1 CORINTIOS 1:3 - Chatino Tataltepec

³ Ndi'ya̱ nti' na': cha' ña'a̱ ti cua'ni ycui' Ndyosi Sti na cha' tso'o lo'o ma̱, cha' cua'ni Ni cha' ti̱ ti tyi'i̱ tyiquee ma̱ xqui'ya Jesucristo nu Xu'na na.

1 CORINTIOS 1:3 ပူးပေါင်းရင်းမြစ်များ

ROMANOS 1:7

Nscua na' quityi re cha' ca̱a̱ nde quichi̱ Roma ca su ndi'i̱ ma̱. Nda na' xlyo ni'i̱ ji'i̱ ma̱ cuentya ji'i̱ ycui' Ndyosi Sti na, cuentya ji'i̱ Jesucristo nu Xu'na na, cha' ntsu'u tsa tyiquee ycui' Ndyosi ña'a̱ Ni ji'i̱ ma̱. Cua ngusubi Ni ji'i̱ ma̱ cha' tyucui tyiquee ma̱ taca caca ma̱ ñati̱ ji'i̱ Ni. Ndi'ya̱ nti' na', cha' ña'a̱ ti cua'ni ycui' Ndyosi Sti na cha' tso'o lo'o ma̱, cha' cua'ni Ni cha' ti̱ ti tyi'i̱ tyiquee ma̱ xqui'ya Jesucristo nu Xu'na na.

1 CORINTIOS 1:4

Lcaa tsa̱ nda na' xlya'be ji'i̱ ycui' Ndyosi xqui'ya cu'ma̱, cha' cua nda Ni cha' tso'o lo'o ma̱ xqui'ya Jesucristo.

2 CORINTIOS 1:2

Cua nti' tsa ya cha' ña'a̱ ti cua'ni ycui' Ndyosi Sti na cha' tso'o lo'o ma̱, cha' cua'ni Ni cha' ti̱ ti tyi'i̱ tyiquee ma̱ xqui'ya Jesucristo nu Xu'na na.

EFESIOS 1:2

Ndi'ya̱ nti' na', cha' ña'a̱ ti cua'ni Ni cha' tso'o lo'o ma̱, cha' cua'ni ycui' Ndyosi Sti na cha' ti̱ ti tyi'i̱ tyiquee ma̱ si xñi ma̱ cha' ji'i̱ Jesucristo nu Xu'na na.

1 PEDRO 1:2

Tya clyo la cua jlo ti' ycui' Ndyosi Sti na lcaa ña'a̱ cha' nu caca nde loo la, bi' cha' ngusubi ycui' Ni ji'i̱ ma̱. Lo'o juani ndyu'ni Xtyi'i ycui' Ndyosi cña cha' tyanu lubii cresiya ji'i̱ ma̱, cha' taquiya' ma̱ ji'i̱ ycui' Jesucristo; na cua ngujuii yu lo crusi xqui'ya cu'ma̱, ndyalú tañi yu cha' caja ñi'ya̱ caca lubii cresiya ji'i̱ ma̱. Lo'o juani nti' na' cha' ña'a̱ ti tya cua'ni ycui' Ndyosi cha' tso'o lo'o ma̱, cha' jua'a̱ ti̱ ti tyi'i̱ tyiquee ma̱ lcaa hora.