1 CORINTIOS 1:23 - Chatino Tataltepec23 Pana nu na ni, ndacha' na ji'i̱ ngu' cha' ji'i̱ Cristo nu cua ngujuii lo crusi cha' cua'ni lyaá ji'na. Li' chiya'a̱ nti' ngu' judío lo'o ndyuna ngu' cha' nu nchcui' na re; lo'o jua'a̱ ngu' xa' tsu', cha' tonto nchcui' na nti' ngu' bi', si'i cha' bi' tsiya' ti nti' ngu' bi'. အခန်းကိုကြည့်ပါ။ |
1 CORINTIOS 1:23
22 ပူးပေါင်းရင်းမြစ်များ
Jua'a̱ ngua cha' chi̱i̱ nti' ngu' ña'a̱ ngu' ji'i̱ Jesús, bi' cha' ndi'ya̱ nchcui' Jesús lo'o ngu' li': ―Lcaa se'i̱ ndu'ni tlyu ngu' ji'i̱ sca ñati̱ nu laca tu'ba ji'i̱ ycui' Ndyosi ―nacui̱ Jesús ji'i̱ ngu'―. Sca ti quichi̱ tyi yu, ná nduna ngu' bi' cha' nu nchcui' yu tsiya' ti; ni tya'a yu, ná ndaquiya' ngu' ji'i̱ yu.
Lo'o li' ngulacua̱ nu cusu' Simeón ji'i̱ ngu' bi'. Nde laca cha' nu nda nu cusu' lo'o María xtya'a̱ Jesús li': ―Quiña'a̱ tsa cha' tso'o caca ji'i̱ ngu' Israel xqui'ya cubi' re ―nacui̱ nu cusu' bi'―, masi ntsu'u ñati̱ nu chi̱i̱ ntsu'u tyiquee ngu' ña'a̱ ngu' ji'i̱, pana ntsu'u ñati̱ nu caja chalyuu cucui ji'i̱ xqui'ya cubi' re. Culo tu̱ cubi' re lcaa cha' nu ntsu'u yacu̱' ne' cresiya ji'i̱ ñati̱; caca cubi' re sca cha' tlyu nu cua nda ycui' Ndyosi ji'i̱ ñati̱, masi ná tyaja'a̱ lcaa ñati̱ tucuá cha' ji'i̱ ―nacui̱ Simeón ji'i̱ María xtya'a̱ cubi' bi'―. Lo'o jua'a̱ jinu'u̱ ―nacui̱ nu cusu' bi'―, tyacua sca cha' xñi'i̱ ti' jinu'u̱ xqui'ya cha' ná taquiya' ngu' ji'i̱ sñi' nu'u̱.
Ñati̱ nu ngunu'u̱ chalyuu ji'i̱ xqui'ya cha' cuxi nu ndu'ni ngu', ná nchca cuayá' ti' ngu' bi' tsiya' ti; na nxtyí lo'o ti ngu' ji'na si chcui' na lo'o ngu' ñi'ya̱ ntsu'u cha' ji'i̱ Cristo, cha' ngujuii yu lo crusi xqui'ya na cha' cuityi̱ Ni qui'ya nu ntsu'u ji'na. Pana nu na ni, nu clyaá na ji'i̱ qui'ya nu ntsu'u ji'na xqui'ya Cristo, tlyu tsa cña ngua'ni ycui' Ndyosi, jua'a̱ nti' na.
Pana ñati̱ nu ná stu'ba cha' ji'i̱ lo'o ycui' Ndyosi ni, ná taca ca cuayá' ti' ngu' bi' ni sca cña nu ndu'ni ycui' Ndyosi cuentya ji'i̱ Xtyi'i ycui' Ni; ná nchca ca cuayá' ti' ngu' bi' ji'i̱ cha' bi' tsiya' ti. Sca ti si ntsu'u Xtyi'i ycui' Ndyosi ne' cresiya ji'na, li' caca cuayá' ti' na ni cha' laca bi', bi' cha' ná sca cha' laca nti' ngu' bi'.
Nu cha' nu nda ya lo'o ngu' ni, si'i cha' ji'i̱ ycui' ca ya nchcui' ya. Ndi'ya̱ laca cha' nu nchcui' ya lo'o ngu': Jesucristo laca Xu'na tyucui ña'a̱ nde cua̱, lo'o la cui' Ni laca Ni loo ji'i̱ tyucui ña'a̱ nde chalyuu. Bi' cha' ñacui̱ ya cha' xqui'ya Jesús nu Xu'na na ndyu'ni ya cña cuentya ji'i̱ ma̱.
Na tonto tsa ma̱, cu'ma̱ ngu' gálatas, cha' nduna ma̱ cha' nu nda nu ngu' cuiñi bi'; laca ma̱ ñi'ya̱ si ntsu'u nu ngua'ni cucha'a̱ ji'i̱ ma̱. Bi' cha' juani nga'aa nti' ma̱ xñi la ma̱ cha' liñi nu cua nda Cristo lo'o na. Pana lo'o nda ya cha' ji'i̱ Cristo lo'o ma̱ tya clyo, li' ngulu'u tsa ya ji'i̱ ma̱ ñi'ya̱ ngua lo'o ngujuii Jesucristo lo crusi xqui'ya na; jua'a̱ ngulu'u ya ji'i̱ ma̱ ña'a̱ cuayá' nu ngua cuayá' tso'o ti' ma̱ cha' bi'.
Cu'ma̱ tya'a ngusñi na cha' ji'i̱ Cristo, jlo ti' ma̱ cha' nga'aa cua'ni lya' ti' ngu' judío 'na si cacha' na' ji'i̱ ma̱ cha' culacua̱ ma̱ ñi'ya̱ ndu'ni ngu' bi'; pana ña'a̱ ti ti'í ti' ngu' bi' jna', xqui'ya cha' ná nda na' cha' bi' lo'o ma̱, cha' sca ti nchcui' na' lo'o cu'ma̱ ñi'ya̱ ndyu'u cha' lo'o ngujuii Jesús lo crusi.
Pana nu na' ni, sca ti cha' tso'o ntsu'u chalyuu nti' na', cha' nu ngujuii ycui' Jesucristo nu Xu'na na lo crusi cuentya ji'na; bi' cha' nga'aa nti' na' ta na' xa' la cha' lo'o ñati̱. Lo'o jua'a̱ xqui'ya cha' ngujuii ycui' Cristo, nga'aa caca tatsaa nu cuxi nu ntsu'u chalyuu jna', cha' nga'aa ntsu'u cha' jna' lo'o cha' cuxi nu ntsu'u chalyuu juani.
Ná tso'o la na' tsiya' ti que cua ña'a̱ ca ñati̱ nu ngusñi cha' ji'i̱ ycui' Ndyosi, tso'o la ngu' bi' que na'; pana nda Ni chacuayá' cha' tsa'a̱ slo ñati̱ nu ndi'i̱ xa' tsu'. Tso'o tsa cña nda Ni 'na, cha' cacha' na' cha' tso'o bi' ji'i̱ ngu', masi tya lyiji tsa cha' tye ca cuayá' ti' ycui' na' lcaa cha' tso'o nu ndu'ni Cristo lo'o ñati̱.
Xcui' culacua ti' na ñi'ya̱ ngua'ni Jesús; lcaa cha' nu jlya ti' na ni, Jesús laca su̱u̱ lcaa cha' bi'; si jua'a̱, taca jlya ti' na ji'i̱ Ni ña'a̱ cuayá' nu tye chalyuu. Nu ycui' Jesús ni, ná nguta'a̱chu̱' yu ji'i̱ cña nu nga'a̱ cha' cua'ni yu, masi cua jlo ti' yu cha' cua cajaa ti yu lo crusi. Pana tiya' la li', nu lo'o cua ntiji̱loo yu ji'i̱ nu cuxi, tso'o tsa ntsu'u tyiquee yu li'; bi' cha' ná ngua tyuju'u ti' yu tsiya' ti, masi nguxcube' ngu' ji'i̱ yu lo crusi. Lo'o juani cua ndyaa tucua Jesús nde la'a tsu' cui̱ su tlyu ca su ntucua ycui' Ndyosi Sti na.
Ndi'ya̱ nscua chaca cha' nu nchcui' ji'i̱ quee bi' chaca se'i̱ lo quityi: Tyeje sna quiya' ngu' chu̱' quee bi', clyú ngu' tyucui̱i̱ su lijya̱ ngu' lo'o tyucua quee bi' quiya' ngu'. Jua'a̱ nscua cha' lo quityi bi'; na nclyú ngu' tyucui̱i̱ cha' ná ndaquiya' ngu' ji'i̱ cha' nu nchcui' ycui' Ndyosi. Ngua'ni ycui' Ndyosi jua'a̱ cha' ná taca tya'a̱ ngu' tyucui̱i̱ ji'i̱ Ni si ná xñi ngu' cha' ji'i̱ ycui' Ni.
ကြော်ငြာတွေ