pana ná caca xcutsi̱i̱ ngu' nu laca loo ji'na si cña tso'o ti ndyu'ni na, sca ti ji'i̱ ngu' xña'a̱ xcutsi̱i̱ ngu' bi'. Si chañi cha' nti' ma̱ cha' ná cutsi̱i̱ ma̱ ji'i̱ ngu' nu laca cña, xcui' cha' tso'o ti cua'ni ma̱ li'. Ná tyiquee' lo'o ngu' nu laca cña bi' cua'ni chi̱ ngu' loo ma̱, si jua'a̱ xcui' cha' tso'o ti ndu'ni ma̱.
1 CORINTIOS 11:17 - Chatino Tataltepec17 Chaca cha' nscua na' re, cha' caca cuayá' ti' ma̱ cha' ná ndiya ti' na' cña nu ndyu'ni ma̱ lo'o ndyu'u ti'i̱ ma̱ cha' cacu ma̱ si̱i̱ nu ngulu'u Jesús ji'na cha' cua'ni na. Cua nscua cha' caca tso'o cresiya ji'i̱ ma̱ li', nu lo'o cacu ma̱ si̱i̱ bi'; pana xa' ña'a̱ ndyu'ni bi' lo'o ma̱, ndyu'ni ñu'u̱ bi' ji'i̱ cresiya ji'i̱ ma̱ juani. အခန်းကိုကြည့်ပါ။ |
1 CORINTIOS 11:17
14 ပူးပေါင်းရင်းမြစ်များ
Taca cacu ma̱ co'o ma̱ to' tyi ma̱ si ntyute' tsa ma̱. Pana ñi'ya̱ nu ndu'ni ma̱ juani, na ndu'ni ñu'u̱ ma̱ ji'i̱ tya'a ndi'i̱ ma̱, tya'a ngusñi ma̱ cha' ji'i̱ ycui' Ndyosi, ña'a̱ cuayá' nda ma̱ cha' tyuju'u ti' ji'i̱ ngu' ti'i tya'a ngusñi ma̱ cha' ji'i̱ Jesús. Ná tyiquee' cua ngua cuayá' ti' ma̱ na laca nu nti' na' chcui̱' lo'o ma̱ juani, cha' nga'aa ntsu'u cha' tso'o nu caca chcui̱' lo'o ma̱ tsiya' ti cuentya ji'i̱ cha' bi'.
Ná tyiquee' tyalaa xi xa' la ñati̱ ca su ndyu'u ti'i̱ ma̱, ngu' nu bilya xñi cha' ji'i̱ Jesús, jua'a̱ ngu' nu si'i tya'a ndyu'ni tlyu ma̱ ji'i̱ ycui' Ndyosi laca ngu'. Si tyalaa ngu' bi' su ndyu'u ti'i̱ ma̱ tsa tlyu ti, lo'o li' ña'a̱ ngu' ji'i̱ ma̱ cha' xcui' cha'cña ji'i̱ xa' ñati̱ nchcui' ma̱, li' ñacui̱ ngu' bi' cha' cua ngua loco ma̱.
Cu'ma̱ tya'a ngusñi na cha' ji'i̱ Jesús, ndi'ya̱ cua'ni ma̱ nu lo'o tyu'u ti'i̱ ma̱ lo'o tya'a ma̱: Tyatu̱ tsaca ma̱ cha' cacha' ni ji̱i̱ caca nu cula tu'ba ma̱ cuentya ji'i̱ ycui' Ndyosi; cuati tyatu̱ chaca nu culu'u cha' ji'i̱ ycui' Ni ji'i̱ tya'a ma̱; lo'o li' chcui' tsaca ngu' sca cha' nu nti' Ni ta Ni lo'o ma̱; lo'o jua'a̱ taca ta ma̱ xi cha' lo'o cha'cña ji'i̱ xa' ñati̱, si lo'o nchca ji'i̱ ma̱ xtyacui ma̱ cha' bi', cha' caca cuayá' ti' lcaa ñati̱ nu nga'a̱ ca ndacua. Lcaa ña'a̱ nu cua'ni ma̱ ntsu'u cha' tyatí̱ la ti' tyiquee lcaa ñati̱ tya'a ndyu'u ti'i̱ ma̱.
Ntsu'u ngu' tya'a na nu nga'aa ndya'a̱ slo ngu' tya'a ngusñi na cha' ji'i̱ Jesús, nu nga'aa ndyu'u ti'i̱ lo'o tya'a na. Pana ná tso'o cua'ni na jua'a̱; tso'o la ña'a̱ ti tsaa na tyu'u ti'i̱ na lo'o tya'a na, cha' tyanu tachaa la cha' ji'i̱ ycui' Ndyosi ne' cresiya ji'na, lcaa na lo'o tya'a ngusñi na cha' ji'i̱ Ni. Nti' na cha' cua tya̱a̱ ti nu Xu'na na chaca quiya', bi' cha' lu'ba ti tyu'u ti'i̱ na juani lo'o ngu' tya'a na.
ကြော်ငြာတွေ