1 CORINTIOS 11:16 - Chatino Tataltepec

¹⁶ Si chcui' cuxi ngu' xqui'ya cha' ndyacu̱' hique ngu', tso'o si caca cuayá' ti' ngu' bi', cha' sca ti cuayá' ndu'ni ya ñi'ya̱ nu ndu'ni lcaa ñati̱ ji'i̱ Jesucristo lcua ti quichi̱ tyi ngu'.

1 CORINTIOS 11:16 ပူးပေါင်းရင်းမြစ်များ

LOS HECHOS 21:21

Lo'o jua'a̱ cua nquijeloo cha' ji'i̱ ngu' cha' ngulu'u nu'u̱ ji'i̱ ngu' judío tya'a na nu ndi'i̱ xa' quichi̱, cha' nga'aa ntsu'u cha' taquiya' ngu' bi' ji'i̱ cha' cusu' nu nguscua jyo'o Moisés bi', ni ná ntsu'u cha' xi'yu ngu' quiji̱ sñi' ngu' cha' culacua̱ ngu'; ngulu'u nu'u̱ cha' ná nga'a̱ cha' cua'ni ngu' bi' ñi'ya̱ nu ndu'ni na cha' laca na ngu' judío, nacui̱ ngu'.

LOS HECHOS 21:24

Tsaa lo'o nu'u̱ ji'i̱ ngu' bi', cha' stu'ba ti cua'ni lyiji ma̱ cha' nu cua ngüiñi ji'i̱ ngu' bi' lo'o ycui' Ndyosi. Nu'u̱ cui'ya lcaa na nu nga'a̱ cha' caca msta̱ ji'i̱ ngu' ne' laa. Li' taca xi'yu ngu' quicha̱' hique ngu' lo'o cua ndye cha' bi'. Caca cuayá' ti' lcaa ngu' li', cha' lo'o nu'u̱ ndaquiya' nu'u̱ ji'i̱ lcaa cha' nu nguxtyanu jyo'o cusu' ji'na, cha' si'i cha' liñi nu cua nchcui' ñati̱ jinu'u̱ li'.

1 CORINTIOS 11:15

Si'i jua'a̱ nti' na lo'o nu cuna'a̱, tso'o tsa nti' na si tyucui̱ quicha̱' hique nu cuna'a̱. Cua'nijo'o quicha̱' hique ngu' ji'i̱ ngu', cha' ná ca tyuju'u ti' ngu'.

1 CORINTIOS 16:1

Cua nda na' cha' nu ndyaa slo ca ta'a ngu' nu ndyu'u ti'i̱ cha' cua'ni tlyu ngu' ji'i̱ ycui' Ndyosi ca lcaa quichi̱ ca loyuu su cuentya Galacia; cua nchcui' na' ñi'ya̱ cua'ni ngu' lo'o xti'i̱ ngu' msta̱. La cui' jua'a̱ cua'ni cu'ma̱ nu lo'o xti'i̱ ma̱ msta̱ bi', cha' xtyucua ma̱ ji'i̱ ngu' ti'i tya'a ngusñi na cha' ji'i̱ Jesús nu ndi'i̱ ca loyuu su cuentya Judea.

1 CORINTIOS 4:5

Lo'o jua'a̱ cu'ma̱, ná yala tsa clyacua ti' ma̱ cha' sta ma̱ qui'ya ji'i̱ sca ñati̱; jatya ma̱ ña'a̱ cuayá' ca̱a̱ ycui' nu Xu'na na, bi' laca nu cua'ni cuayá' ji'i̱ ca ta'a na. Li' culotu̱ Ni ji'i̱ lcaa cha' cuxi nu ntsu'u cuaana ti ne' cresiya ji'na, masi sca cha' nu ná nti' na cacha' na ji'i̱ tya'a ñati̱ chalyuu na. Jua'a̱ cacha' Ni lcaa cha' nu ntsu'u ne' cresiya ji'i̱ lcaa ñati̱ chalyuu, lo'o li' ta Ni nu tso'o ji'na, cua ña'a̱ ca cha' tso'o nu ñacui̱ Ni cha' tyacua ji'i̱ scaa na.

1 CORINTIOS 7:17

Nu lo'o tya lyiji cusubi ycui' Ndyosi ji'na, tya li' cua laca nda Ni ji'na ñi'ya̱ nu tyi'i̱ scaa na chalyuu. Ycui' Ndyosi laca nu nda chalyuu ji'na tya clyo, lo'o jua'a̱ ycui' Ni laca nu ngusubi ji'na cha' xñi na cha' ji'i̱ Ni juani. Tya la cui' chalyuu bi' laca nu ntsu'u ji'na juani, la cui' ña'a̱ chalyuu nu ngujui ji'na tya clyo; pana juani tyucui tyiquee na ndi'i̱ na chalyuu. La cui' ti cha' nchcui' na' lo'o ngu' lcua ti quichi̱ su ndi'i̱ ngu' nu ngusñi cha' ji'i̱ Cristo.

1 CORINTIOS 9:1

Cua ntsu'u chacuayá' 'na cha' cua'ni na' cua ña'a̱ ca lo cha'. Cua ngua'a̱ loo ycui' Ndyosi 'na cha' cua'ni na' cña ji'i̱ Ni, nu lo'o na'a̱ na' ji'i̱ ycui' Jesús nu Xu'na na. Ngusñi ma̱ cha' ji'i̱ Jesús juani xqui'ya cha' ndu'ni na' cña ji'i̱ Ni,

1 CORINTIOS 9:6

Si'i sca ti na' lo'o Bernabé nu nga'a̱ cha' cua'ni lye ya cña cha' caja na cacu ya, laja lo'o nclyu'u ya cha' ji'i̱ ycui' Ndyosi ji'i̱ ngu'.

1 TESALONICENSES 2:14

Ñi'ya̱ nu ngua tya tsubi' la, cha' ngua'ni lya' ti' ngu' judío ji'i̱ ña'a̱ taju ñati̱ tya'a ntsu'u cha' ji'na lo'o Jesucristo ca loyuu su cuentya Judea, jua'a̱ ngua'ni lya' ti' ngu' tya'a quichi̱ tyi ma̱ ji'i̱ cu'ma̱ li'. Cu'ma̱ ngu' tya'a na, la cui' tya'a cha' ti'í ngua ji'i̱ ma̱ ñi'ya̱ nu ngua ji'i̱ ngu' judío tya'a na bi'.