1 CORINTIOS 11:12 - Chatino Tataltepec

¹² Chañi cha' xqui'ya nu qui'yu ndya' nu cuna'a̱ tya clyo, pana la cui' jua'a̱ chañi cha' nu cuna'a̱ laca nu ndu'ni cala ji'i̱ nu qui'yu juani; lo'o jua'a̱ ycui' Ndyosi laca nu ndu'ni cha' tyu'ú tyucuaa lo ngu' bi' chalyuu.

1 CORINTIOS 11:12 ပူးပေါင်းရင်းမြစ်များ

ROMANOS 11:36

Lcaa na nu ntsu'u chalyuu, na ji'i̱ ycui' Ndyosi laca bi', cha' cua ngüiñá ycui' Ni lcaa na, cha' caca bi' cña ji'i̱ Ni. Nga'aa caca tye cha' cua'ni tlyu na ji'i̱ ycui' Ndyosi. Lo'o jua'a̱ chañi tsa cha' bi'.

1 CORINTIOS 11:11

Pana juani stu'ba ti ngusñi na cha' ji'i̱ Jesús, masi qui'yu na, masi cuna'a̱ na. Ná caja ñi'ya̱ tyi'i̱ nu qui'yu chalyuu si ná lo'o nu cuna'a̱; jua'a̱ nu cuna'a̱ ni, ná caja ñi'ya̱ tyi'i̱ chalyuu si ná lo'o nu qui'yu.

1 CORINTIOS 8:6

Pana nu ñati̱ tya'a ntsu'u cha' ji'na lo'o Jesús, sca ti ycui' Ndyosi Sti na jlya ti' na ji'i̱ tsiya' ti; la cui' ti jua'a̱ sca ti ycui' Jesucristo nu Xu'na na ngusñi na cha' ji'i̱. Ngüiñá Ni tyucui ña'a̱ chalyuu, xqui'ya Jesús ndya' lcaa lo na; cuentya ji'i̱ ycui' Jesús laca lcaa lo na nu ntsu'u chalyuu, lo'o jua'a̱ xqui'ya ycui' Jesús ndi'i̱ na chalyuu.

2 CORINTIOS 5:18

Ycui' Ndyosi laca nu ndu'ni lcaa cha' bi', cha' cua ndyaca stu'ba cha' ji'na lo'o Ni xqui'ya Cristo. Lo'o juani cua nda Ni cña ji'na cha' chcui' na lo'o ngu' ñi'ya̱ caca stu'ba cha' ji'i̱ ngu' lo'o ycui' Ni.