1 CORINTIOS 11:13 - Chatino Tataltepec

¹³ Ycui' ca ma̱ cacha' liñi ma̱ 'na si tso'o nti' ma̱ cha' chcui' sca nu cuna'a̱ lo'o ycui' Ndyosi lo'o ntucua yaala ti hique nu cuna'a̱ bi'.

1 CORINTIOS 11:13 ပူးပေါင်းရင်းမြစ်များ

SAN LUCAS 12:57

’¿Ni cha' laca ná nchca quiñi tso'o cha' ji'i̱ ma̱ lo'o tya'a ma̱?

SAN JUAN 7:24

Ná tso'o cua'ni cuayá' ma̱ ji'i̱ sca ñati̱ lo'o ña'a̱ ti ma̱ ji'i̱ ―nacui̱ yu―. Ñi'ya̱ nu tyu'u liñi cha' ji'i̱ sca ngu', jua'a̱ cua'ni cuayá' ma̱ ji'i̱ ngu' tso'o la.

1 CORINTIOS 10:15

Nti' na' cha' nduna tso'o ma̱, cua laca nclyacua tso'o ti' ma̱ nti' na', bi' cha' nchcui' na' lo'o ma̱ jua'a̱. Taca cui'ya ma̱ cuentya cha' chañi laca cha' nu nda na' lo'o ma̱ juani.

1 CORINTIOS 11:14

Nu na ñati̱ chalyuu na, cua jlo ti' na ñi'ya̱ ña'a̱ quicha̱' hique na. Jua'a̱ laca cha' ji'na, ntyuju'u tsa ti' na si tonu tsa quicha̱' hique nu qui'yu.

1 CORINTIOS 14:34

Ná nda ngu' chacuayá' chcui' ngu' cuna'a̱ ca su ndyu'ni tlyu ngu' ji'i̱ ycui' Ndyosi; nga'a̱ cha' tucuá nu cuna'a̱ cha' nu nchcui' nu qui'yu, cha' jua'a̱ cña ngulo Ni ji'i̱ ngu' cha' cua'ni ngu'.