1 CORINTIOS 10:7 - Chatino Tataltepec

⁷ La cui' ti ná tso'o cha' cua'ni tlyu na ji'i̱ lcui̱ jo'ó, ñi'ya̱ nu ngua'ni ngu' bi'. Ndi'ya̱ nchcui' cha' nu nscua lo quityi cusu' cha' ji'i̱ ñati̱ bi': “Tsa cu' ti ndya'a̱ ngu' ji̱i̱. Na ndi'i̱ ti ngu' ndyacu ngu' ndyi'o ngu' lo'o tya'a ngu', li' ndatu̱ ti ngu' cha' quijya ngu' lo'o tya'a ngu'”, nacui̱ lo quityi bi'.

1 CORINTIOS 10:7 ပူးပေါင်းရင်းမြစ်များ

LOS HECHOS 15:20

Tsa bi' ti cha' cua'ni na, nti' na'; scua na xi cha' tso'o cha' tsaa slo ngu' bi' nu nacui̱ ndi'ya̱: Ná tso'o si cacu ngu' msta̱ ji'i̱ jo'ó, xqui'ya cha' cua'ni ñu'u̱ msta̱ bi' ji'i̱ cresiya ji'na si cacu na ji'i̱; lo'o jua'a̱ ná tso'o tsiya' ti tyu'u cha' ji'i̱ ngu' lo'o clyo'o xa' ñati̱; ná tso'o cacu ngu' na'ni nu ná ndye ndyalú tañi ji'i̱ ni', nu lo'o cua ndyujuii ngu' ji'i̱; ni ná tso'o cacu ngu' tañi.

1 CORINTIOS 10:14

Cu'ma̱ tya'a tso'o na, ntsu'u tsa tyiquee na' ña'a̱ na' ji'i̱ ma̱, bi' cha' nchcui' tsa na' lo'o ma̱ juani cha' ná cua'ni tlyu ma̱ tsiya' ti ji'i̱ lcui̱ jo'ó ji'i̱ ngu', nga'aa tsaa ma̱ su ntucua bi'.

1 CORINTIOS 5:11

Pana ná tso'o cha' tyu'u cha' ji'i̱ ma̱ lo'o ñati̱ nu ndu'ni jua'a̱, masi ndu'ni ngu' bi' lo'o ma̱ cha' tya'a ñati̱ ji'i̱ Jesucristo laca ngu' bi'; bi' laca cha' nu ngua ti' na' chcui̱' lo'o ma̱. Ná caca stu'ba cha' ji'i̱ ma̱ lo'o ngu' si suba' ndu'ni ngu', si ndacui ti' ngu', si ndu'ni tlyu ngu' ji'i̱ lcui̱ jo'ó ti, si cuxi tsa nchcui' ngu' lo'o ñati̱, si cu'bi ngu', si cuaana ngu'; ná caca xñi ma̱ cha' ji'i̱ ngu' nu ndu'ni jua'a̱. Masi nacui̱ ñati̱ bi' cha' stu'ba ti ntsu'u cha' ji'i̱ ngu' lo'o Jesús, ná caca tyu'u cha' ji'i̱ ma̱ lo'o ngu'. La cui' ti cha', ni ná tso'o chca'a̱ ma̱ cacu ma̱ tyaja lo'o ñati̱ nu ndu'ni jua'a̱.

1 CORINTIOS 6:9

Jlo ti' na cha' ná lo'o ñati̱ cuxi taca tsaa ca su tlyu ca su laca ycui' Ndyosi loo. Tso'o si liñi tsa caca cuayá' ti' ma̱ cha' ná tsaa ngu' cuxi ca su tso'o bi': ñati̱ nu suba' tsa ndu'ni lo'o tya'a, lo'o jua'a̱ ñati̱ nu ndu'ni tlyu ji'i̱ lcui̱ jo'ó ti, lo'o jua'a̱ ñati̱ nu ntsu'u cha' ji'i̱ lo'o clyo'o xa' ñati̱, jua'a̱ nu ngu' qui'yu nu ndu'ni suba' lo'o tya'a qui'yu ti ngu',

1 CORINTIOS 8:7

Pana ná lcaa ñati̱ nchca cuayá' ti' cha' bi'. Ntsu'u ngu' tya'a ngusñi na cha' ji'i̱ Jesús nu ná nchca cacu sca na nu cua nscua slo jo'ó tya clyo. Nu ngua tya sa'ni la, cua ngui'i̱ tsa ngu' bi' ji'i̱ jo'ó bi'; lo'o juani ña'a̱ ti tya ntsu'u ti' ngu' bi' cha' na cacu jo'ó laca na nu cacu ngu' bi'. Bi' cha' ná ndalo ngu' bi' tsiya' ti cha' cacu ngu' cuaña' nu ngua msta̱ bi'; cha' cuxi laca cha' bi' cuentya ji'i̱ ngu' bi'.

1 JUAN 5:21

Cu'ma̱ sñi' na', tii ti ti' ma̱ tyi'i̱ ma̱ chalyuu, cha' ná tyatí̱ yu'u ma̱ lo'o xa' jo'ó. Jua'a̱ laca cha' bi' lacua.