1 CORINTIOS 11:20 - Chatino Tataltepec

²⁰ Pana ná tso'o cha' nga'aa ndu'ni ma̱ si̱i̱ ñi'ya̱ tya'a si̱i̱ nu ngulu'u ycui' Jesús ji'na, cha' cua'ni na nu lo'o ndyu'u ti'i̱ ma̱ lo'o tya'a ma̱ li'.

1 CORINTIOS 11:20 ပူးပေါင်းရင်းမြစ်များ

LOS HECHOS 2:42

Ndyuna tso'o lcaa ngu' bi' cha' nu ngulu'u ngu' nu ngua tsa'a̱ ji'i̱ Jesucristo tya clyo ji'i̱ ngu'. Tso'o ntsu'u tyiquee ngu' bi', stu'ba ti ndi'i̱ ngu', lu'ba ti nchcui' ngu' lo'o ycui' Ndyosi; stu'ba ti ndacu ngu', stu'ba ti ndyu'ni tlyu lcaa ngu' bi' ji'i̱ Jesucristo.

LOS HECHOS 2:46

Lcaa tsa̱ ndyu'u ti'i̱ ngu' bi' ne' laa tonu ji'i̱ ngu' judío, jua'a̱ stu'ba ti ndacu ngu' bi' to' tyi tya'a ngu'. Tso'o tsa ntsu'u tyiquee ngu' bi', tso'o ti nchcui' ngu' lo'o tya'a ngu',

1 CORINTIOS 11:17

Chaca cha' nscua na' re, cha' caca cuayá' ti' ma̱ cha' ná ndiya ti' na' cña nu ndyu'ni ma̱ lo'o ndyu'u ti'i̱ ma̱ cha' cacu ma̱ si̱i̱ nu ngulu'u Jesús ji'na cha' cua'ni na. Cua nscua cha' caca tso'o cresiya ji'i̱ ma̱ li', nu lo'o cacu ma̱ si̱i̱ bi'; pana xa' ña'a̱ ndyu'ni bi' lo'o ma̱, ndyu'ni ñu'u̱ bi' ji'i̱ cresiya ji'i̱ ma̱ juani.

1 CORINTIOS 11:19

Si jua'a̱ ná stu'ba ntsu'u cha' ji'i̱ ma̱ lo'o tya'a ma̱, chañi tiya' la li' taca ca cuayá' ti' na tilaca nu chañi ca ndaquiya' cha' ji'i̱ Jesús.

1 CORINTIOS 11:21

Lo'o ndyalaa hora cacu ma̱, li' yala ti ndacu ma̱ si̱i̱ ji'i̱ ycui' ti ma̱, ná nda ma̱ tyempo tsiya' ti cacu xa' la tya'a ma̱; bi' cha' ntsu'u ngu' tya'a ma̱ nu ná ndyiji cacu tso'o, lo'o jua'a̱ ntsu'u xa' la ngu' nu hasta nchca cu'bi ngu', cha' quiña'a̱ tsa na ngusñi ngu' ndyi'o ngu'.

HEBREOS 10:25

Ntsu'u ngu' tya'a na nu nga'aa ndya'a̱ slo ngu' tya'a ngusñi na cha' ji'i̱ Jesús, nu nga'aa ndyu'u ti'i̱ lo'o tya'a na. Pana ná tso'o cua'ni na jua'a̱; tso'o la ña'a̱ ti tsaa na tyu'u ti'i̱ na lo'o tya'a na, cha' tyanu tachaa la cha' ji'i̱ ycui' Ndyosi ne' cresiya ji'na, lcaa na lo'o tya'a ngusñi na cha' ji'i̱ Ni. Nti' na cha' cua tya̱a̱ ti nu Xu'na na chaca quiya', bi' cha' lu'ba ti tyu'u ti'i̱ na juani lo'o ngu' tya'a na.

2 PEDRO 2:13

chcube' ngu' bi' ñi'ya̱ nu nguxcube' ycui' ngu' ji'i̱ xa' ñati̱. Tsa̱ lo'o talya ndu'ni suba' ngu' cuxi bi', cha' ná nchca taja ti' ngu' bi' ndu'ni ngu' cha' cuxi bi'; ná nchca tyuju'u ti' ngu' bi' tsiya' ti, masi cuxi tsa cña nu ndyu'ni ngu'. Lo'o jua'a̱ stu'ba ti ndyu'u ti'i̱ ngu' bi' lo'o ma̱ lo'o ndyu'ni ma̱ ta'a, ñi'ya̱ si chañi cha' tya'a na laca ngu' bi'.

JUDAS 1:12

Masi cuxi tsa ndu'ni nu ngu' cuiñi bi', ná ntyuju'u ti' ngu' tsiya' ti cha' ndi'i̱ ngu' lo'o ma̱ nu lo'o ndyu'u ti'i̱ ma̱ cha' cacu ma̱ si̱i̱ lo'o tya'a ma̱, xqui'ya cha' ngusñi ma̱ cha' ji'i̱ Jesucristo. Quiña'a̱ tsa ndacu ngu' bi' li', quiña'a̱ tsa ndyi'yu ngu', cha' tsa bi' ti cha' nti' ngu' ndya'a̱ ngu' slo ma̱; ná ndube ti' ngu' bi' tsiya' ti. Ñi'ya̱ laca sca xu'na xlya' nu ná ña'a̱si̱i̱ tso'o ji'i̱ xlya' ji'i̱, jua'a̱ laca ngu' bi'; ñi'ya̱ nti' coo btyi nu nxna lijya̱ lo'o cui'i̱ ti masi ná ca'ya tyo, jua'a̱ nti' nu ngu' cuiñi bi'; ñi'ya̱ laca sca yaca si'yu nu ná nda si'yu, jua'a̱ laca ngu' bi'. Pana sca yaca nu cua ngüityi, ntsu'u cha' xcua̱a̱ na ji'i̱, cha' nga'aa ntsu'u juersa ji'i̱ cha' cu'ú la li'; cua ndye ngujuii yaca bi'.