1 CORINTIOS 11:19 - Chatino Tataltepec

¹⁹ Si jua'a̱ ná stu'ba ntsu'u cha' ji'i̱ ma̱ lo'o tya'a ma̱, chañi tiya' la li' taca ca cuayá' ti' na tilaca nu chañi ca ndaquiya' cha' ji'i̱ Jesús.

1 CORINTIOS 11:19 ပူးပေါင်းရင်းမြစ်များ

SAN MATEO 18:7

¡Tya'na tsa ñati̱ chalyuu re! Ntsu'u tsa cha' cuxi nu ndu'ni ñu'u̱ ji'i̱ tyiquee ñati̱. Lcaa hora ntsu'u cha' cuxi jua'a̱ nde chalyuu, pana tlyu tsa cha' caca ji'i̱ ñati̱ nu ndatsaa ji'i̱ tya'a cha' cua'ni ngu' cha' cuxi; tlyu tsa cha' ti'í tyacua ji'i̱ ñati̱ bi' nde loo la.

SAN LUCAS 17:1

Chaca quiya' nchcui' Jesús lo'o nu ngu' nu ndyaca tsa'a̱ ji'i̱: ―Ntsu'u tsa ngu' nu nchcui' lo'o na cha' cua'ni na sca cha' cuxi, pana tya'na tsa sca ñati̱ nu ndatsaa ji'i̱ tya'a cha' cua'ni cha' cuxi lo'o.

LOS HECHOS 15:5

Pana lo'o xi ngu' fariseo nu ngusñi cha' ji'i̱ Jesucristo nga'a̱ lo'o ngu' bi'. Li' ndatu̱ ngu' fariseo bi' cha' chcui' ngu': ―Nga'a̱ cha' xi'yu ngu' quiji̱ nu qui'yu ngu' xa' tsu' nu ngusñi cha' ji'i̱ Jesús, cha' culacua̱ ngu' ―nacui̱ ngu' fariseo bi'―. Ntsu'u cha' taquiya' ngu' bi' lcaa cha' nu nguscua jyo'o Moisés sa'ni ―nacui̱ ngu'.

LOS HECHOS 20:30

Lo'o jua'a̱ laja ycui' ngu' tya'a ma̱ tyu'u tucua xi ngu' cuiñi bi'; cha' cuiñi ti culu'u ngu' bi' ji'i̱ lcaa tya'a ñati̱ ji'i̱ Jesucristo, cha' nga'aa tyi'u ti' ngu' ni sca cha' liñi nu cua nchcui' ma̱ lo'o ngu'.

LOS HECHOS 24:14

Chañi laca cha' ndu'ni tlyu na' ji'i̱ ycui' Ni, la cui' ycui' Ndyosi bi' laca nu ngua'ni tlyu jyo'o cusu' ji'i̱ ya ji'i̱ Ni. Lo'o jua'a̱ cua ngusñi na' cha' cucui nu cua nda ycui' Ndyosi lo'o na nu ngua tsubi' ti, masi nchcui' ngu' re cha' cha' cuiñi laca bi'. Pana ña'a̱ ti tya ndaquiya' na' ji'i̱ lcaa cha' nu nguscua jyo'o Moises lo quityi sa'ni, lo'o jua'a̱ ndaquiya' na' ji'i̱ lcaa quityi nu nguscua jyo'o cusu' nu ngua tu'ba ji'i̱ ycui' Ndyosi nu ngua sa'ni.

LOS HECHOS 24:5

Cua lijya̱ ya ca nde cha' cacha' liñi ya jinu'u̱ lcaa ña'a̱ cña cuxi nu ngua'ni yu re. Nslo ya ji'i̱ yu re cha' suba' tsa nchcui' yu, lya' tsa ti' yu. Nsu'ba yu cha' cusu̱u̱ ji'i̱ ñati̱ lcaa quichi̱ su ndya'a̱ yu slo ngu' judío tya'a ya, cha' yu re laca loo ji'i̱ taju ngu' nazareno.

LOS HECHOS 26:5

jlo ti' ngu' cha' bi'. Si nti' ngu', taca chcui' ngu' lo'o ma̱ cha' ngu' fariseo laca na' tya lo'o cuañi' na', lo'o jua'a̱ liñi la ndaquiya' ngu' fariseo ji'i̱ lcaa cha' cusu' nu ntsu'u ji'i̱ ngu' judío.

LOS HECHOS 28:22

Nti' ya cuna ya tyucui ña'a̱ cha' nu ntsu'u cha' ta nu'u̱ lo'o ya cuentya ji'i̱ tyucui̱i̱ cucui bi', cha' jlo ti' ya cha' lcaa quichi̱ ntsu'u ngu' nu ñasi̱' tsa ji'i̱ ngu' nu cua ngusñi tyucui̱i̱ bi'.

LOS HECHOS 5:17

Ñasi̱' tsa xu'na sti jo'ó ña'a̱ ji'i̱ ngu' nu ngua tsa'a̱ ji'i̱ Jesús tya clyo, xqui'ya cha' quiña'a̱ tsa cña tlyu ndyu'ni ngu' cuentya ji'i̱ Jesús. Lo'o jua'a̱ ngu' saduceo nu tya'a ndya'a̱ sti jo'ó ni, ti'í ti' ngu' ña'a̱ ngu' ji'i̱ ngu' bi'.

1 CORINTIOS 11:20

Pana ná tso'o cha' nga'aa ndu'ni ma̱ si̱i̱ ñi'ya̱ tya'a si̱i̱ nu ngulu'u ycui' Jesús ji'na, cha' cua'ni na nu lo'o ndyu'u ti'i̱ ma̱ lo'o tya'a ma̱ li'.

2 CORINTIOS 12:20

Quiña'a̱ xi nclyacua ti' na' xqui'ya cu'ma̱ juani. Lo'o tyalaa na' ca su ndi'i̱ ma̱, si quije cha' 'na lo'o ma̱ cha' xa' ña'a̱ ndu'ni ma̱, nga'aa si'i ñi'ya̱ nu ngulu'u na' ji'i̱ ma̱ tya clyo, ¿ñi'ya̱ cua'ni ta na' lo'o ma̱ li'? Ca cuayá' ti' ma̱ cha' taca cua'ni tyaala na' xi lo'o ma̱ li', masi ná ndiya ti' ma̱ cha' cua'ni na' jua'a̱. Ndube ti' na' cha' tya ntsu'u xi ngu' tya'a ma̱ nu ña'a̱ ti nxu̱u̱ tya'a ngu', nu ti'í tsa ti' ngu' ña'a̱ ji'i̱ tya'a ngu', nu ñasi̱' tsa ngu' ña'a̱ ji'i̱ tya'a ngu', nu sca ti ji'i̱ ycui' ca ngu' ndube ti' ngu'; lo'o jua'a̱ nchcui' ca'a̱ ti ngu' ji'i̱ tya'a ngu', cuentyu tsa ti' ngu' lo'o tya'a ngu', ntyucuaa tsa ti' ngu' ndyu'ni ngu' lo'o tya'a ngu'. Lcaa lo cha' cuxi bi' ndyu'ni ngu' cha' ná ndube ti' ngu' tsiya' ti.

GÁLATAS 5:20

jua'a̱ ndu'ni tlyu ngu' ji'i̱ lcui̱ jo'ó; jua'a̱ ndu'ni cucha'a̱ ngu' bi' ji'i̱ tya'a ñati̱ ngu', lo'o jua'a̱ liye' ti' ngu' ña'a̱ ngu' ji'i̱ tya'a ñati̱ ngu', lye tsa nxu̱u̱ tya'a ngu'; jua'a̱ ndacui tsa ti' ngu' ji'i̱ cha' tso'o nu ntsu'u ji'i̱ tya'a ñati̱ ngu', cha' xi ndaca tsa nchca ñasi̱' ngu'; ná ntaja'a̱ ngu' tsiya' ti tya'a̱ tyiquee ngu' cha' ji'i̱ tya'a ñati̱ ngu', tsa cu' ti ndya'a̱ tyiquee ngu' cha' ji'i̱ ycui' ca ngu'; jua'a̱ nclyana tsa ngu' cha' cusu̱u̱ lo'o tya'a ñati̱ ngu', ndatsaa ngu' ji'i̱ tya'a ñati̱ ngu' cha' ná cua'ni stu'ba cha' ji'i̱ ngu' lo'o xa' la tya'a ngu';

TITO 3:10

Tucua quiya' chcui' nu'u̱ lo'o ngu' cha' cua'a nu'u̱ ji'i̱ ngu' nu nti' xu'ba cha' cusu̱u̱ laja cu'ma̱ nu laca ma̱ ñati̱ ji'i̱ Jesucristo. Si ná cuna ngu' bi', li' xtyanu ma̱ ji'i̱ ngu' bi'.

1 JUAN 2:19

Tya clyo ndyu'u ti'i̱ nu ngu' cuiñi bi' lo'o na, lo'o li' ngutu'u ngu' bi' ndyaa ngu'; si'i ñati̱ tya'a ntsu'u cha' ji'na lo'o Jesucristo laca ngu' bi'. Si chañi cha' tya'a ndya'a̱ na laca ngu' bi', cua ndyanu ngu' lo'o na nquicha'; pana ngutu'u ngu' bi', cha' taca ca cuayá' ti' na cha' si'i lcaa ñati̱ nu ndyu'u ti'i̱ lo'o na laca tya'a ngusñi na cha' ji'i̱ Jesucristo.