'a ngusñi na cha' ji'i̱ Cristo, tso'o tsa ntsu'u tyiquee na' ña'a̱a̱ ji'i̱ ma̱, cha' xcui' ndyi'u ti' ma̱ 'na, lo'o jua'a̱ ndu'ni ma̱ lcaa lo cha' nu ngulu'u na' ji'i̱ ma̱.

1 CORINTIOS 11:34

Si ntsu'u ma̱ nu ntyute' ma̱, jacu ma̱ tyaja to' tyi ti ma̱ clyo. Lo'o li' nga'aa cua'ni cuxi ma̱ lo'o tyu'u ti'i̱ ma̱, li' ná ntsu'u cha' caca tyaala Ni ji'i̱ ma̱. Lo'o ca̱a̱ na', taca quiñi nu xa' la cha' bi' ji'na lo'o cu'ma̱ li'.

1 CORINTIOS 15:9

Ná tso'o na' tsiya' ti nti' na', masi ngusubi Ni 'na cha' sañi na' cha' ji'i̱ Jesús ca xa' quichi̱ tyijyu', cha' ntsu'u xa' la ngu' tya'a ya nu nchca la ji'i̱ ngu' cua'ni ngu' cña bi'. Ná stu'ba na' lo'o ngu' bi', cha' tya tsubi' la lya' tsa ti' na' ji'i̱ lcaa ñati̱ ji'i̱ Jesucristo.

1 TIMOTEO 3:5

Ná caca ji'i̱ sca ñati̱ caca loo ji'i̱ taju tya'a ñati̱ ji'i̱ ycui' Ndyosi si ná lo'o culo tso'o yu bi' cña to' tyi yu;