Lo'o li' nchcui' Jesús lo'o ycui' Ndyosi Sti yu: ―Cua'ni tlyu na' jinu'u̱, Sti na'; la cui' nu'u̱ laca Xu'na ya, masi nde cua̱, masi nde chalyuu ―nacui̱ Jesús ji'i̱ ycui' Ndyosi―. Tsa xlya'be hi̱ cha' cua ngua'ni nu'u̱ cha' ngua cuayá' ti' ñati̱ nu ná jlo tso'o ti' nquicha'; pana xa' ñati̱ ñi'ya̱ nti' ngu' tii, ná nchca cuayá' ti' ngu' bi' cha' jinu'u̱. Masi ngu' nu nchca tsa ji'i̱, masi ngu' nu jlo tsa ti' lcaa cha' jinu'u̱ nti' ngu', pana ná nchca cuayá' ti' ngu' bi'.
1 CORINTIOS 1:27 - Chatino Tataltepec27 La cui' cu'ma̱ nu nacui̱ ngu' cha' ná tso'o ma̱ tsiya' ti, nu juani laca ma̱ ñati̱ nu nti' la ycui' Ndyosi ji'i̱. Jua'a̱ cua nti' ycui' Ndyosi ta cha' tyuju'u ti' ji'i̱ ñati̱ nu nchca tsa chcui', nti' ycui' ngu'; bi' cha' cua ngusubi Ni ji'i̱ cu'ma̱, masi ñati̱ ti'i laca ma̱. Lo'o jua'a̱ ndu'ni Ni cha' tyuju'u ti' ñati̱ nu tlyu tsa cña nchca ji'i̱, nti' ycui' ngu'; bi' cha' ngusubi Ni ji'i̱ cu'ma̱ nu ná nchca lye ji'i̱ ma̱. အခန်းကိုကြည့်ပါ။ |
1 CORINTIOS 1:27
27 ပူးပေါင်းရင်းမြစ်များ
Hora ti nchcui' ngu' bi' lo'o Jesús: ―¿Ha ná ndyuna nu'u̱ cha' cuiñi nu nchcui' nu sube re cuentya jinu'u̱? ―nacui̱ ngu' bi' ji'i̱ Jesús. ―Cua ndyuna na' ―nacui̱ Jesús li'―. Si'i cha' cuiñi laca cha' nu nchcui' nu sube re. ¿Ha bilya chcui' ma̱ lo quityi nu nscua sca cha' ndi'ya̱?: Ndula tu'ba cubi', ndula tu'ba nu sube cuañi'; chañi cha' ndu'ni tlyu ngu' bi' ji'i̱ ycui' Ndyosi.
Cua ntsu'u sca taju ngu' nde quichi̱ bi', ngu' nu ndyaca tsa'a̱ ji'i̱ cha' nu nclu'u ngu' epicúreo, lo'o jua'a̱ ntsu'u chaca taju ngu' nu ndyaca tsa'a̱ ji'i̱ cha' nu nclu'u ngu' estoico. Ndyacua tya'a nu ngu' nu ndyaca tsa'a̱ tyucuaa lo cha' bi' lo'o Pablo li'. Nchcui' tsa ngu' cha' ji'i̱ yu lo'o tya'a ngu': ―¿Ni cha' nda nu qui'yu re nu nchcui' tsa lo'o na? ―nacui̱ ngu' ji'i̱ tya'a ngu'. ―¿Ha si'i cha' ji'i̱ xa' jo'ó nchcui' yu? ―nacui̱ tya'a ngu' li'. Pana cua ndyuna ngu' lo'o ngulu'u Pablo cha' ji'i̱ Jesús, cha' ngulu'u yu ji'i̱ ngu' ñi'ya̱ ngua cha' ndyu'ú Jesús chaca quiya'.
’Nu ngua sa'ni la ná ntaja'a̱ ngu' Israel tya'a yu cha' caca nu Moisés bi' loo ji'i̱ ngu': “¿Tilaca laca nu nda chacuayá' jinu'u̱ cha' caca nu'u̱ loo ji'i̱ cua, cha' cua'ni cuayá' nu'u̱ ji'i̱ cua?” nacui̱ ngu' ji'i̱ yu sa'ni la. Pana la cui' Moisés bi' ni, cua ngusubi ycui' Ndyosi ji'i̱ yu cha' caca yu loo ji'i̱ ngu' Israel tya'a yu, cha' cua'ni lyaá Ni ji'i̱ ngu' bi', cha' ti'í tsa nchcube' ngu' bi'; bi' cha' ngulo ycui' Ndyosi cña ji'i̱ Moisés nu lo'o na'a̱ yu ji'i̱ xca̱ ji'i̱ ycui' Ndyosi ndu̱ laja yaca quiche' su ndyaqui̱ bi'.
¿Ni cña tso'o cuentya ji'i̱ ycui' Ndyosi ndu'ni ñati̱ nu nchca tsa ji'i̱ lacua? ¿Ni cña ndu'ni ngu' nu ngua tsa'a̱ tso'o ti? ¿Ni cña ndu'ni ngu' nu nchca tsa nchcui' lacua? Sca ti nde chalyuu cua'nijo'o cña bi' ji'i̱ ngu'. Cua nacui̱ ycui' Ndyosi ji'na cha' ná tso'o tsiya' ti sca cha' nu ngua tsa'a̱ ñati̱ chalyuu ti, cha' tonto laca bi'.
Masi tlyu tsa cha' tso'o nu ntsu'u ne' cresiya ji'na xqui'ya Cristo, pana ñati̱ chalyuu ti laca na, si'i na nguula tsa ti' na ycui' ca na. Ñi'ya̱ laca sca quityu̱' nu ndya' lo'o yuu ti nu xtyi'i ti ncla'a, jua'a̱ ti laca na. Tso'o la jua'a̱, cha' li' taca ca cuayá' ti' na cha' sca ti ycui' Ndyosi laca nu lcaa cña nchca ji'i̱ Ni; nga'aa si'i ycui' ca na nu nchca ji'na.
Cu'ma̱ ngu' tya'a na nu tyaca'a tsa ma̱ 'na, cui'ya ma̱ cuentya ji'i̱ cha' re: Cua ngusubi ycui' Ndyosi ji'i̱ ñati̱ ti'i cha' taca xñi tso'o ngu' cha' ji'i̱ ycui' Ni; ta Ni chalyuu tso'o ji'i̱ ngu' bi' li', la cui' chalyuu nu nacui̱ Ni cha' caja ji'i̱ ñati̱ nu ntsu'u tsa tyiquee ña'a̱ ji'i̱ ycui' Ni. Masi ti'i tsa ñati̱ bi' nde chalyuu, pana culiya' ngu' cuentya ji'i̱ ycui' Ndyosi.
ကြော်ငြာတွေ