1 CORINTIOS 10:11 - Chatino Tataltepec11 Lcaa cha' tlyu bi' ngua ji'i̱ jyo'o cusu' bi' nu ngua sa'ni, cha' caja ñi'ya̱ tyi'u ti' xa' ñati̱ nde loo la na laca nu ngua ji'i̱ jyo'o cusu' bi', ni cha' laca ngua ji'i̱ ngu' bi' jua'a̱. Lo'o jua'a̱ tya nscua cha' bi' lo quityi cha' cube ti' na ji'i̱ cha' bi'. Cua ngulala ti tye chalyuu su ndi'i̱ na juani; အခန်းကိုကြည့်ပါ။ |
Cua'ni ma̱ cha' tyi'u ti' ma̱ lcaa cha' bi'. Cua jlo ti' ma̱ cha' cua ndyalaa hora cha' clyana na ji'i̱ ycui' Ndyosi; bi' cha' juani que ti' ma̱ lacua, cha' tii ti ti' ma̱ tyi'i̱ ma̱ chalyuu. Cua tya̱a̱ ti ycui' Jesús cha' cua'ni lyaá Ni ji'na, cha' ca̱qui'ya Ni ji'na. Nu lo'o ngusñi na cha' ji'i̱ Jesús tya clyo, li' ngua ti' na cha' tya lyiji tsa tyalaa tsa̱ bi' cha' tya̱a̱ ycui' Jesús; pana juani cua ngulala ti tyalaa tsa̱ bi'.
Ñi'ya̱ laca chalyuu talya, jua'a̱ laca lo'o ndi'i̱ na chalyuu, xqui'ya cha' cuxi nu ntsu'u ji'na. Pana juani cua tye ti talya bi', cua tya̱a̱ ti Cristo cha' culotsu' Ni cha' cuxi bi'. Li' caca chalyuu ji'na ñi'ya̱ si cua nguxee tso'o, cha' lubii tsa xee caca li'. Bi' cha' nga'a̱ cha' xtyanu na ji'i̱ cha' cuxi nu ndu'ni ngu', cha' cuxi tsa tyiquee ngu' nu ndya'a̱ chalyuu talya bi'. Cua'ni cho'o na tyucui ña'a̱ na, cha' nguula tsa cua'ni na cña cuentya ji'i̱ Cristo nde chalyuu, ñi'ya̱ si laca na sendaru ji'i̱ Cristo.
lo'o cha' ji'i̱ ya nchcui' Ni, ji'i̱ cuare nu ndya'a̱ ya tyijyu' cha' chcui' ya cha' ji'i̱ ycui' Ndyosi lo'o ñati̱. Ñi'ya̱ nu laca ji'i̱ ngu' nu nclya'a yuu lo'o toro, ñi'ya̱ nu laca ji'i̱ ngu' nu ndu'ni clacua, jua'a̱ laca ji'i̱ ya; lo'o cuare ntsu'u chacuayá' ji'i̱ ya cha' jña ya xi cha' tso'o nu ntsu'u ji'i̱ ngu' nu lo'o cua ndye cña ji'i̱ ya.
Sca cui̱i̱ nu nda na' lo'o ma̱ laca cha' bi': tucua tya'a ngu' cuna'a̱ ngua bi', nu jua'a̱ nti' ñacui̱ cha' ntsu'u tucua lo cha' nu nda ycui' Ndyosi lo'o ñati̱ chalyuu. Lo xlya ca'ya Sinaí nu nscua nde Arabia, ca bi' nguxana tsaca cha'; stu'ba nti' cha' bi' lo'o Agar, nu cuna'a̱ nu ngüi'ya ti jyo'o Abraham. Ñati̱ nu jlya tsa ti' ji'i̱ cha' bi', laca ngu' ñi'ya̱ laca sca msu nu ngüi'ya ti ñati̱.
Ntsu'u ngu' tya'a na nu nga'aa ndya'a̱ slo ngu' tya'a ngusñi na cha' ji'i̱ Jesús, nu nga'aa ndyu'u ti'i̱ lo'o tya'a na. Pana ná tso'o cua'ni na jua'a̱; tso'o la ña'a̱ ti tsaa na tyu'u ti'i̱ na lo'o tya'a na, cha' tyanu tachaa la cha' ji'i̱ ycui' Ndyosi ne' cresiya ji'na, lcaa na lo'o tya'a ngusñi na cha' ji'i̱ Ni. Nti' na cha' cua tya̱a̱ ti nu Xu'na na chaca quiya', bi' cha' lu'ba ti tyu'u ti'i̱ na juani lo'o ngu' tya'a na.
Cu'ma̱ sñi' na', cua ndyalaa hora cha' tye lcaa cha' nu ntsu'u chalyuu. Cua jlo ti' ma̱ cha' cua lijya̱ sca ñati̱ tlyu nu cñilo'o ji'i̱ tya'a ñati̱ na cha' Cristo laca ycui' yu; xu̱u̱ tya'a yu bi' lo'o lcaa na nu ntsu'u cha' ji'na lo'o Cristo. Masi tyempo juani, quiña'a̱ tsa ngu' cuiñi ntsu'u chalyuu, nu nti' xu̱u̱ tya'a lo'o ñati̱ ji'i̱ Cristo; bi' cha' cua ngua cuayá' ti' na cha' cua ngulala ti tye lcaa cha'.