1 CORINTIOS 1:31 - Chatino Tataltepec

³¹ Bi' cha' cua'ni na ndi'ya̱, ñi'ya̱ nu nscua lo quityi cusu': “Si nti' na chcui' na lo'o xa' ñati̱ cuentya ji'i̱ sca cha' tlyu, li' tso'o la si chcui' na ji'i̱ cha' tlyu nu ngua'ni ycui' nu Xu'na na”. Jua'a̱ nacui̱ quityi bi'.

1 CORINTIOS 1:31 ပူးပေါင်းရင်းမြစ်များ

ROMANOS 4:2

Ycui' ca Abraham ni, ná ngua cua'ni yu cha' ca tso'o cresiya ji'i̱ ycui' ca yu cuentya ji'i̱ ycui' Ndyosi, ni ná ngua ji'i̱ yu xacui̱ yu cha' ji'i̱ ycui' Ndyosi cha' ngua ji'i̱ ycui' yu.

1 CORINTIOS 4:6

Nchcui' na' cha' bi' lo'o cu'ma̱ cha' taca tyi'i̱ tso'o ti ma̱. Cua nchcui' tsa na' ji'i̱ tyucuaa ya, na' lo'o Apolos, cha' taca culacua xi ti' ma̱ ñi'ya̱ ntsu'u cha' ji'i̱ ya; jua'a̱ caca cuayá' ti' ma̱ cha' ná tso'o xñi ma̱ xi xa' la cha', nu si'i ñi'ya̱ nu nscua lo quityi cha' ji'i̱ ycui' Ndyosi. Ná tso'o cha' chcui' tso'o ma̱ lo'o sca yu tya'a ya nu lca'a̱ tsa ma̱ ji'i̱, lo'o li' cua'ni xña'a̱ ma̱ lo'o chaca yu tya'a ya.

2 CORINTIOS 10:17

Si nga'a̱ cha' chcui' na ji'i̱ sca cha', tso'o la chcui' na ji'i̱ sca cña nu ndyu'ni ycui' Ndyosi lacua.

FILIPENSES 3:3

Pana nu na ni, chañi laca cha' ngulacua̱ ycui' Ndyosi ji'na, masi xa' ña'a̱ nchcui' nu ngu' bi'. Cua ndu'ni tlyu na ji'i̱ ycui' Ndyosi xqui'ya Xtyi'i ycui' Ni; chaa tsa ti' na ndi'i̱ na chalyuu nu lo'o cua ngujui chalyuu ji'na xqui'ya Jesucristo, cha' nga'aa jlya ti' na ji'i̱ sca cha' nu ndatsaa ñati̱ chalyuu ji'na cha' cua'ni na ji'i̱.