1 CORINTIOS 10:2 - Chatino Tataltepec

² Coo nu ndacui bi', lo'o jua'a̱ hitya tyujo'o bi', bi' laca nu ngua'ni cha' ngusñi ngu' cha' ji'i̱ Moisés; bi' cha' ngutu'u lca'a̱ ngu' ji'i̱, ñi'ya̱ laca cha' lo'o tyucuatya na cuentya ji'i̱ Jesús.

1 CORINTIOS 10:2 ပူးပေါင်းရင်းမြစ်များ

SAN MATEO 3:6

Li' ntyucuatya Juan ji'i̱ ngu' nu ndya'a̱ slo yu nde lo hitya Jordán, ntyucuatya yu ji'i̱ lcaa ngu' nu nchcui' cha' ngua tyuju'u ti' ngu' ji'i̱ cha' cuxi nu ndyu'ni ngu'.

ROMANOS 6:3

Nu lo'o ntyucuatya ngu' ji'na lo'o nguxana ca ti cha' tyu'u cha' ji'na lo'o Jesucristo, li' ñi'ya̱ si na cua ngujuii na stu'ba ti lo'o Jesús, jua'a̱ ngua.

GÁLATAS 3:27

Lo'o ngua stu'ba cha' ji'na lo'o Ni, li' cua ntyucuatya ngu' ji'i̱ lcaa na chacuayá' ji'i̱ Cristo, cha' jua'a̱ cua ndyanu lcaa cha' ji'i̱ Cristo ne' cresiya ji'na, ñi'ya̱ nti' si cua laca cha' bi' sca late' nu quixi̱i̱ chu̱' na.