1 CORINTIOS 10:16 - Chatino Tataltepec

¹⁶ Lo'o ndyu'u ti'i̱ na stu'ba ti lo'o ngu' tya'a ngusñi na cha' ji'i̱ Jesús ndyi'yu na, lo'o jua'a̱ ndacu na li'; jua'a̱ ndu'ni na xqui'ya cha' ngulacua̱ Jesús ji'i̱ cha' bi' tya clyo. Bi' cha' clyo nda na tsa xlya'be ji'i̱ ycui' Ndyosi xqui'ya cña nu ngua'ni Jesús bi'. Lo'o ndyi'yu na vino bi', li' stu'ba ntsu'u cha' ji'na lo'o ycui' Jesús lo'o lcaa ngu' tya'a na, nu lo'o ntsu'u ti' na cha' cua ndyalu tañi ycui' Jesús lo'o ngujuii Ni lo crusi xqui'ya na. Lo'o ndacu na xlyá bi', la cui' jua'a̱ li', stu'ba ntsu'u cha' ji'na lo'o Jesús lo'o lcaa ngu' tya'a na, nu lo'o ntsu'u ti' na cha' nda Jesús ji'i̱ tyucui ña'a̱ ycui' ca cha' ngujuii Ni lo crusi xqui'ya na.

1 CORINTIOS 10:16 ပူးပေါင်းရင်းမြစ်များ

SAN LUCAS 22:17

Li' ngusñi Jesús sca vaso vino, ndya xlya'be ji'i̱ ycui' Ndyosi li'. Ndi'ya̱ nacui̱ yu ji'i̱ nu ngu' nu ndyaca tsa'a̱ ji'i̱ bi' li': ―Co'o ma̱ vino nu ntsu'u ne' vaso re, lo'o jua'a̱ ta ma̱ vino re co'o ca ta'a tya'a ma̱ ―nacui̱ Jesús li'―.

LOS HECHOS 2:42

Ndyuna tso'o lcaa ngu' bi' cha' nu ngulu'u ngu' nu ngua tsa'a̱ ji'i̱ Jesucristo tya clyo ji'i̱ ngu'. Tso'o ntsu'u tyiquee ngu' bi', stu'ba ti ndi'i̱ ngu', lu'ba ti nchcui' ngu' lo'o ycui' Ndyosi; stu'ba ti ndacu ngu', stu'ba ti ndyu'ni tlyu lcaa ngu' bi' ji'i̱ Jesucristo.

LOS HECHOS 2:46

Lcaa tsa̱ ndyu'u ti'i̱ ngu' bi' ne' laa tonu ji'i̱ ngu' judío, jua'a̱ stu'ba ti ndacu ngu' bi' to' tyi tya'a ngu'. Tso'o tsa ntsu'u tyiquee ngu' bi', tso'o ti nchcui' ngu' lo'o tya'a ngu',

LOS HECHOS 20:11

Xa' ndyacuí̱ Pablo ndyaa lo ndyiya', li' ngua'ni yu si̱i̱. Lo'o li' xa' nguxana ngulu'u yu ji'i̱ ngu' ña'a̱ cuayá' nguxee chaca tsa̱. Ndu'u ya ndyaa ya li'.

LOS HECHOS 20:7

Lo'o ngua tsa̱ domingo, li' ndyu'u ti'i̱ ngu' nu ntsu'u cha' ji'i̱ lo'o Jesús cha' stu'ba ti cacu ngu' si̱i̱. Nclyu'u Pablo cha' ji'i̱ ycui' Ndyosi ji'i̱ ngu' li'; hasta ca cla'be talya nclyu'u yu ji'i̱ ngu', xqui'ya cha' chaca tsa̱ cua tyaa ti ya li'.

1 CORINTIOS 1:9

Ycui' Ndyosi ndu'ni cña, lcaa cña nu cua nacui̱ Ni cha' cua'ni Ni; bi' laca nu ngusubi ji'i̱ ma̱ cha' caca stu'ba cha' ji'i̱ ma̱ lo'o Jesucristo nu Xu'na na, nu sca ti Sñi' ycui' Ndyosi.

1 CORINTIOS 10:15

Nti' na' cha' nduna tso'o ma̱, cua laca nclyacua tso'o ti' ma̱ nti' na', bi' cha' nchcui' na' lo'o ma̱ jua'a̱. Taca cui'ya ma̱ cuentya cha' chañi laca cha' nu nda na' lo'o ma̱ juani.

1 CORINTIOS 12:13

Ca ta'a na, masi ngu' judío, masi ngu' xa' tsu' laca na, masi msu nu ngüi'ya ñati̱, masi msu nu ndi'i̱ tso'o ti laca na, na cua ntyucuatya na chacuayá' ji'i̱ Xtyi'i ycui' Ndyosi; cua ndyanu Xtyi'i ycui' Ndyosi bi' ne' cresiya ji'i̱ sa scaa na, cha' stu'ba ntsu'u tyiquee na lo'o lcua ti tya'a ñati̱ nu ngusñi cha' ji'i̱ Cristo.

HEBREOS 3:14

Lcaa na lo'o tya'a na, tya ntsu'u cha' ji'na lo'o Cristo si ña'a̱ ti xñi na cha' ji'i̱ Ni ña'a̱ cuayá' nu tye chalyuu ji'na, la cui' ñi'ya̱ lo'o jlya ti' na ji'i̱ yu nu ngua tya clyo.

1 JUAN 1:3

Juani culu'u ya ji'i̱ ma̱ cua ña'a̱ ca cha' nu cua na'a̱ ya, culu'u ya cua ña'a̱ ca cha' nu cua ndyuna ya. Chañi laca cha' stu'ba ntsu'u tyiquee na lo'o ycui' Ndyosi Sti na, jua'a̱ lo'o Jesucristo nu sca ti Sñi' ycui' Ni. Lo'o juani cua nti' ya cha' stu'ba ti caca tyiquee ma̱ lo'o ya;

1 JUAN 1:7

Pana si lubii cresiya ji'na ñi'ya̱ lo'o lubii cresiya ji'i̱ ycui' Ni, ndu'ni na cha' tso'o li'; stu'ba ti caca tyiquee na lo'o tya'a ngusñi na cha' ji'i̱ Jesús li'. Lo'o jua'a̱ cuityi̱ Ni qui'ya nu ntsu'u ji'na, xqui'ya cha' cua ndyalú tañi Jesús Sñi' ycui' Ni lo'o ngujuii yu lo crusi.